IPL 2024 : આજે રમાશે ડબલ હેડર મેચ, અમદાવાદમાં કાળઝાળ ગરમી વચ્ચે ગુજરાત અને હૈદરાબાદનો જંગ
લખનૌ સુપર જાયન્ટસે પંજાબ કિંગ્સ વિરુદ્ધ રમાયેલી મેચમાં જીત મેળવી આ સીઝનમાં પોતાની જીત સાથે ખાતું ખોલી લીધું છે. તો ક્રિકેટ ચાહકોને આજે ડબલ હેડર મેચ જોવા મળશે. જેમાં એક મેચ અમદાવાદમાં કાળઝાળ ગરમી વચ્ચે રમાશે.
આઈપીએલ 2024ની 11મી મેચ લખનૌ સુપર જાયન્ટસ અને પંજાબ કિંગ્સની ટીમ વચ્ચે રમાય હતી. જેમાં લખનૌ સુપર જાયન્ટસે આ મેચમાં જીત મેળવી સીઝનની પહેલી જીત પોતાના ખાતમાં ઉમેરી છે. ચાહકોને આજે ડબલ હેડર મેચ જોવા મળશે. પહેલી મેચ ગુજરાત ટાઈટન્સ અને સનરાઈઝર્સ હૈદરાબાદ વચ્ચે રમાશે. તો બીજી મેચ ચેન્નાઈ સુપર કિંગ્સ અને દિલ્હી કેપિટ્લસની ટીમ આમને સામને થશે.
ગુજરાત ટાઈટન્સના હોમ ગ્રાઉન્ડમાં રમાશે
ગુજરાત ટાઈટન્સ અને સનરાઈઝર્સ હૈદરાબાદ વચ્ચે આઈપીએલ 2024ની મેચ ગુજરાત ટાઈટન્સના હોમ ગ્રાઉન્ડમાં રમાશે. આ મેચ અમદાવાદના નરેન્દ્ર મોદી સ્ટેડિયમમાં હૈદરાબાદ વિરુદ્ધ રમાશે. ગુજરાતની ટીમે આ સીઝનની શરુઆત આજ સ્ટેડિયમમાં જીત સાથે કરી હતી. પરંતુ બીજી મેચમાં ચેન્નાઈ સુપર કિંગ્સ વિરુદ્ધ હારનો સામનો કરવો પડ્યો હતો.
સનરાઈઝર્સ હૈદરાબાદને પણ આ સીઝનની પહેલી મેચમાં હારનો સામનો કરવો પડ્યો હતો પરંતુ બીજી મેચમાં બોલરના શાનદાર પ્રદર્શનના કારણે તેમણે મુંબઈ ઈન્ડિયન્સ વિરુદ્ધ જીત મેળવી હતી. ગુજરાત અને હૈદરાબાદ બંન્ને ટીમે મુંબઈ ઈન્ડિયન્સ સામે જીત મેળવી છે.
View this post on Instagram
37 ડિગ્રી તાપમાન રહી તેવી સંભાવના
હવામાન વિભાગની આગાહી અનુસાર આજે રાજ્યમાં કાળઝાળ ગરમી પડે તેવી પણ શક્યતાઓ છે. અમદાવાદ સહિત અન્ય કેટલાક જિલ્લાઓમાં 37 ડિગ્રી મહત્તમ તાપમાન રહી તેવી પણ સંભાવના છે. તમને જણાવી દઈએ કે, અમદાવાદમાં તો રાત્રી દરમિયાન પણ ગરમીની આગાહી કરવામાં આવી છે.
ત્યારે આગામી IPL 2024 ક્રિકેટ મેચોને ધ્યાનમાં રાખીને GMRCએ મોટેરા સ્ટેડિયમ મેટ્રો સ્ટેશનથી સવારના 6:20 વાગ્યાથી રાત્રે 12.00 વાગ્યા સુધી ટ્રેન સેવાઓનો સમય લંબાવવાનો નિર્ણય કર્યો છે. તમને જણાવી દઈએ કે,સ્પેશ્યલ પેપર ટિકિટનું ભાડું વ્યક્તિ દીઠ ફિકસ 50 રુપિયા રહેશે, જેનો ઉપયોગ ફક્ત મોટેરા સ્ટેડિયમ તથા સાબરમતી મેટ્રો સ્ટેશનથી બીજા કોઈપણ કાર્યરત મેટ્રો સ્ટેશન સુધી મુસાફરી કરવા માટે થઈ શકશે.
આ પણ વાંચો : IPL 2024 : આજે અમદાવાદમાં ગુજરાત ટાઈટન્સ અને હૈદરાબાદ વચ્ચે મેચ, અહિ જોઈ શકાશે લાઈવ મેચ
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
Latest News Updates
