NCP શરદ પવાર જૂથે જાહેર કરી ઉમેદવારની પ્રથમ યાદીઃ જાણો કોને, કઈ બેઠક પર મળી ટિકિટ

એનસીપી શરદચંદ્ર પવાર પાર્ટીના પ્રદેશ અધ્યક્ષ જયંત પાટીલે વિધાનસભા ચૂંટણી માટે ઉમેદવારોની પ્રથમ યાદી જાહેર કરી હતી. બારામતીથી અજીત પવાર સામે તેમના ભત્રીજા યુગેન્દ્ર પવારને ચૂંટણી જંગમાં ઉતારવાની જાહેરાત કરી છે.

TV9 Gujarati | Edited By: Bipin Prajapati | Updated on: Oct 24, 2024 | 6:55 PM

એનસીપી શરદચંદ્ર પવાર પાર્ટીના પ્રદેશ અધ્યક્ષ જયંત પાટીલે પત્રકાર પરિષદ યોજી હતી. જેમા તેમણે વિધાનસભા ચૂંટણી માટે ઉમેદવારોની પ્રથમ યાદી જાહેર કરી હતી. જયંત પાટીલે પ્રથમ યાદીમાં શરદ પવાર જૂથના કુલ 44 ઉમેદવારોના નામ જાહેર કર્યા હતા. તેમાં બારામતી મતવિસ્તારનો પણ સમાવેશ થાય છે.

બારામતીથી શરદ પવાર જૂથના ઉમેદવાર તરીકે યુગેન્દ્ર પવારની જાહેરાત કરવામાં આવી છે. બારામતીમાં નાયબ મુખ્યમંત્રી અજિત પવાર અને તેમના ભત્રીજા યુગેન્દ્ર પવાર વચ્ચે સીધો મુકાબલો જોવા મળશે. અગાઉ પણ લોકસભામાં NCPના પવાર પરિવારના નણંદ અને ભાભી વચ્ચેની લડાઈ જોવા મળી હતી.

હવે બારામતી વિધાનસભામાં કાકા-ભત્રીજા વચ્ચે રાજકીય જંગ ખેલાશે. તેથી આ લડાઈ અજિત પવાર માટે કપરી બની રહે તેવી સંભાવના વ્યક્ત કરવામાં આવી રહી છે.

Web Stories View more