કટ્ટરતા પર જ ખાલી કાર્યવાહી નહી, PFI સહિતના 8 સંગઠનો પણ ગૃહવિભાગની ઝપેટમાં
ગૃહ મંત્રાલયે (Home Ministry)કહ્યું છે કે PFI અને તેની આનુષંગિક સંસ્થાઓ સામાજિક, આર્થિક અને રાજકીય સંગઠનો છે પરંતુ તેઓ ગુપ્ત એજન્ડા હેઠળ એક ચોક્કસ વર્ગને કટ્ટરપંથી બનાવીને લોકશાહીની ભાવનાને નબળી બનાવવાની દિશામાં કામ કરે છે.
PFI (Popular Front of India)નું નામ દેશભરમાં ઘણી જગ્યાએ ઉગ્ર પ્રદર્શનો બાદ સામે આવ્યું હતું. આ પછી જ આ સંગઠન તપાસ એજન્સીઓ(Investigative Agency)ના રડાર પર આવી ગયું હતું. 22 સપ્ટેમ્બરે દેશભરમાં PFIના 60 સ્થળો પર એક સાથે દરોડા પાડવામાં આવ્યા હતા. તપાસ એજન્સીઓની સંયુક્ત કાર્યવાહીમાં વિવિધ રાજ્યોમાંથી ધરપકડ કરવામાં આવી હતી. આ તમામ તપાસ એજન્સીઓના રિપોર્ટ બાદ ગૃહ મંત્રાલયે (Home Ministry) PFI પર જ નહીં પરંતુ તેની સાથે સંકળાયેલી અન્ય 8 સંસ્થાઓ પર પણ પ્રતિબંધ લગાવી દીધો છે. આ પ્રતિબંધ પાંચ વર્ષ માટે લાદવામાં આવ્યો છે. ગૃહ મંત્રાલય પ્રમાણે આ સંગઠનો PFI ને નાંણા પુરા પાડતા હતા.
PFI ના સહયોગી સંગઠનો જેમ કે રિહેબ ઈન્ડિયા ફાઉન્ડેશન (RIF), કેમ્પસ ફ્રન્ટ ઓફ ઈન્ડિયા (CFI), ઓલ ઈન્ડિયા ઈમામ કાઉન્સિલ (AIIC), નેશનલ કોન્ફેડરેશન ઓફ હ્યુમન રાઈટ્સ ઓર્ગેનાઈઝેશન (NCHRO), એમ્પાવર ઈન્ડિયા ફાઉન્ડેશન, નેશનલ વુમન ફ્રન્ટ, જુનિયર ફ્રન્ટ કો. પણ પ્રતિબંધિત. આ તમામ સંસ્થાઓ છે જે PFI ને ફંડ કરતી હતી. ઇડી અને અન્ય તપાસ એજન્સીઓએ ખુલાસો કર્યો છે કે આ તમામ સંસ્થાઓ લોકોની વચ્ચે હાજર રહીને પૈસા એકઠા કરતી હતી. રિહેબ ઈન્ડિયા ફાઉન્ડેશન PFI ના સભ્યોને એકસાથે ફંડ પણ આપે છે. પીએફઆઈના નેતાઓ જુનિયર ફ્રન્ટ, ઓલ ઈન્ડિયા ઈમામ કાઉન્સિલ, નેશનલ કોન્ફેડરેશન ઓફ હ્યુમન રાઈટ્સ ઓર્ગેનાઈઝેશન અને રાષ્ટ્રીય મહિલા મોરચાની પ્રવૃત્તિઓ પર દેખરેખ રાખે છે.
ગૃહ મંત્રાલયના પત્રમાં ગંભીર આરોપો
પત્રમાં કહેવામાં આવ્યું છે કે પીએફઆઈ સમાજના યુવાનો, વિદ્યાર્થીઓ, મહિલાઓ, ઈમામ, વકીલો અને નબળા વર્ગો જેવા વિવિધ વર્ગોમાં તેની પહોંચ વધારવાના ઉદ્દેશ્ય સાથે વિવિધ સંગઠનોની રચના કરવામાં આવી હતી. તેનો એકમાત્ર હેતુ ભંડોળ ઊભું કરવાનો, સંગઠનને મજબૂત કરવાનો હતો. પત્રમાં લખવામાં આવ્યું છે કે PFI અને અન્ય સંસ્થાઓ વચ્ચે હબ એન્ડ સ્પોક રિલેશનશિપ છે. જેમાં PFI હબ તરીકે કામ કરે છે.તે જણાવે છે કે PFI અને તેના આનુષંગિકો સામાજિક, આર્થિક અને રાજકીય સંગઠનો છે પરંતુ તેઓ અપ્રગટ એજન્ડા હેઠળ ચોક્કસ વર્ગને કટ્ટરપંથી બનાવીને લોકશાહીની વિભાવનાને નબળી બનાવવાની દિશામાં કામ કરે છે.
મંગળવારે દરોડો પાડવામાં આવ્યો હતો
ઉગ્રવાદી ઈસ્લામિક સંગઠન પોપ્યુલર ફ્રન્ટ ઓફ ઈન્ડિયા (PFI) પર ફરી એકવાર કાર્યવાહી શરૂ થઈ છે. નેશનલ ઇન્વેસ્ટિગેશન એજન્સી (NIA) સહિત અન્ય તપાસ એજન્સીઓએ PFI પર દરોડાનો બીજો રાઉન્ડ શરૂ કર્યો છે. તપાસ એજન્સીઓ 9 રાજ્યોમાં PFIના 25 થી વધુ સ્થળો પર દરોડા પાડી રહી છે. દરોડા દરમિયાન ઘણા પીએફઆઈ સભ્યોની પણ અટકાયત કરવામાં આવી છે. માહિતી અનુસાર, જે 9 રાજ્યોમાં PFI સાથે જોડાયેલા ઘણા સભ્યો અને સંગઠનો વિરુદ્ધ આ કાર્યવાહી ચાલી રહી છે.
તેમાં ઉત્તર પ્રદેશ, મધ્ય પ્રદેશ, પંજાબ, દિલ્હી, કેરળ, ગુજરાત, કર્ણાટક, મહારાષ્ટ્ર અને આસામનો સમાવેશ થાય છે. 9 રાજ્યોમાં એજન્સીની કાર્યવાહીમાં ઓછામાં ઓછા 247 લોકોની ધરપકડ કરવામાં આવી છે. ઉત્તર પ્રદેશમાંથી 44ની ધરપકડ કરવામાં આવી છે. કર્ણાટકમાંથી 72, આસામમાં 20, દિલ્હીમાં 32, મહારાષ્ટ્રમાં 43, ગુજરાતમાં 15, મધ્યપ્રદેશમાં 21 લોકોની ધરપકડ કરવામાં આવી છે. કેન્દ્રીય તપાસ એજન્સીઓને મળેલા પુરાવાના આધારે આ કાર્યવાહી કરવામાં આવી છે.
Latest News Updates
