Breaking News: આજે અમદાવાદમાં ગુજરાત સામે હાર્યું, તો ચેન્નાઈ IPL 2026 માંથી બહાર ફેંકાશે, પ્લેઓફમાં પહોંચવા મોટી જીતની જરુર

ચેન્નાઈ સુપર કિંગ્સ માટે IPL 2026 ના પ્લેઓફની દાવેદારીમાં ટકી રહેવા માટે ગુજરાત ટાઈટન્સ સામેની મેચ મહત્વપૂર્ણ છે. તેમને આ મેચમાં મોટી જીતની જરૂર પડશે. જોકે, હાર તેમની પ્લેઓફની આશાઓ પર પાણી ફેરવી શકે છે.

Chennai Super KingsImage Credit source: X

Smit Chauhan | Updated on: May 21, 2026 | 4:33 PM

ચેન્નાઈ સુપર કિંગ્સ IPL 2026 માંથી બહાર થવાની આરે છે. એક હાર અને CSK ની પ્લેઓફમાં પહોંચવાની આશાઓ ખતમ થઈ ગઈ છે. આવી સ્થિતિમાં CSKને પ્લેઓફમાં પહોંચવા માટે માત્ર તેના મજબૂત પ્રદર્શનની જ નહીં પરંતુ અન્ય ટીમોના સમર્થનની પણ જરૂર પડશે. જો કે, પહેલા આ ટીમ માટે જીત જરૂરી છે, અને તે પણ મોટી. જો CSK 21 મેની સાંજે ગુજરાત ટાઈટન્સને તેના હોમ ગ્રાઉન્ડ પર મોટી હાર આપે છે, તો પ્લેઓફમાં પહોંચવાની તેમની આશા જીવંત રહેશે.

IPL 2026 માં CSK-GT ની બીજી ટક્કર

ગુજરાત ટાઈટન્સ અને ચેન્નાઈ સુપર કિંગ્સ વચ્ચેની મેચ અમદાવાદના નરેન્દ્ર મોદી સ્ટેડિયમમાં રમાશે. IPL 2026 માં આ બંને ટીમો વચ્ચે આ બીજી ટક્કર છે. અગાઉ, ગુજરાત ટાઈટન્સે ચેન્નાઈમાં CSK ને 8 વિકેટથી હરાવ્યું હતું. હવે ચેન્નાઈ સુપર કિંગ્સ પાસે ગુજરાતમાં જીતવાની તક છે. જો કે CSK પાસે અમદાવાદમાં જીતવા સિવાય બીજો કોઈ વિકલ્પ જ નથી, કારણ કે આ મેચમાં હારથી પ્લેઓફમાં પહોંચવાની તેમની બાકી રહેલી આશાઓ ચકનાચૂર થઈ જશે.

ચેન્નાઈ માટે જીતવું જરૂરી

IPL 2026 માં પ્લેઓફ રેસમાંથી બહાર ન થવા માટે ચેન્નાઈને મોટા માર્જિનથી જીતવાની જરૂર છે. પરંતુ આ કામ સરળ રહેશે નહીં. આનું મુખ્ય કારણ બંને ટીમોના આંકડા છે, જે તેમની વચ્ચે ટક્કરના મુકાબલા દર્શાવે છે. બીજું કારણ ગુજરાત ટાઈટન્સની બેફિકરી છે. શુભમન ગિલની આગેવાની હેઠળની આ ટીમે પહેલાથી જ IPL 2026 પ્લેઓફમાં સ્થાન મેળવી લીધું છે. તેથી, તેઓ આ મેચમાં બિન્દાસ ક્રિકેટ રમશે. ગુજરાત અને ચેન્નાઈ વચ્ચેના મુકાબલાની વાત કરીએ તો, બંનેની IPLમાં નવ વાર ટક્કર થઈ છે. જેમાં નવ મેચમાંથી ગુજરાતે પાંચ, જ્યારે ચેન્નાઈએ ચાર મેચ જીતી છે.

મોટી જીત પછી CSK થશે ક્વોલિફાય?

હવે પ્રશ્ન એ છે કે, ચેન્નાઈ સુપર કિંગ્સે ગુજરાત ટાઈટન્સને મોટા અંતરથી હરાવીને બે પોઈન્ટ મેળવ્યા અને તેમનો રન રેટ સુધાર્યો, તો આગળ શું થશે? શું આનાથી તેઓ પ્લેઓફમાં સ્થાન મેળવી શકશે? તો આનો જવાબ છે ‘ના’. ગુજરાત પર મોટી જીત પછી પણ તેમને અન્ય ટીમો પર આધાર રાખવો પડશે. ચેન્નાઈ માટે એ ખૂબ જ મહત્વપૂર્ણ છે કે પ્લેઓફની રેસમાં સામેલ પંજાબ, રાજસ્થાન અને કોલકાતા તેમની મેચ હારી જાય.

અન્ય ટીમોના પરિણામો પર નિર્ભર

હવે IPL 2026 આગામી મેચોમાં પંજાબ-લખનૌ, રાજસ્થાન-મુંબઈ અને કોલકાતા-દિલ્હીની ટક્કર થશે. LSG અને MI બંને પ્લેઓફમાંથી બહાર થઈ ગયા છે, તેથી જો તેઓ PBKS અને RR ને હરાવે છે તો CSKને સીધો ફાયદો થશે. KKR અને DC પણ પ્લેઓફની રેસમાં છે. આ મેચમાં દિલ્હીની જીતથી ચેન્નાઈને ફાયદો થશે, પરંતુ DCનો જીતનો માર્જિન નાનો હોવો જોઈએ.