Breaking News : કુંભ મેળામાં લાગી આગ, સિલિન્ડર બ્લાસ્ટથી લાગેલી આગમાં અનેક ટેન્ટ બળીને ખાક
પ્રયાગરાજમાં મહાકુંભ મેળા વિસ્તારમાં આગ લાગી હતી. આ આગની ઘટનામાં કોઈ જાનહાનિ માહિતી નથી. ભારે પવનને કારણે આગ ઝડપથી ફેલાઈ અને આસપાસના તંબુઓને પણ પોતાની ઝપેટમાં લીધા. ફાયરની ગાડીઓ ઘટનાસ્થળે પહોંચી હતી અને આગ પર કાબુ મેળવી લેવામાં આવ્યો છે.
પ્રયાગરાજમાં મહાકુંભ મેળાના સેક્ટર 19માં આગ લાગી છે. એવું કહેવામાં આવી રહ્યું છે કે ટેન્ટમાં રાખેલા સિલિન્ડરમાં વિસ્ફોટ થયા પછી આગ લાગી હતી અને થોડી જ વારમાં 20-25 ટેન્ટ બળીને રાખ થઈ ગયા હતા. આગને કાબુમાં લેવા માટે છ ફાયરની ગાડીઓ તૈનાત કરવામાં આવી છે. પોલીસ અને NDRFની ટીમો આગને કાબુમાં લેવા માટે આસપાસના વિસ્તારોને ખાલી કરાવી રહી છે. શાસ્ત્રી બ્રિજ અને રેલવે બ્રિજ વચ્ચેના વિસ્તારમાં આગ લાગી હતી. આ આખો વિસ્તાર મહાકુંભ મેળા વિસ્તારમાં આવે છે.
ટેન્ટમાં રાખેલા સિલિન્ડરો એક પછી એક બ્લાસ્ટ થઈ રહ્યા હોવાથી આગ વધુ ગંભીર બની હતી. સિલિન્ડર બ્લાસ્ટને કારણે આગ ઝડપથી ફેલાઈ હતી. આગની ઘટના બાદ સમગ્ર મેળા વિસ્તારમાં અફડાતફડીનો માહોલ સર્જાયો હતો. લોકો આગગ્રસ્ત વિસ્તારમાંથી સુરક્ષિત સ્થળોએ સ્થળાંતર કરી રહ્યા છે.
#WATCH | Prayagraj, Uttar Pradesh | A fire breaks out at the #MahaKumbhMela2025. More details awaited.#TV9News #TV9Gujarati pic.twitter.com/cNysWLp1qf
— Tv9 Gujarati (@tv9gujarati) January 19, 2025
આગમાં કોઈ જાનહાનિના અહેવાલ નથી
આ આગની ઘટનામાં કોઈ જાનહાનિ થઈ છે કે કેમ તે અંગે હજુ સુધી કોઈ માહિતી નથી. આગ ધીમે ધીમે સેક્ટર 20માં પણ ફેલાઈ ગઈ. ભારે પવનને કારણે આગ ઝડપથી ફેલાઈ અને આસપાસના તંબુઓને પણ પોતાની ઝપેટમાં લીધા છે. બચાવ ટીમો ઘટનાસ્થળે પહોંચી ગઈ છે. NDRF પણ ઘટનાસ્થળે પહોંચી છે.
જિલ્લા વહીવટીતંત્રએ TV9 ને જણાવ્યું હતું કે આગ પર કાબુ મેળવી લેવામાં આવ્યો છે. વહીવટીતંત્રે અપીલ કરી છે કે ચિંતા કરવાની કોઈ વાત નથી. અફવાઓ પર ધ્યાન ન આપવા અપીલ પણ કરવામાં આવી છે. જો કે, વહીવટીતંત્રે આગ કેવી રીતે લાગી અને તેણે આટલું ભયંકર સ્વરૂપ કેવી રીતે લીધું તે અંગે કોઈ સ્પષ્ટતા કરી નથી.
