Breaking News: ગુજરાત સામે રાજસ્થાને અચાનક બદલ્યો કેપ્ટન, સ્ટાર ઓપનરને મળી મોટી જવાબદારી
RR vs GT: IPL 2026 ની 52મી મેચમાં રાજસ્થાન રોયલ્સ અને ગુજરાત ટાઈટન્સની ટક્કર થઈ રહી છે. આ મેચ પહેલા ટોસ સમયે રાજસ્થાન રોયલ્સનો નવો કેપ્ટન મેદાનમાં પ્રવેશ્યો હતો. રેગ્યુલર કેપ્ટન રિયાન પરાગની જગ્યાએ સ્ટાર ઓપનર ટોસ માટે આવ્યો હતો. મેચ પહેલા અચાનક રાજસ્થાને ટીમનો કેપ્ટન બદલ્યો હતો.
IPL 2026 ની 52મી મેચમાં, રાજસ્થાન રોયલ્સે ગુજરાત ટાઈટન્સ સામે નવા કેપ્ટનને મેદાનમાં ઉતાર્યો. નિયમિત કેપ્ટન રિયાન પરાગ આ મેચમાં રમી શક્યો નથી. યુવા ઓપનર યશસ્વી જયસ્વાલે તેના સ્થાને કેપ્ટન તરીકેની જવાબદારી સંભાળી રહ્યો છે. યશસ્વી જયસ્વાલે IPLમાં પહેલીવાર કેપ્ટન તરીકે રમી રહ્યો છે. તેણે ટોસ જીતીને ગુજરાત સામે પ્રથમ બોલિંગ કરવાનો નિર્ણય લીધો હતો.
રાજસ્થાનનો કેપ્ટન બદલાયો
ટોસ દરમિયાન, યશસ્વી જયસ્વાલે રિયાન પરાગની ગેરહાજરીનું કારણ પણ જણાવ્યું. તેણે જણાવ્યું કે પરાગ હેમસ્ટ્રિંગ ઈજાને કારણે મેચમાંથી બહાર થઈ ગયો હતો. પરાગને પાછલી મેચમાં આ ઈજા થઈ હતી. આશા છે કે તે જલ્દી ફિટ થઈ જશે અને ટીમમાં જોડાશે. રિયાન પરાગની ગેરહાજરીને કારણે રાજસ્થાન રોયલ્સે તેમની પ્લેઈંગ ઈલેવનમાં ફેરફારો કરવા પડ્યા છે. શિમરોન હેટમાયર અને પુલકેશિયા પુનિયાને પ્લેઈંગ ઈલેવનમાં સામેલ કરવામાં આવ્યા છે.
Stage is set for a special clash in Jaipur
Match 5⃣2⃣ upon us
Updates ▶️ https://t.co/t7CEEL9Bzp#TATAIPL | #KhelBindaas | #RRvGT pic.twitter.com/JnSK83FqU5
— IndianPremierLeague (@IPL) May 9, 2026
ગુજરાત ટાઈટન્સમાં એક ફેરફાર
બીજી તરફ, ગુજરાત ટાઈટન્સે પણ આ મેચમાં મોટો ફેરફાર કર્યો છે. માનવ સુથારની જગ્યાએ પ્રસિદ્ધ કૃષ્ણા ટીમમાં પરત ફર્યો છે, જે ટીમ માટે સારા સમાચાર છે. પ્રસિદ્ધ કૃષ્ણાનું પ્રદર્શન અત્યાર સુધી સારું રહ્યું છે. તેણે 7 મેચમાં 12 વિકેટ લીધી છે, પરંતુ તે છેલ્લી કેટલીક મેચોનો ભાગ નહોતો. તેના કમબેકથી ગુજરાતની બોલિંગ યુનિટ વધુ મજબૂત બની છે.
બંને ટીમની પ્લેઈંગ ઈલેવન
ગુજરાત ટાઈટન્સ પ્લેઈંગ ઈલેવન: શુભમન ગિલ (કેપ્ટન), સાઇ સુદર્શન, જોસ બટલર (વિકેટકીપર), નિશાંત સિંધુ, વોશિંગ્ટન સુંદર, જેસન હોલ્ડર, રાહુલ તેવટિયા, રાશિદ ખાન, અરશદ ખાન, કાગીસો રબાડા, મોહમ્મદ સિરાજ.
રાજસ્થાન રોયલ્સ પ્લેઈંગ ઈલેવન: યશસ્વી જયસ્વાલ (કેપ્ટન), ધ્રુવ જુરેલ (વિકેટકીપર), શિમરોન હેટમાયર, ડોનોવન ફરેરા, રવિન્દ્ર જાડેજા, શુભમ દુબે, દાસુન શનાકા, જોફ્રા આર્ચર, તુષાર દેશપાંડે, બ્રિજેશ શર્મા, યશ રાજ પુંજા.
Breaking News: રાજસ્થાને ટોસ જીતી બોલિંગ પસંદ કરી, ગુજરાત પહેલા કરશે બેટિંગ, જાણો બંને ટીમની પ્લેઈંગ 11
