New Rule: ફટાફટ પુરા કરો આ કામ! ક્રેડિટ કાર્ડથી લઈને EPFO સુધી, 1 એપ્રિલથી થઈ રહ્યા છે આ 5 મોટા ફેરફાર
માર્ચ મહિનો પૂરો થવાનો છે. હવે ટૂંક સમયમાં એપ્રિલ મહિનો શરૂ થવા જઈ રહ્યો છે. ઘણા મોટા ફેરફારો દર મહિનાના પ્રથમ દિવસે થાય છે. 1લી એપ્રિલે પણ ઘણા ફેરફારો થવાના છે. જેની સીધી અસર સામાન્ય માણસના ખિસ્સા પર પડશે. ફાસ્ટેગ, EPFO સહિત 5 મોટા બદવાલ થવા જઈ રહ્યા છે, તો જાણો આ ફેરફાર વિશે.
1 એપ્રિલ, 2024થી નવું નાણાકીય વર્ષ શરૂ થયા પછી ક્રેડિટ કાર્ડ સંબંધિત નિયમોમાં પણ ફેરફાર થવા જઈ રહ્યા છે. આમાં SBI ક્રેડિટ કાર્ડના નિયમો 1 એપ્રિલ, 2024થી બદલાશે. નવા નિયમો અનુસાર હવે ક્રેડિટ કાર્ડ દ્વારા ભાડાની ચુકવણી પર રિવોર્ડ પોઈન્ટ આપવામાં આવશે નહીં. આ નિયમ 15 એપ્રિલ, 2024થી અન્ય ઘણી બેંકોના ક્રેડિટ કાર્ડ પર પણ લાગુ થઈ શકે છે.
1 એપ્રિલથી એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO)ના નિયમોમાં મોટો ફેરફાર થવા જઈ રહ્યો છે. હવે જોબ બદલવાના કિસ્સામાં, કર્મચારીનું EPFO એકાઉન્ટ નવા એમ્પ્લોયરને આપમેળે ટ્રાન્સફર થઈ જશે. પહેલા, ખાતાધારકોની વિનંતી પર જ ખાતું ટ્રાન્સફર કરવામાં આવતું હતું.
NHAIએ લોકોને 1 એપ્રિલ પહેલા KYC અપડેટ કરવા કહ્યું છે. આમ કરવામાં નિષ્ફળતાના પરિણામે તમારું ફાસ્ટેગ એકાઉન્ટ ડિએક્ટિવ થઈ જશે. આ પછી, જો તમારા ખાતામાં પૈસા હશે તો પણ તમે તમારો ટોલ ચૂકવી શકશો નહીં. આવી સ્થિતિમાં, તમારે 1લી એપ્રિલ પહેલા KYC અપડેટ કરવું જરૂરી છે.
LPG સિલિન્ડરના ભાવ દર મહિનાની પહેલી તારીખે દેશભરમાં બદલાય છે. આવી સ્થિતિમાં 1 એપ્રિલે કોમર્શિયલ અને ડોમેસ્ટિક ગેસ સિલિન્ડરના ભાવમાં ફેરફાર થઈ શકે છે. જો કે, લોકસભાની ચૂંટણીને કારણે ભાવ વધવાની શક્યતા ઘણી ઓછી છે.
