Indian Army Video : આવી રીતે ધ્વસ્ત કરાયા ‘નાપાક’ પાકિસ્તાનના ડ્રોન, ભારતીય સેનાએ ખુદ શેર કર્યો Video

ભારતીય સેનાએ શુક્રવારે 8 અને 9 મેની રાત્રે આંતરરાષ્ટ્રીય સરહદ (IB) અને નિયંત્રણ રેખા (LoC) પર થયેલા હુમલા દરમિયાન પાકિસ્તાની ડ્રોનને તટસ્થ કરવાનો એક વીડિયો પણ જાહેર કર્યો હતો. ભારતીય સેનાએ એક નિવેદનમાં જણાવ્યું હતું કે, “8 અને 9 મે 2025ની રાત્રે, પાકિસ્તાન સશસ્ત્ર દળોએ સમગ્ર પશ્ચિમ સરહદ પર ડ્રોન અને અન્ય શસ્ત્રોનો ઉપયોગ કરીને અનેક હુમલાઓ કર્યા હતા.”

પાકિસ્તાની સૈનિકોએ જમ્મુ અને કાશ્મીરમાં નિયંત્રણ રેખા પર અનેક યુદ્ધવિરામ ઉલ્લંઘન (CFV) પણ કર્યા. ડ્રોન હુમલાઓને અસરકારક રીતે નિષ્ફળ બનાવવામાં આવ્યા હતા અને CFVs પર વળતો હુમલો કરવામાં આવ્યો હતો.

OPERATION SINDOOR

Pakistan Armed Forces launched multiple attacks using drones and other munitions along entire Western Border on the intervening night of 08 and 09 May 2025. Pak troops also resorted to numerous cease fire violations (CFVs) along the Line of Control in Jammu and… pic.twitter.com/WTdg1ahIZp

— ADG PI – INDIAN ARMY (@adgpi) May 9, 2025

ભારતના આ વિસ્તારોને નિશાન બનાવવામાં આવ્યા હતા

ભારતીય સેનાએ ગુરુવારે રાત્રે 50 થી વધુ પાકિસ્તાની ડ્રોનને તટસ્થ કર્યા. જમ્મુ અને કાશ્મીર અને પંજાબના ઉધમપુર, સાંબા, જમ્મુ, અખનૂર, નાગરોટા અને પઠાણકોટ સહિત અનેક જિલ્લાઓમાં ડ્રોનને તોડી પાડવામાં આવ્યા હતા. શુક્રવારે સવારે લગભગ 4 વાગ્યે આવો બીજો હુમલો જોવા મળ્યો, જોકે, તેની સત્તાવાર પુષ્ટિ હજુ સુધી થઈ નથી. ભારતીય સેના પાકિસ્તાનને સંયમથી જવાબ આપી રહી છે. પરંતુ પાકિસ્તાન સતત ઉશ્કેરણીજનક કાર્યવાહી કરી રહ્યું છે.

ત્રણ પાકિસ્તાની લડાકુ વિમાનોને પણ તોડી પાડવામાં આવ્યા હતા

એટલું જ નહીં, ભારતીય સેનાએ પાકિસ્તાનના ત્રણ ફાઇટર જેટને પણ તોડી પાડ્યા છે. આમાં બે JF-17 અને એક F-16 ફાઇટર જેટનો સમાવેશ થાય છે. F-16 એક અમેરિકન બહુ-ભૂમિકા લડાયક વિમાન છે. પાકિસ્તાની મીડિયા અનુસાર, આ F-16 વિમાને સરગોધાથી ઉડાન ભરી હતી. આ F-16 વિમાન પાકિસ્તાન વાયુસેનાના 9મા સ્ક્વોડ્રનનું હતું. પાકિસ્તાને જમ્મુ સિવિલ એરપોર્ટ, સાંબા, આરએસ પુરા, અરનિયા અને પડોશી વિસ્તારો પર 8 મિસાઇલોથી હુમલો કર્યો હતો. તે બધાને ભારતીય વાયુ સંરક્ષણ S 400 દ્વારા હવામાં જ તોડી પાડવામાં આવ્યા હતા.