Champions Trophy 2025 : પાકિસ્તાનનું હાઈબ્રિડ મોડલ ભારતને સ્વીકાર્ય નથી, જાણો શું છે કારણ
ચેમ્પિયન્સ ટ્રોફી 2025ને લઈને ભારત અને પાકિસ્તાન વચ્ચે ચાલી રહેલા તણાવની અસર ભારતમાં આવનારી ICC ઈવેન્ટ્સ સુધી પણ પહોંચી ગઈ છે. PCBએ પણ સ્પષ્ટ કહ્યું છે કે તે ICC ઈવેન્ટ્સ માટે તેની ટીમ ભારત નહીં મોકલે, પરંતુ PCBની આ શરત BCCIને સ્વીકાર્ય નથી.
ભારત અને પાકિસ્તાનની પુરૂષ ક્રિકેટ ટીમો ટૂંક સમયમાં સામ-સામે આવશે. પ્રસંગ હશે ICC ચેમ્પિયન્સ ટ્રોફી 2025. પાકિસ્તાન આ ટૂર્નામેન્ટનું આયોજન કરી રહ્યું છે પરંતુ ભારત સરકાર અને BCCIએ તેમની ટીમ પાકિસ્તાન મોકલવાનો ઈનકાર કરી દીધો છે. સુરક્ષા કારણોસર ભારતીય ટીમ પાકિસ્તાનનો પ્રવાસ નહીં કરે. ભારતીય બોર્ડના ઈનકાર અને ICCના દબાણ બાદ પાકિસ્તાન બેકફૂટ પર આવી ગયું છે. પાકિસ્તાને ઈચ્છા ન હોવા છતાં ચેમ્પિયન્સ ટ્રોફી માટે હાઈબ્રિડ મોડલ માટે સંમત થવું પડ્યું હતું. હવે ભારતીય ટીમની મેચ પાકિસ્તાનમાં નહીં પરંતુ અન્ય કોઈ જગ્યાએ યોજાશે. જો કે, પાકિસ્તાને ભવિષ્ય માટે એક શરત પણ મૂકી છે જે BCCIને સ્વીકાર્ય નથી.
હાઈબ્રિડ મોડલ ભારતમાં પણ હોવું જોઈએ: PCB
BCCIનું ભારતીય ટીમને પાકિસ્તાન ન મોકલવું યોગ્ય છે. જો કે પાકિસ્તાન ક્રિકેટ બોર્ડ પણ ભારત સમક્ષ આ જ શરત મૂકી રહ્યું છે. PCBએ ICCને સ્પષ્ટપણે કહ્યું છે કે તે ભવિષ્યમાં ICC ઈવેન્ટ માટે પોતાની ટીમ ભારત નહીં મોકલે. પાકિસ્તાને એવી પણ માંગ કરી છે કે ચેમ્પિયન્સ ટ્રોફીની જેમ તે ટૂર્નામેન્ટ માટે પણ હાઈબ્રિડ મોડલ અપનાવવામાં આવે. PCB પણ ઈચ્છે છે કે ભારતમાં યોજાનારી ICC ટૂર્નામેન્ટમાં પાકિસ્તાની ટીમ પોતાની મેચ ભારતમાં રમવાને બદલે અન્ય સ્થળોએ રમવી જોઈએ.
PCBની શરત સ્વીકારવાનો BCCIનો ઈનકાર
BCCI પાકિસ્તાની બોર્ડની આવી માંગથી સંતુષ્ટ નથી. તેના હાઈબ્રિડ મોડલની શરત ભારતીય બોર્ડ દ્વારા સ્વીકારવામાં આવી રહી નથી અને આ સ્વાભાવિક પણ છે. વાસ્તવમાં ભારતીય ટીમ સુરક્ષાના કારણોસર પાકિસ્તાનનો પ્રવાસ નથી કરતી પરંતુ પાકિસ્તાન સાથે આવો કોઈ મામલો નથી. ભારત અને પાકિસ્તાન વચ્ચેના સંબંધોમાં ખટાશનું કારણ પાકિસ્તાન દ્વારા ભારતમાં કરવામાં આવતી આતંકવાદી ગતિવિધિઓ છે, જ્યારે ભારતે પાકિસ્તાનમાં આવા કોઈ હુમલા કર્યા નથી જેના કારણે પાકિસ્તાની ખેલાડીઓને ભારતમાં ખતરો છે.
PCBનો બદલો લેવાનો પ્રયાસ?
વર્ષ 2023માં જ ODI વર્લ્ડ કપ દરમિયાન પાકિસ્તાને ભારતનો પ્રવાસ કર્યો હતો, પરંતુ હવે એક વર્ષ બાદ PCB તેની ટીમને ICC ઈવેન્ટ માટે ભારત મોકલવાનો ઈન્કાર કરી રહ્યું છે. વાસ્તવમાં લાંબા સમય બાદ પાકિસ્તાનમાં ICC ઈવેન્ટનું આયોજન થઈ રહ્યું છે અને તેના માટે પાકિસ્તાની બોર્ડ શરૂઆતથી જ મોટા દાવાઓ કરી રહ્યું છે કે તે આખી ટૂર્નામેન્ટ પોતાના દેશમાં સફળતાપૂર્વક આયોજિત કરશે. પરંતુ ભારતના ઈનકારને કારણે PCB મુશ્કેલીમાં મુકાઈ ગયું છે અને આવી સ્થિતિમાં તે પોતાના ક્રિકેટ ચાહકોની સામે પોતાની ઈજ્જત બચાવવા માટે બદલાની ભાવના સાથે આવી શરત લાદી રહ્યો હોય તેવું લાગી રહ્યું છે.
આ પણ વાંચો: આ ગુજ્જુ બેટ્સમેને એક અઠવાડિયાની અંદર બીજી સૌથી ઝડપી સદી ફટકારી મચાવી ધમાલ
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
