Seema Haider Case: સીમા હૈદરની મુશ્કેલી વધી ! UP ATSએ પાકિસ્તાનથી ભારતની સફર કેવી રીતે કરી તેની તપાસ શરૂ
પાકિસ્તાનથી ભારત આવતી વખતે સીમાએ કોની સાથે વાત કરી? યુપી એટીએસ અધિકારીઓ તેને શોધવાનો પ્રયાસ કરી રહ્યા છે. આ સાથે એટીએસના અધિકારીઓ સીમાના પરિવારની પૃષ્ઠભૂમિ પણ શોધી રહ્યા છે.
Seema Haider: આ દિવસોમાં પાકિસ્તાનથી આવેલ સીમા હૈદર આખા દેશમાં ચર્ચાનો વિષય બની છે. સોશિયલ મીડિયા પર તેના વિશે દરરોજ નવા ખુલાસા થઈ રહ્યા છે. આ દરમિયાન ઉત્તર પ્રદેશ એન્ટી ટેરર સ્ક્વોડે સીમા હૈદરની તપાસ શરૂ કરી છે. સીમા હૈદર તેના પ્રેમી સચિનને મળવા માટે પાકિસ્તાનથી દુબઈ અને પછી નેપાળ થઈને ભારત આવી હતી. યુપી એટીએસ અધિકારીઓએ હવે સીમાએ આ સફર કેવી રીતે કરી તેની તપાસ શરૂ કરી છે.
સીમા હૈદરની ATS કરી રહી છે તપાસ
પાકિસ્તાન-ભારત પ્રવાસ દરમિયાન સીમાએ કોની સાથે વાત કરી, વાતચીત દરમિયાન તેણે કેટલા મોબાઈલ નંબરનો ઉપયોગ કર્યો? એટીએસ અધિકારીઓએ શોધખોળ શરૂ કરી છે. આ સાથે યુપી એટીએસ સીમાના પરિવારની પૃષ્ઠભૂમિની પણ તપાસ કરી રહી છે. તાજેતરમાં, સીમા હૈદર વિશે સોશિયલ મીડિયા પર ઘણી ચર્ચાઓ હતી, જેમાં એક ચર્ચા એવી પણ હતી કે તે પાકિસ્તાનની જાસૂસ પણ હોઈ શકે છે. ત્યારથી ઘણા લોકો યુપી એટીએસ પાસે સીમા હૈદરના સમગ્ર કેસની તપાસ કરવાની માગ કરી રહ્યા હતા.
PUBG રમતા સચિનના સંપર્કમાં આવી
જ્યારે સીમા હૈદર ભારત આવી ત્યારે તેણે જણાવ્યું કે તે PUBG પર ગેમ રમતી વખતે સચિનના સંપર્કમાં આવી હતી. ગેમ રમતી વખતે જ સચિન સાથે વાત કરતો હતો. ત્યારપછી બંને મોબાઈલ દ્વારા એકબીજા સાથે વાત કરવા લાગ્યા. વાતચીત પ્રેમમાં ફેરવાઈ ગઈ. હાલ સીમા નોઈડાના રબ્બુપુરા ગામમાં સચિનના ઘરે રહે છે. સીમા પોતાના ચાર બાળકોને પણ સાથે લઈને આવી છે.
ત્યારે તેની તપાસ મામલે અનેક સવાલો ઉભા થતા હવે સમગ્ર મામલો એટીએસએ હાથમાં લઈને તપાસ શરુ કરી છે. જે મામલે પાકિસ્તાનથી ભારત આવતી વખતે સીમાએ કોની સાથે વાત કરી? યુપી એટીએસ અધિકારીઓ તેને શોધવાનો પ્રયાસ કરી રહ્યા છે. આ સાથે એટીએસના અધિકારીઓ સીમાના પરિવારની પૃષ્ઠભૂમિ પણ શોધી રહ્યા છે.
સીમાએ પાંચમા સુધી અભ્યાસ કર્યો છે
સીમા હૈદરે પોતે ટીવી 9 ભારતવર્ષના રિપોર્ટરને જણાવ્યું હતું કે તે ક્યારેય શાળાએ નથી ગઈ. કોઈક રીતે ઘરમાં ટ્યુશન લઈને પાંચમા ધોરણ સુધી અભ્યાસ કર્યો. તેમના પરિવારના સભ્યોએ તેમના લગ્ન 18 વર્ષની ઉંમરે કરાવ્યા હતા. જો કે, સીમાએ કહ્યું કે તે અન્ય યુવકને પસંદ કરે છે, પરંતુ તેની સાથે લગ્ન કરી શકી નથી. તેણી કહે છે કે તે સચિનને પ્રેમ કરે છે અને ભારતમાં જ રહેવા માંગે છે.