દરેક અગ્નિવીરને 5 વર્ષ પછી પેન્શન સાથે નોકરી મળશે, રાહુલ તો જૂઠું બોલનાર મશીન છેઃ અમિત શાહ
અમિત શાહે કહ્યું કે કોઈ અગ્નિવીરે ચિંતા કરવાની જરૂર નથી. પાંચ વર્ષ પછી, કોઈપણ અગ્નિવીરને પેન્શનપાત્ર નોકરી વિનાના નહીં રહે. રાહુલ બાબા જૂઠું બોલવાનું મશીન છે. હરિયાણામાં 'પાકિસ્તાન ઝિંદાબાદ'ના નારા લાગી રહ્યા છે, રાહુલ આના ઉપર કેમ ચૂપ છે ? અમિત શાહે કહ્યું કે, કોંગ્રેસ તુષ્ટિકરણમાં આંધળી બની ગઈ છે.
હરિયાણાના બાદશાહપુરમાં ચૂંટણી જાહેર સભાને સંબોધતા કેન્દ્રીય ગૃહમંત્રી અમિત શાહે, રાહુલ ગાંધી પર જોરદાર વાકપ્રહારો કર્યા હતા. તેમણે કહ્યું કે કોંગ્રેસના રાહુલ બાબા જૂઠ બોલવાનું મશીન છે. રાહુલ ગાંધી એવા જૂઠ્ઠાણા ફેલાવી રહ્યાં છે કે, અગ્નિવીર યોજના એટલા માટે લાવવામાં આવી છે કારણ કે સરકાર તેમને પેન્શન સાથે નોકરી આપવા માંગતી નથી. પરંતુ હુ કહીશ કે આપણી સેનાને યુવાન રાખવા માટે જ અગ્નિવીર યોજના બનાવવામાં આવી છે.
શાહે કહ્યું કે, હું તમને કહેવા માંગુ છું કે તમારા પુત્રોને સેનામાં મોકલતા પહેલા સંકોચ ના કરો. 5 વર્ષ પછી, કોઈપણ અગ્નિવીરને પેન્શનપાત્ર નોકરી વિનાના નહીં રહે. આ અંગે કોઈએ ચિંતા કરવાની જરૂર નથી. તેણે કહ્યું કે હું હરિયાણામાં નવો ટ્રેન્ડ જોઈ રહ્યો છું. હાથિનથી થાનેસર અને થાનેસરથી પલવલ સુધી કોંગ્રેસના મંચ પર ‘પાકિસ્તાન ઝિંદાબાદ’ના નારા લગાવવામાં આવી રહ્યા છે.
‘પાકિસ્તાન ઝિંદાબાદ’ના નારા પર રાહુલ કેમ ચૂપ છે?
શાહે કહ્યું કે હું રાહુલ ગાંધીને પૂછવા માંગુ છું કે, જ્યારે કોંગ્રેસ પાર્ટીના નેતાઓ અને કાર્યકરો ‘પાકિસ્તાન ઝિંદાબાદ’ના નારા લગાવી રહ્યા છે તો તમે ચૂપ કેમ બેઠા છો? કોંગ્રેસ તુષ્ટિકરણમાં આંધળી બની ગઈ છે. કાશ્મીર આપણું છે કે નહીં? કોંગ્રેસ અને રાહુલ બાબા કહે છે કે અમે કલમ 370 પાછી લાવીશું. રાહુલ ગાંધીની ત્રણ પેઢીઓ પણ કલમ 370 પાછી નહીં લાવી શકે. હરિયાણાના યુવાનોએ કાશ્મીરની રક્ષા માટે ઘણું બલિદાન આપ્યું છે અને અમે તેને વ્યર્થ નહીં જવા દઈએ.
અમિત શાહે વધુમાં કહ્યું કે, વકફ બોર્ડના આ કાયદામાં ઘણી સમસ્યા છે અને અમે આ શિયાળુ સત્રમાં તેને સુધારવા માટે કામ કરીશું. તમને જણાવી દઈએ કે હરિયાણામાં 5 ઓક્ટોબરે વિધાનસભાની સામાન્ય ચૂંટણી યોજાનાર છે. હરિયાણાની 90 વિધાનસભા સીટો પર એક જ તબક્કામાં મતદાન થશે. 8મીએ પરિણામો જાહેર કરવામાં આવશે.
