પોતાના જમાઈને પાકિસ્તાન ટીમમાંથી બહાર કરાયો છતાં પૂર્વ કેપ્ટન શાહિદ આફ્રિદીએ પસંદગીકારોના વખાણ કર્યા
પાકિસ્તાન ક્રિકેટ ટીમના પસંદગીકારોએ ઈંગ્લેન્ડ સામે રમાઈ રહેલી ટેસ્ટ શ્રેણીની છેલ્લી બે મેચો માટે બાબર આઝમ અને શાહીન શાહ આફ્રિદી જેવા સ્ટાર ખેલાડીઓની પસંદગી કરી નથી. પસંદગીકારોના આ નિર્ણય પર પાકિસ્તાનના પૂર્વ કેપ્ટન શાહિદ આફ્રિદીએ મોટું નિવેદન આપ્યું છે.
પાકિસ્તાન ક્રિકેટ ટીમમાં મોટો ફેરફાર જોવા મળ્યો છે. ટીમના સતત ખરાબ પ્રદર્શનને જોતા પસંદગીકારોએ સિનિયર ખેલાડીઓને બહારનો રસ્તો બતાવ્યો છે. જેમાં પાકિસ્તાની ટીમના સ્ટાર બેટ્સમેન બાબર આઝમ ઉપરાંત ફાસ્ટ બોલર શાહીન શાહ આફ્રિદીનો પણ સમાવેશ થાય છે. જો કે ટીમના આસિસ્ટન્ટ કોચ અઝહર મહમૂદનું કહેવું છે કે આ ખેલાડીઓને આરામ આપવામાં આવ્યો છે. પાકિસ્તાનના ઘણા પૂર્વ ક્રિકેટરોએ આ મુદ્દે પોતાનો અભિપ્રાય વ્યક્ત કર્યો છે અને બોર્ડ અને પસંદગીકારોના આ નિર્ણયની ટીકા કરી છે. પરંતુ પાકિસ્તાનના પૂર્વ કેપ્ટન શાહિદ આફ્રિદીએ આ નિર્ણયનું સમર્થન કર્યું છે.
શાહિદ આફ્રિદીએ પસંદગીકારોની પ્રશંસા કરી
શાહિદ આફ્રિદીનું માનવું છે કે પસંદગીકારોનો આ નિર્ણય આ ખેલાડીઓની કારકિર્દી માટે એકદમ યોગ્ય છે. આ સિવાય તેનું માનવું છે કે આ ખેલાડીઓને આરામ આપવાથી બેન્ચ સ્ટ્રેન્થને મજબૂત કરવાની તક મળશે. શાહિદ આફ્રિદીએ X પર લખ્યું, ‘હું બાબર, શાહીન અને નસીમને આંતરરાષ્ટ્રીય ક્રિકેટમાંથી મુક્ત કરવાના પસંદગીકારોના નિર્ણયનું સમર્થન કરું છું. આ પગલું માત્ર ચેમ્પિયન ખેલાડીઓની કારકિર્દીને સુરક્ષિત કરવામાં અને વિસ્તારવામાં મદદ કરશે, સાથે જ ઉભરતી પ્રતિભાઓને ચકાસવા અને તેને તૈયાર કરવાની તક પણ પ્રદાન કરશે. ભવિષ્ય માટે મજબૂત બેન્ચ સ્ટ્રેન્થ બનાવવાની પણ આ મોટી તક હશે.
શાહીન મુલતાન ટેસ્ટમાં ફ્લોપ રહ્યો
શાહીન આફ્રિદીનું તાજેતરનું પ્રદર્શન કંઈ ખાસ રહ્યું નથી. તે મોટી ટુર્નામેન્ટની સાથે સાથે ઘરેલુ શ્રેણીમાં ટીમ માટે મેચ વિનર સાબિત નથી થઈ રહ્યો. ઈંગ્લેન્ડ સામેની ટેસ્ટ શ્રેણીની પ્રથમ મેચમાં પણ તે કંઈ ખાસ કરી શક્યો નહોતો. તેણે 26 ઓવરમાં 120 રન આપીને માત્ર 1 વિકેટ લીધી હતી. આ સિવાય છેલ્લા એક વર્ષમાં તે 11 ટેસ્ટ ઈનિંગ્સમાં માત્ર 17 વિકેટ જ લઈ શક્યો છે.
Supporting the selectors’ decision to give Babar, Shaheen, and Naseem a break from international cricket. This move not only helps protect and extend the careers of these champion players but also gives a great opportunity to test and groom emerging talent, building strong bench…
— Shahid Afridi (@SAfridiOfficial) October 14, 2024
બાબરની જગ્યાએ કામરાન ગુલામને તક
બીજી ટેસ્ટ માટે પાકિસ્તાનની પ્લેઈંગ ઈલેવનની જાહેરાત કરવામાં આવી છે. આ મેચમાં બાબરની જગ્યાએ કામરાન ગુલામને પ્લેઈંગ 11માં સામેલ કરવામાં આવ્યો છે. તે જ સમયે બોલિંગમાં શાહીન શાહ આફ્રિદીની જગ્યાએ નોમાન અલીને તક મળી છે. આ સિવાય સાજિદ ખાન અને ઝાહિદ મેહમૂદ પણ આ મેચમાં રમતા જોવા મળશે.
બીજી ટેસ્ટ માટે પાકિસ્તાનનો પ્લેઈંગ 11
સામ અયુબ, અબ્દુલ્લા શફીક, શાન મસૂદ (કેપ્ટન), કામરાન ગુલામ, સઈદ શકીલ (વાઈસ-કેપ્ટન), મોહમ્મદ રિઝવાન (વિકેટકીપર), સલમાન અલી આગા, આમિર જમાલ, નોમાન અલી, સાજીદ ખાન, ઝાહીદ મેહમૂદ.
આ પણ વાંચો: T20 World Cup: ‘SRH’એ ટીમ ઈન્ડિયાને મુશ્કેલીમાં મુકી દીધી, પાકિસ્તાનની મેચ પર નિર્ભર રહેવું પડશે
