CSK vs LSG Live Score, IPL 2023 : ચેન્નાઈ સુપર કિંગ્સનો 12 રનથી વિજય, અંત સુધી રોમાંચક રહી મેચ

CSK vs LSG Live Updates: બડોની આઉટ

અંતિમ ઓવરમાં આયુષ બડોની આઉટ થયો છે. અંતિમ ઓવર તુષાર દેશપાંડે લઈને આવ્યો હતો.

CSK vs LSG Live Updates: કૃષ્ણપ્પાએ છગ્ગો ફટકાર્યો

17મી ઓવરના ત્રીજા બોલને માટે 3 વાઈડ બોલ દીપક ચહરે કર્યા હતા. ત્યાર બાદ કૃષ્ણપ્પાએ ડીપ મિડવિકેટ પર લાંબો છગ્ગો ફટકાર્યો હતો.

CSK vs LSG Live Updates: નિકોલસ પૂરન OUT

તુષાર દેશપાંડેની મેચમાં પ્રથમ ઓવર ખરાબ રહી હતી, પરંતુ બીજી ઓવર સારી રહી હતી. તેણે 16મી ઓવરમાં ચેન્નાઈ માટે મહત્વનુ કામ કરી દીધુ હતુ. પૂરનની ઈનીંગને તેણે સમાપ્ત કરી દીધી હતી. પૂરન 32 રન નોંધાવી પરત ફર્યો હતો.

CSK vs LSG IPL 2023 Live Score: પૂરને જાડેજા પર 2 સિક્સ જમાવી

રવિન્દ્ર જાડેજા મેચમાં પોતાની પ્રથમ ઓવર લઈને આવ્યો છે. જોકે જાડેજાએ ઓવરમાં 2 છગ્ગા સહ્ય હતા. ઓવરના ત્રીજા અને પાંચમાં બોલને નિકોલસ પૂરને છગ્ગાના રુપમાં હવાઈ યાત્રા કરાવી હતી. ઓવરમાં 14 રન આવ્યા હતા.

CSK vs LSG Live Score: મોઈન અને સેન્ટનરના સ્પેલ ખતમ, જાડેજા એટેક પર

મોઈને ચાર ઓવરમાં 26 રન ગુમાવીને 4 વિકેટ ઝડપી હતી. ચેન્નાઈએ 6 બોલર અજમાવ્યા હતા, આ દરમિયાન જેમાં બેન સ્ટોક્સ અને તુષાર દેશપાંડે ખૂબ જ ખર્ચાળ રહ્યા હતા. જોકે મોઈન અને સેન્ટનરનો સ્પેલ ખતમ થતા લખઉનને રાહત સર્જાઈ હતી. જોકે તે રાહતનો ઉપયોગ બડોની કેવી રીતે કરે છે એ મહત્વનુ છે. હવે રવિન્દ્ર જાડેજા બોલિંગ એટેક પર આવ્યો છે.

CSK vs LSG Live Updates: સ્ટોઈનીસ OUT

14મી ઓવર લઈને મોઈન અલી આવ્યો હતો. ઓવરના બીજા બોલ પર મોઈને સ્ટોયનીસનો શિકાર કર્યો હતો. તે 21 રન નોંધાવીને પરત ફર્યો હતો.

CSK vs LSG Live Updates: નિકોલસ પૂરને છગ્ગો ફટકાર્યો

12મી ઓવર લઈને રાજ્યવર્ધન હંગારગેકર આવ્યો હતો. ઓવરના ચોથા બોલ પર છગ્ગો પૂરને ફટકાર્યા બાદ સળંગ બે ચોગ્ગા ફટકાર્યા હતા. લાંબા સમય બાદ લખનઉને સારી ઓવર નિવડી હતી. ઓવરમાં 15 રન આવ્યા હતા.

CSK vs LSG IPL 2023 Live Score: કૃણાલ પંડ્યા OUT

10મી ઓવરની શરુઆતે મોઈન અલીએ સ્ટોઈનીસનો છગ્ગો સહ્યો હતો. જોકે અંતિમ બોલ પર વિકેટ મેળવી હતી. મોઈન અલીએ પોતાની ત્રીજી વિકેટના રુપમાં કૃણાલ પંડ્યાને આઉટ કર્યો હતો. કૃણાલ 9 રન નોંધાવી પરત ફર્યો હતો.

Chennai Vs Lucknow Live Score: કૃણાલ પંડ્યાએ ફટકાર્યો છગ્ગો

9મી ઓવર લઈને મિશેલ સેન્ટનર આવ્યો છે. ઓવરના ત્રીજા બોલે કૃણાલ પંડ્યાએ છગ્ગો જમાવ્યો હતો. તેણે સ્ટેપ આઉટ કરીને લોંગ ઓન પર બોલને રમ્યો હતો.

CSK vs LSG IPL 2023 Live Score: રાહુલ OUT

મોઈન અલીએ બીજી મોટી વિકેટ ઝડપી છે. આ વખતે તેણે કેપ્ટન કેએલ રાહુલને પોતાનો શિકાર બનાવ્યો છે. આ સાથે જ મેચ એકા એક જ પલટાઈ ગઈ છે. લખનઉની ગતિ પર બ્રેક સ્વરુપ આ વિકેટ છે. રાહુલ 20 રન નોંધાવીને પરત ફર્યો છે.

CSK vs LSG Live Updates: દીપક હુડ્ડા આઉટ

7મી ઓવરના અંતિમ બોલ પર મિશેલ સેન્ટનરે લખનઉને ઝટકો આપતા દીપક હુડાની વિકેટ ઝડપી છે. દીપક માત્ર 2 રન નોંધાવી પરત ફર્યો છે. આમ બીજી વિકેટ લખનઉએ ગુમાવી છે.

CSK vs LSG Live Updates: મેયર્સ તોફાની શરુઆત કરાવી આઉટ

પાવરપ્લેમાં ચેન્નાઈ સામે મેયર્સે પાવર બતાવ્યો હતો અને તે અડધી સદી નોંધાવ્યા બાદ વિકેટ ગુમાવી બેઠો હતો. તે મોટો શોટ રમવાનો પ્રયાસમાં મોઈન અલીના બોલ પર કોનવેના હાથમાં કેટ ઝડપાયો હતો. 22 બોલમાં 53 રન ફટકારીને મેયર્સ પરત ફર્યો હતો.

CSK vs LSG Live Updates: દીપક ચહર પર 3 ચોગ્ગા

દીપક ચહરની વધુ એક ઓવર ખર્ચાળ રહી છે. પાંચમી ઓવર લઈને આવતા ઓવરમાં મેયર્સે બે અને રાહુલે એક ચોગ્ગો ફટકાર્યો હતો. મેયર્સે પુલ કરીને ત્રીજા બોલ પર અને કવર પોઈન્ટ પર ચોથા બોલ પર ચોગ્ગો ફટકાર્યો હતો. રાહુલે અંતિમ બોલ પર ચોગ્ગો ફટકાર્યો હતો.

CSK vs LSG IPL 2023 Live Score: તુષારની ખરાબ બોલિંગ

ચોથી ઓવર લઈને આવેલ તુષાર દેશપાંડેએ 2 નો બોલ અને 3 વાઈડ બોલ કરીને એક્સ્ટ્રા રન ગુમાવવા સાથે એક છગ્ગો અને એક ચોગ્ગાનો માર સહ્યો હતો. ઓવરમાં તુષારે 18 રન ગુમાવ્યા હતા. આમ 4 ઓવરમાં 56 રન લખનઉએ નોંધાવ્યા હતા.

CSK vs LSG Live Updates: મેયર્સના 3 ચોગ્ગા

દીપક ચહરને આ વખતે ખૂબ માર સહન સહવો પડ્યો છે. ત્રીજી ઓવરમાં ત્રણ ચોગ્ગા સહ્યા છે. ઓવરના બીજા બોલ પર બેકફુટ પર રહીને મેયર્સ પંચ કર્યો. ચોથા અને પાંચમાં બોલ પર સળંગ ચોગ્ગા ફટકાર્યા હતા.

CSK vs LSG Live Updates: મેયર્સની આક્રમક શરુઆત

બીજી ઓવર લઈને બેન સ્ટોક્સ આવ્યો હતો. સ્ટોક્સે 18 રન લૂટાવ્યા હતા. મેયર્સે આક્રમક રીતે બેટિંગ શરુ કરતા ઓવરમાં બે ચોગ્ગા અને એક છગ્ગો ફટકાર્યો હતો.

CSK vs LSG Live Updates: લખનઉની બેટિંગ શરુ

કેએલ રાહુલ અને કાઈલ મેયર્સની જોડી ઓપનિંગ કરવા માટે મેદાને આવી છે. વિશાળ લક્ષ્યને પાર કરવા માટેની શરુઆત માટે આ જોડીએ પ્રયાસ કરવો પડશે. દીપક ચહર ચેન્નાઈ તરફથી પ્રથમ ઓવર લઈને આવ્યો છે.

CSK vs LSG Live Updates: ચેન્નાઈએ 218 રનનુ લક્ષ્ય રાખ્યુ

CSK ની ઓપનિંગ જોડીએ ધમાલ મચાવતી શરુઆત કરી હતી. ઋતુરાજ ગાયકવાડ અને ડેવોન કોનવેની જોડી ઓપનિંગ માટે આવી હતી. 7 વિકેટના નુક્શાન પર 217 રનનો સ્કોર નિર્ધારીત ઓવરમાં ચેન્નાઈએ નોંધાવ્યો હતો.

CSK vs LSG Live Updates: ધોનીની રમત 3 બોલમાં સમાપ્ત

ધોનીએ શાનદાર બે છગ્ગા જમાવ્યા બાદ ત્રીજા બોલ પર જ પોતાની વિકેટ ગુમાવી છે. ત્રીજો મોટો શોટ રમવાના પ્રયાસમાં તે વિકેટ ગુમાવી બેઠો હતો. તેણે ત્રણ બોલની રમતમાં બે છગ્ગા વડે 12 રન નોંધાવ્યા હતા.

CSK vs LSG Live Updates: ધોનીની બેક ટુ બેક સિક્સર

ધોનીએ ગજબના બે છગ્ગા ફટકાર્યા છે. ચેપોક સ્ટેડિયમનો માહોલ જબરદસ્ત બન્યો છે. ક્રિઝ પર આવવા સાથે જ પોતાના પ્રથમ બંને બોલ પર બે છગ્ગા ફટકાર્યા છે. આ સાથે જ 5 હજાર રન ધોનીએ આઈપીએલમાં પૂરા કર્યા છે.

CSK vs LSG IPL 2023 Live Score: રવિન્દ્ર જાડેજા આઉટ, ધોનીની એન્ટ્રી

રવિન્દ્ર જાડેજા 3 રન નોંધાવીને પરત ફર્યો છે. તે 20મી ઓવરના પ્રથમ બોલ પર જ માર્ક વૂડનો શિકાર બન્યો છે.

CSK vs LSG Live Updates: રાયડૂએ ચોગ્ગો ફટકાર્યો

19મી ઓવરમાં 9 રન આવ્યા હતા. આ ઓવર યશ ઠાકુર લઈને આવ્યો હતો. તેના બોલ પર રાયડૂએ ચોગ્ગો અપર કટ કરીને મેળવ્યો હતો. આ બોલ પર થર્ડ મેન અવેશે કેચનો પ્રયાસ કર્યો હતો. જે હાથમાં આવીને છૂટ્યો હતો.

CSK vs LSG IPL 2023 Live Score: રાયડૂના 2 છગ્ગા

18મી ઓવરમાં અંબાતી રાયડૂએ બે છગ્ગા ફટકાર્યા હતા. ઓવરના પ્રથમ બોલ પર માર્ક વૂડનુ સ્વાગત છગ્ગા વડે કર્યુ હતુ. ઓવરના ચોથા બોલ પર સાઈટ સ્ક્રીન તરફ સિક્સ રાયડૂએ જમાવ્યો હતો.

CSK vs LSG Live Score: બેન સ્ટોક્સ સસ્તામા આઉટ

બેન સ્ટોક્સ સસ્તામાં વિકેટ ગુમાવીને પરત ફર્યો છે. અવેશ ખાને તેને પોતાનો શિકાર બનાવ્યો હતો. તે માત્ર 8 રન નોંધાવીને પરત ફર્યો હતો.  ચેન્નાઈની રમત ધીમી પડી છે અને હવે લખનઉના બોલરો પણ નિયંત્રણ કરવાનો પ્રયાસ કરી રહ્યા છે.

Chennai Vs Lucknow Live Score: મોઈન અલી આઉટ

રવિ બિશ્નોઈની કમાલની બોલિંગ. ત્રીજો તોફાની બેટર તેણે પેવેલિયન પરત મોકલ્યો છે. આ વખતે તેણે મોઈન અલીને પોતાનો શિકાર બનાવ્યો છે. મોઈને આગળની ઓવરમાં સળંગ ત્રણ ચોગ્ગા ફટકાર્યા હતા. મોઈન 19 રન નોંધાવીને રવિના ચાલકી ભર્યા બોલ પર સ્ટંપીંગ આઉટ થઈ પરત ફર્યો હતો.

CSK vs LSG Live Updates: મોઈન અલીએ સળંગ 3 ચોગ્ગા ફટકાર્યા

અવેશ ખાન માટે આજે દિવસ સારો રહ્યો નથી. 15મી ઓવરમાં પણ તેણે બાઉન્ડરીનો માર સહન કરવો પડ્યો હતો. ઓવરના અંતિમ ત્રણ બોલ પર મોઈન અલીએ સળંગ ત્રણ ચોગ્ગા ફટકાર્યા હતા.

CSK vs LSG IPL 2023 Live Score: શિવમ દુબે આઉટ

રવિ બિશ્નોઈએ બીજી સફળતા મેચમાં અપાવી છે. તેણે આ વખતે વધુ એક તોફાનને શાંત કરી દીધુ છે. શિવમ દુબેને તેણે માર્ક વૂડના હાથમાં કેચ ઝડપાવ્યો હતો. દુબે 16 બોલમાં 27 રન નોંધાવીને પરત ફર્યો હતો.

CSK vs LSG Live Updates: શિવમે 2 છગ્ગા ફટકાર્યા

રવિ બિશ્નોઈ 14મી ઓવર લઈને આવ્યો હતો. ઓવરના બીજા અને ત્રીજા બોલ પર શિવમ દુબેએ સળંગ બે છગ્ગા ફટકાર્યા હતા. પ્રથમ છગ્ગો તેણે 102 મીટર લાંબો જમાવ્યો હતો.

CSK vs LSG IPL 2023 Live Score: શિવમ દુબેએ સિક્સર ફટકારી

13મી ઓવર લઈને યશ ઠાકુર આવ્યો હતો. ઓવરના પાંચમાં બોલ પર શિવમ દુબેએ છગ્ગો બોલરના માથા પરથી જમાવ્યો હતો. આગળના બોલ પર ચોગ્ગો ફટકાર્યો હતો.

CSK vs LSG Live Updates: ડેવેન કોનવે આઉટ

11મી ઓવરમાં માર્ક વૂડે લખનઉને માટે રાહત સર્જી છે. પહેલા રવિ અને હવે માર્કે વિકેટ ઝડપી છે. ડેવોન કોનવે 47 રન નોંધાવીને પરત ફર્યો છે. કૃણાલ પંડ્યાએ તેનો કેચ ઝડપ્યો હતો. ધમાકેદાર શરુઆત બાદ હવે ચેન્નાઈની રમત ધીમી પડી છે.

CSK vs LSG Live Score: ગાયકવાડની તોફાની રમતનો અંત

રવિ બિશ્નોઈને એટેક પર મોડો લવાયો પરંતુ તેણે લખનઉને સફળતા અપાવી દીધી છે. તોફાનને તેણે એકાએક જ શમાવી દીધુ હોય એમ ઋતુરાજ ગાયકવાડનો શિકાર મેચમાં પોચાના પ્રથમ બોલ પર જ ઝડપ્યો છે. ગાયકવાડ માર્ક વૂડના હાથમાં ઝડપાયો છે. તે 31 બોલમાં 57 રન નોંધાવીને પરત ફર્યો હતો.

CSK vs LSG Live Score: કૃણાલ પંડ્યાની ઓવરમાં 2 છગ્ગા

8મી ઓવર લઈને કૃણાલ પંડ્યા આવ્યો હતો. ઓવરમાં તેણે 2 છગ્ગાઓનો માર સહ્યો હતો. ઓવરના ચોથા બોલ પર ડેવન કોન્વેએ પહેલા 85 મીટરનો છગ્ગો વાઈડ લોંગ ઓન પર ફટકાર્યો હતો. જ્યારે અંતિમ બોલ પર સ્લોગ સ્વીપ કરીને ફરી છ રન ફટકાર્યા હતા. ઓવરમાં 15 રન નોંધાવ્યા હતા.

Chennai Vs Lucknow Live Score: ગાયકવાડે અડધી સદી પૂરી કરી

ઋતુરાજ ગાયકવાડે પોતાની અડધી સદી 25 બોલમાં પુરી કરી છે. તેણે શરુઆતથી ચોગ્ગા અને છગ્ગા વડે રમત દર્શાવી હતી. તેણે શાનદાર ઈનીંગ વડે પાવર પ્લેમાં ચેન્નાઈનો સ્કોર 79 રન પર પહોંચાડ્યો હતો. ચેન્નાઈએ વિના વિકેટે સારી શરુઆત કરી છે.

Chennai Vs Lucknow Live Score: પાવરપ્લેમાં 79 રન

પાવરપ્લેની અંતિમ ઓવર લઈને માર્ક વૂડ આવ્યો હતો. આ ઓવરની શરુઆત ચોગ્ગા સાથે કરી હતી, ઓવરના પ્રથમ અને ત્રીજા બોલ પર કોનવેએ બે બાઉન્ડરી મેળવી હતી. પાંચમા બોલે સ્ટ્રાઈક પર ગાયકવાડ હતો અને તેણે ફ્લિક કરીને જીપ બેકવર્ડ સ્કેવર લેગ પર છગ્ગો ફટકાર્યો હતો. આમ પાવર પ્લેમાં તોફાની રમત ચેન્નાઈના ઓપનરોએ બતાવી હતી.

CSK vs LSG Live Updates: ગાયકવાડનો તોફાની અંદાજ, જમાવ્યા 3 છગ્ગા

પાંચમી ઓવર લઈને કૃષ્ણપ્પા આવ્યો હતો. ઓવરમાં ગાયકવાડે ત્રણ છગ્ગા જમાવ્યા હતા. તેણે તોફાની અંદાજથી ઓવરના બીજા બોલ પર સાઈટ સ્ક્રિન તરફ, ચોથા બોલ પર આગળ આવીને મિડ ઓફ પર અને અંતિમ બોલ પર એકસ્ટ્રા કવર પરથી છગ્ગો જમાવ્યો હતો. ઓવરમાં 20 રન આવ્યા હતા.

CSK vs LSG Live Updates: ગાયકવાડે વધુ એક ચોગ્ગો જમાવ્યો

ચોથી ઓવર લઈને કૃણાલ પંડ્યા આવ્યો હતો. તે પોતાની 100મી આઈપીએલ મેચ રમી રહ્યો છે. ઓવરના પાંચમાં બોલ પર ગાયકવાડે પુલ કરીને ચાર રન મેળવ્યા હતા. ઓવરમાં 7 રન મેળવ્યા હતા.

CSK vs LSG IPL 2023 Live Score: ગાયકવાડનો ચોગ્ગો

ત્રીજી ઓવર લઈને મેયર્સ આવ્યો હતો. ઓવરના બીજા બોલ પર ગાયકવાડે ચોગ્ગો જમાવ્યો હતો. બેકવર્ડ પોઈન્ટ પર શાનદાર શોટ વડે ચાર રન મેળવ્યા હતા.

CSK vs LSG Live Updates: ચેન્નાઈને બીજી ઓવરમાં 17 રન

બીજી ઓવર લઈને અવેશ ખાન આવ્યો હતો. આ ઓવરની શરુઆત એવેશ માટે ખરાબ રહી હતી. વાઈડ બોલથી શરુઆત કરી અને 5 રન આપ્યા હતા. આગળ બોલ કરતા નો બોલ કર્યો હતો. જ્યારે ઓવરના ત્રીજા અને ચોથા બોલ પર કોનવેએ બે બાઉન્ડરી ફટકારી હતી. આમ ઓવરમાં 17 રન ચેન્નાઈને મળ્યા હતા.

CSK vs LSG Live Updates: ચેન્નાઈની બેટિંગ શરુ

ચેન્નાઈ સુપર કિંગ્સ તરફથી ઓપનિંગ કરવા માટે ઋતુરાજ ગાયકવાડ અને ડેવેન કોનવેની જોડી ઓપનિંગ કરવા માટે આવી છે. પ્રથણ ઓવર લઈને કાઈલ મેયર્સ આવ્યો હતો.

CSK vs LSG IPL 2023 Live Score: મેદાનમાં શ્વાન આવ્યો

મેચ શરુ થવાના સમયે જ મેદાનમાં શ્વાન દોડી આવ્યો હતો. જેને લઈ મેચને શરુ થવામાં કેટલીક મિનીટ મોડુ થયુ હતુ. મેચનુ કાઉન્ટ ડાઉન શરુ થવા સમયે જ ડોગ મેદાનમાં ફરતા અંપાયર અને સ્ટાફ તેને બહાર ભગાડવા દોડ્યા હતા.

#IPL2023 #CSKvsLSG Babar azam spotted 🌚 pic.twitter.com/V8maeHDjCV

— INDIAN_JADEJA ⁰⁸ 🇮🇳 (@indian_jadeja08) April 3, 2023

CSK vs LSG Live Updates: લખનૌ સુપર જાયન્ટ્સ Playing Xi

લખનૌ સુપર જાયન્ટ્સ પ્લેઈંગ ઈલેવન: કેએલ રાહુલ, કાયલ માયર્સ, નિકોલસ પૂરન, માર્કસ સ્ટોઈનિસ, દીપક હુડા, કૃણાલ પંડ્યા, આયુષ બડોની, માર્ક વૂડ, યશ ઠાકુર, રવિ બિશ્નોઈ, અવેશ ખાન.

CSK vs LSG Live Updates: ચેન્નાઈ સુપર કિંગ્સ Playing Xi

ચેન્નાઈ સુપર કિંગ્સ પ્લેઈંગ ઈલેવન: ડેવોન કોનવે, ઋતુરાજ ગાયકવાડ, મોઈન અલી, બેન સ્ટોક્સ, અંબાતી રાયડુ, રવિન્દ્ર જાડેજા, શિવમ દુબે, એમએસ ધોની, દીપક ચહર, મિશેલ સેન્ટનર, રાજ્યવર્ધન હંગરગેકર.

CSK vs LSG IPL 2023 Live Score: લખનઉએ ટોસ જીત્યો, ચેન્નાઈ બેટિંગ કરશે

લખનઉ સુપર જાયન્ટ્સના કેપ્ટન કેએલ રાહુલે ટોસ જીતીને પ્રથમ બોલિંગ પસંદ કરી છે. આમ ધોની સેના હોમગ્રાઉન્ડમાં પ્રથમ બેટિંગ કરતી નજર આવશે. ધોનીએ સિઝનમાં સતત બીજો ટોસ હાર્યો છે.

🚨 Toss Update🚨@LucknowIPL win the toss and elect to field first against @ChennaiIPL .

Follow the match ▶️ https://t.co/buNrPs0BHn#TATAIPL | #CSKvLSG pic.twitter.com/sT9UZLHwH6

— IndianPremierLeague (@IPL) April 3, 2023

CSK vs LSG Live Score: રાહુલ માટે ધોનીનો પડકાર

ચેન્નાઈ સુપર કિંગ્સ તેના હોમગ્રાઉન્ડ પર રમી રહી છે. અહીં ધોની અને તેની ટીમનો પડકાર કેએલ રાહુલ અને લખનઉની ટીમે ઝીલવાનો છે. ચેન્નાઈને તેના જ ઘરમાં હરાવવુ એ મુશ્કેલ છે.

CSK vs LSG Live Updates: ચેન્નાઈ 2019 બાદ હોમ ગ્રાઉન્ડ પર રમશે

આજે ચેન્નાઈ માટે માહોલ જબરદસ્ત હશે. 2019 ની સિઝન બાદ પ્રથમ બાદ પ્રથમ વાર ચેન્નાઈ સુપર કિંગ્સ પોતાના હોમગ્રાઉન્ડ પર રમતી જોવા મળશે. મહેન્દ્રસિંહ ધોનીની કેપ્ટનશિપ ધરાવતી ટીમ ચેપોકમાં ચેન્નાઈ તરફી માહોલનો પૂરો ફાયદો ઉઠાવી સિઝનની પ્રથમ જીત મેળવવા પૂરો દમ લગાવતી નજર આવશે.