West Bengal Election 2026: પશ્ચિમ બંગાળની 142 બેઠકો પર આજે મતદાન, કેન્દ્રીય દળોની સુરક્ષા વચ્ચે દિગ્ગજોમાં મુકાબલો

પશ્ચિમ બંગાળ વિધાનસભા ચૂંટણીના બીજા અને અંતિમ તબક્કા માટે આજે મતદાન થશે. આ તબક્કો નક્કી કરશે કે તૃણમૂલ કોંગ્રેસ પશ્ચિમ બંગાળમાં પોતાનો ગઢ જાળવી રાખે છે કે ભારતીય જનતા પાર્ટી સત્તા કબજે કરવામાં સફળ રહે છે.

23મી એપ્રિલે પશ્ચિમ બંગાળમાં મતદાનના પ્રથમ તબક્કામાં ભાજપ ઉત્તર બંગાળ અને આસપાસના જિલ્લાઓમાં તેની પરંપરાગત લીડ જાળવી શકશે કે નહીં તેની કસોટી થઈ. બીજા તબક્કામાં હવે તૃણમૂલ કોંગ્રેસના ગઢ જેમ કે કોલકાતા, હાવડા, ઉત્તર અને દક્ષિણ 24 પરગણા, નાદિયા, હુગલી અને પૂર્વ વર્ધમાનમાં ચૂંટણીઓ પર ખાસ ધ્યાન છે.

બીજા તબક્કામાં 142 બેઠકો પર મતદાન

બીજા તબક્કામાં મતદાન થનારી 142 બેઠકોમાંથી 2021માં તૃણમૂલ કોંગ્રેસે 123, ભાજપે 18 અને ઈન્ડિયન સેક્યુલર ફ્રન્ટ (ISF) એ એક બેઠક જીતી હતી. જોકે, આ સ્પર્ધા વચ્ચે ભવાનીપુર બેઠક પ્રતિષ્ઠાનું મેદાન બની રહી છે. તેને નંદીગ્રામ જેવી જ જોવામાં આવી રહી છે. જ્યાં સુવેન્દુ અધિકારીએ 2021માં મમતા બેનર્જીને હરાવ્યા હતા. હવે પાંચ વર્ષ પછી રાજકીય લડાઈ તૃણમૂલ કોંગ્રેસના વડાના ગઢ સુધી પહોંચી ગઈ છે.

સૌથી હાઇ-પ્રોફાઇલ બેઠક

તૃણમૂલ કોંગ્રેસ માટે ભવાનીપુર બેઠક અને મમતા બેનર્જીનો રાજકીય પ્રભાવ જાળવી રાખવો ખૂબ મહત્વપૂર્ણ છે. ભાજપ માટે આ ગઢ તોડી પાડવાનો અર્થ બંગાળના સૌથી શક્તિશાળી નેતા અજેય હોવાની ધારણા તોડવી છે. કોલકાતા મ્યુનિસિપલ કોર્પોરેશનના આઠ વોર્ડમાં ફેલાયેલી ભવાનીપુર મતવિસ્તારને ઘણીવાર મિની-ઇન્ડિયા તરીકે ઓળખવામાં આવે છે. જે બંગાળી, ગુજરાતી, મારવાડી, જૈન, શીખ, મુસ્લિમ, બિહાર અને ઝારખંડના સ્થળાંતરિત સમુદાયોની વિવિધ વસ્તીનું ઘર છે.

બીજા તબક્કામાં 32.1 કરોડ મતદારો છે

બંગાળ ચૂંટણીના બીજા તબક્કામાં આશરે 32.1 કરોડ મતદારો છે. આમાં આશરે 16 કરોડ 64 લાખ 35 હજાર 627 પુરુષો છે. 1 કરોડ 57 લાખ 37 હજાર 418 મહિલાઓ છે. 792 તૃતીય-લિંગ મતદારોનો સમાવેશ થાય છે. આ તબક્કામાં 41001 મતદાન મથકો પર મતદાન થશે. જેમાં તમામ મતદાન મથકો પર વેબકાસ્ટિંગ થશે. કેન્દ્રીય દળોની 2321 કંપનીઓ તૈનાત છે.

મહત્વપૂર્ણ બેઠક

આ દરમિયાન કોલકાતા પોર્ટમાં વરિષ્ઠ ટીએમસી નેતા ફિરહાદ હાકીમ ભાજપના ઉમેદવાર રાકેશ સિંહનો સામનો કરી રહ્યા છે. મધ્ય કોલકાતામાં શાસક પક્ષ માટે આ લઘુમતી પ્રભુત્વવાળી બેઠક મહત્વપૂર્ણ માનવામાં આવે છે. અન્ય મુખ્ય મતવિસ્તારોમાં ભાટપારા, જગતદલ અને બેરકપુર, બોનગાંવ, દમ દમ, સંદેશખાલી, હિંગલગંજ, રાણાઘાટ (ઉત્તર અને દક્ષિણ), રાસબિહારી, જાદવપુર અને બાલીગંજનો સમાવેશ થાય છે.

બીજા તબક્કા માટે મુખ્ય બેઠકો અને ઉમેદવારો

1. કૃષ્ણનગર ઉત્તર – તારક નાથ ચેટર્જી (ભાજપ) – અવિનબ ભટ્ટાચાર્ય (TMC)
2. નૈહાટી – સૌમિત્ર ચેટર્જી (BJP) – સનત ડે (TMC)
3. ભાટપારા – પવન કુમાર સિંહ (ભાજપ) – અમિત ગુપ્તા (TMC)
4. જગત દળ – ડો. રાજેશ કુમાર (IPS) (BJP) – સોમનાથ શ્યામ ઇચિની (TMC)
5. બેરકપુર – કૌસ્તવ બાગચી (ભાજપ) – રાજુ ચક્રવર્તી (TMC)
6. દમદમ ઉત્તર – અર્ચના મજમુદાર (ભાજપ) – ચંદ્રીમા ભટ્ટાચાર્ય (TMC)
7. દમદમ – અરિજિત બક્ષી (ભાજપ) – બ્રત્યા બાસુ (TMC)
8. સંદેશખાલી (ST) – સનત સરદાર (BJP) – ઝર્ના સરદાર (TMC)
9. હિંગલગંજ (SC) – રેખા પાત્રા (BJP) – આનંદ સરકાર (TMC)
10. જાદવપુર – સરબોરી મુખર્જી (ભાજપ) – દેબબ્રત મજુમદાર (TMC)
11. કોલકાતા બંદર – રાકેશ સિંહ (ભાજપ) – ફિરહાદ હકીમ (TMC)
12. ભવાનીપુર – સુવેન્દુ અધિકારી (ભાજપ) – મમતા બેનર્જી (TMC)
13. રાસબિહારી – સ્વપન દાસગુપ્તા (ભાજપ) – દેબાશીષ કુમાર (TMC)
14. બાલીગંજ – ડૉ. શતરૂપા (ભાજપ) – સોવનદેવ ચટ્ટોપાધ્યાય (TMC)
15. હાવડા ઉત્તર – ઉમેશ રાય (ભાજપ) – ગૌતમ ચૌધરી (TMC)
16. હાવડા સેન્ટ્રલ – સંજય સિંહ (ભાજપ) – અરૂપ રોય (TMC)
17. હાવડા દક્ષિણ – શ્યામલ હાટી (BJP) – નંદિતા ચૌધરી (TMC)
18. રાણાઘાટ નોર્થ વેસ્ટ – પાર્થસારથી ચેટર્જી (ભાજપ) – તાપસ ઘોષ (TMC)
19. રાણાઘાટ નોર્થ ઈસ્ટ (SC) – અસીમ બિસ્વાસ (BJP) – બર્નાલી દે રોય (TMC)
20. રાણાઘાટ દક્ષિણ (SC) – ડૉ. અસીમ કુમાર બિસ્વાસ (BJP) – ડૉ. સૌગત કુમાર બર્મન (TMC)

29 એપ્રિલના મહત્વના સમાચાર : પશ્ચિમ બંગાળમાં આજે બીજા તબક્કાનું મતદાન, 142 સીટો પર થશે