ટ્રમ્પે ફરી F વર્ડ અને B વર્ડનો ઉપયોગ કરી ઓળંગી ભાષાની મર્યાદા, અમેરિકી મીડિયાએ Unhinged Madman ગણાવી કાઢી ઝાટકણી

અમેરિકી રાષ્ટ્રપતિ ટ્રમ્પની ઈરાન સામેની હતાશા ભાષા દ્વારા પ્રગટ થઈ રહી છે. હોર્મુઝ મુદ્દે ઈરાનને આપેલા અલ્ટીમેટમ અને F-વર્ડ જેવા શબ્દોના ઉપયોગથી અમેરિકી મીડિયા તેમને 'સનકી પાગલ' ગણાવી રહ્યું છે. આ પ્રકારની અભદ્ર ભાષા બદલ અમેરિકી નાગરિકોમાં રોષ છે.

Mina Pandya | Updated on: Apr 06, 2026 | 9:20 PM

અમેરિકી રાષ્ટ્રપતિ ડોનાલ્ડ ટ્રમ્પની હતાશા હવે તેની ભાષા દ્વારા પણ બહાર આવી રહી છે. 35-35 દિવસો વિતવા છતા ઈરાને અમેરિકા સામે હજુ સરેન્ડર નથી કર્યુ ના તો તે સીઝફાયર કરવા માટે તૈયાર છે અને સ્ટ્રેટ ઓફ હોર્મુઝ બંધ કરીને સમગ્ર દુનિયાને મુશ્કેલીમાં મુકી દીધી છે. આ તમામ ઘટનાક્રમ વચ્ચે ટ્રમ્પ હવે તેનો હોશ ખોઈ રહ્યા છે એક સનકી પાગલ જેવુ જાહેરમાં વર્તન કરતા જોવા મળે છે. કેટલાક અમેરિકી મીડિયા તેને નિકસનની મેડમેન થિયરી સાથે સરખાવી રહ્યા છે જ્યારે કેટલાક વિશ્લેષકો ટ્રમ્પને સનકી પાગલ સાથે સરખાવી રહ્યા છે. પહેલા તેમણે સાઉદી ક્રાઉન પ્રિન્સ વિશે અભદ્ર ભાષાનો પ્રયોગ કર્યો. જે બાદ હવે ઈરાનને તેમણે 48 કલાકનું અલ્ટીમેટમ આપ્યુ છે અને ટ્રુથ મીડિયા પર એક મહાસત્તા દેશના રાષ્ટ્રપતિ દ્વારા જે અભદ્ર ભાષાનો પ્રયોગ કરવામાં આવ્યો છે. તેને જોઈને ખુદ અમેરિકી નાગરિકો તેની સામે હવે મહાભિયોગ કાર્યવાહી કરવાની વાતો કરી રહ્યા છે.

ટ્રમ્પે F વર્ડ અને B વર્ડનો ઉપયોગ કરી ઈરાનને હોર્મુઝ ખોલવાની આપી ધમકી

વૈશ્વિક રાજનીતિમાં જ્યારે કોઈ રાજનેતા ભાષાની મર્યાદા ઓળંગે છે ત્યારે તેની અસર માત્ર કૂટનીતિક સંબંધો પર જ નહીં પરંતુ સમગ્ર વિશ્વની સુરક્ષા અને અર્થતંત્ર પર પણ જોવા મળે છે. હાલમાં અમેરિકી પ્રેસિડેન્ટ ડોનાલ્ડ ટ્રમ્પે ઈરાન વિશે જે અભદ્ર ભાષાનો પ્રયોગ કર્યો તેના પર ન માત્ર અમેરિકી મીડિયાએ પ્રતિક્રિયા આપી પરંતુ ખુદ અમેરિકી નાગરિકો પણ તેનાથી નારાજ થયા છે અને તેની સામે મહાભિયોગ કાર્યવાહી કરવાની પણ માગ કરી રહ્યા છે.

ઈરાનને સ્ટ્રેટ ઓફ હોર્મુઝ ન ખોલતા ટ્રમ્પે ભાષાની મર્યાદા ગુમાવી, F વર્ડ અને B વર્ડનો ઉપયોગ કરતા ટ્રમ્પે ઈરાનને ધમકીના સૂરમાં કહ્યુ “કાં તો તમે સ્ટ્રેટ ઓફ હોર્મુઝ ખોલી દો, અથવા તમે નરક (Hell) માં રહેવા માટે તૈયાર રહો”. આવુ કહેવામાં ટ્રમ્પે અશ્લિલ શબ્દો નો ઉપયોગ કર્યો. જે હવે ટ્રમ્પની હતાશા બતાવે છે.

ટ્રમ્પ દ્વારા ઈરાનને વારંવાર ધમકી દેવી, પહેલા 48 કલાકની ધમકી, ત્યારબાદ 24 કલાક ઉમેરીને ફરી નવી ધમકી આપવી, હોર્મુઝ ખોલી નાખો નહીં તો બહુ ભયંકર પરિણામ આવશે અને ફરી અચાનક એવુ કહેશે કે મને તો કોઈ ફર્ક જ નથી પડતો. મારે શું લેવાદેવા…આ તમામ વચ્ચે ટ્રમ્પે અચાનક પાવર પ્લાન્ટ ડે પર જે તમામ વાતો કરી તેનાથી અમેરિકી નાગરીકો તેને પાગલ જ ગણવા લાગ્યા છે.

હેપી ઈસ્ટરના (5 Apr સન્ડે) દિવસે ટ્રમ્પે F વર્ડ અને B વર્ડ વાપરીને જે પ્રકારની વાતો કરી, તેનાથી અમેરિકી નાગરિકોમાં રોષ છે. લોકો સોશિયલ મીડિયા પર તેમનો રોષ વ્યક્ત કરી રહ્યા છે. અમેરિકી નાગરિકોની એવી પ્રતિક્રિયાઓ આવી કે સ્ટ્રેટ ઓફ હોર્મુઝ અમારા માટે મુદ્દો નથી, પરંતુ તમારી લેન્ગવેઝ, ભાષાની મર્યાદા છે. અમેરિકી રાષ્ટ્રપતિ થઈને ટ્રમ્પ જે ભાષાનો પ્રયોગ કરી રહ્યા છે તે ખરેખર સભ્ય સમાજ માટે સ્વીકાર્ય નથી જ. અમેરિકી નાગરિકોએ આ પ્રકારની અભદ્ર ભાષાને ટ્રમ્પ વિરુદ્ધ મહાભિયોગ ચલાવવા માટેનું પર્યાપ્ત કન્ટેન્ટ ગણાવ્યુ.

અમેરિકન જનતા અને મીડિયામાં આક્રોશ

જો કોઈ વ્યક્તિ તેનું મગજનું સંતુલન ગુમાવી દે, પાગલ થઈ જાય તો તેની વિરુદ્ધ મહાભિયોગ લાવી શકાય. અમેરિકી નાગરિકો પણ એવુ જ કહી રહ્યા છે કે ટ્રમ્પની હરકતો કોઈ સનકી પાગલ જેવી છે. લોકોએ તો ત્યાં સુધી કહ્યુ કે ટ્રમ્પ તેને હટાવવા માટેનું પર્યાપ્ત કન્ટેન્ટ આપી ચુક્યા છે.

અમેરિકાની CNN ચેનલના એક જર્નાલિસ્ટે તો લાઈવ ટીવી પર ચેતવણી આપી હતી કે જો બાળકો આ ન્યૂઝ જોઈ રહ્યા હોય તો સાવધ રહે, કારણ કે પ્રેસિડેન્ટ ટ્રમ્પે ભદ્ર ભાષાનોઉપયોગ કર્યો નથી

આપને જણાવી દઈએ કે પ્રેસિડેન્ટ ટ્રમ્પ CNN ચેનલની ઘુર વિરોધી છે. તે અવારનવાર CNN ને જુઠી મીડિયા કરાર આપી ચુક્યા છે. જ્યારે વાસ્તવિક્તા એ છે કે ઈરાનમાં ગ્રાઉન્ડ રિપોર્ટ કરવા માટેની પરમિશન CNN ને જ મળેલી છે. CNN ની વિરુદ્ધ ટ્રમ્પ બેફામ બોલે છે.

ટ્રમ્પે બેફામ અભદ્ર ભાષાનો પ્રયોગ કરતા સેંકડો અમેરિકીએ તેમને ખરીખોટી સુણાવી. મોટાભાગના લોકોએ એવુ જ કહ્યુ કે ટ્રમ્પે હવે તમામ હદો પાર કરી લીધી છે અને તેને પદ પરથી હટાવવાની જ જરૂર છે.

અમેરિકાન બંધારણ મુજબ, જો કોઈ નેતા માનસિક રીતે અસ્વસ્થ જણાય, તો તેને પદ પરથી હટાવવાની જોગવાઈ છે, અને ટ્રમ્પના આ ‘પાગલપણું’ દર્શાવતા નિવેદનો તે દિશામાં ઈશારો કરે છે. અમેરિકા જેવા લોકશાહી દેશના રાષ્ટ્રપતિ પદ પર રહી ચૂકેલી વ્યક્તિ દ્વારા સાર્વજનિક મંચ પર આ પ્રકારની અશ્લીલ ભાષાનો પ્રયોગ ભાગ્યે જ જોવા મળે છે. ટ્રમ્પના આવા નિવેદનોએ સાબિત કર્યું છે કે ટ્રમ્પ અત્યંત હતાશામાં છે અથવા તો તેઓ કોઈ મોટી રણનીતિના ભાગરૂપે આવું કરી રહ્યા છે.

‘અનહિન્જ્ડ મેડમેન’: ટ્રમ્પ પર અમેરિકી મીડિયાનો પ્રહાર

હવે અમેરિકી અખબારોએ પણ ટ્રમ્પના આ અશ્લિલ ભાષાપ્રયોગ બદલ ટ્રમ્પને Unhinged Madman કહેવાનું શરૂ કરી દીધુ. યુરોપના ઘણા પ્રતિષ્ટિત અખબાર ગણાતા The Guardian ન્યૂઝપેપરે પણ Unhinged Madman તરીકે ટ્રમ્પને સંબોધવાનું શરૂ કર્યુ છે.

શું હોય છે ‘અનહિન્જ્ડ મેડમેન?

‘અનહિન્જ્ડ મેડમેન’ નો અર્થ થાય છે એક એવો ‘પાગલ માણસ’ જેનું માનસિક સંતુલન બગડ્યું છે અને જેના પર હવે કોઈનું નિયંત્રણ નથી. મીડિયા સામાન્ય રીતે આ શબ્દનો ઉપયોગ ત્યારે કરે છે જ્યારે કોઈ વૈશ્વિક નેતા તર્કહીન, અત્યંત આક્રમક અને એવી પ્રતિક્રિયા આપે જેની કોઈ આગાહી ન કરી શકાય.

ટ્રમ્પની ધમકીની ઈરાને સરાજાહેર ઉડાવી મજાક

ટ્રમ્પની ધમકીઓના જવાબમાં ઈરાને જે પ્રતિક્રિયા આપી તે વધુ ચોંકાવનારી હતી. ટ્રમ્પે અશ્લિલ ભાષા વાપરતા હોર્મુઝની ખાડી ખોલવાની ધમકી આપી તો ઈરાનીઓએ મજાક ઉડાવતા કહ્યું કે, “સોરી સર, અમે તેની ચાવી ફ્લાવર પોટ (Flower Pot) નીચે મૂકીને ભૂલી ગયા છીએ”. આ મજાકની સાથે જ ઈરાને એક ગંભીર ચેતવણી પણ આપી છે.

ઈરાને ધમકી આપી છે કે જો તેમના ઇન્ફ્રાસ્ટ્રક્ચર પર હુમલો થયો, તો તેઓ માત્ર હોર્મુઝની ખાડી જ નહીં, પરંતુ બાબ અલ મન્ડેબ (Bab-el-Mandeb) સ્ટેટ પણ બંધ કરી દેશે. બાબ અલ મન્ડેબ એક દરિયાઈ માર્ગ છે જે રેડ સી ને અરબ સાગર સાથે જોડે છે અને અત્યંત વ્યૂહાત્મક રસ્તો છે. જો આ માર્ગ પણ ઈરાન બંધ કરી દે તો અને યુરોપ અને એશિયા વચ્ચેનો વેપાર ઠપ થઈ જાય.

ટ્રમ્પ દ્વારા વપરાયેલા B-વર્ડ અને F-વર્ડ માત્ર શબ્દો નથી, પરંતુ એક સુનિયોજિત મનોવૈજ્ઞાનિક યુદ્ધનો ભાગ છે. અમેરિકન મીડિયા તેમને અનહિન્જ્ડ મેડમેન કહીને તેમની આલોચના કરી રહ્યું છે, પરંતુ ટ્રમ્પ કદાચ આ જ છબીનો ઉપયોગ પોતાના દુશ્મનોને ડરાવવા માટે કરી રહ્યા છે. જોકે, આ રમત અત્યંત જોખમી છે, કારણ કે જો આમાં સહેજ પણ ભૂલ થાય, તો હોર્મુઝ અને બાબ અલ મન્ડેબ જેવા દરિયાઈ રસ્તાઓ બંધ થવાથી સમગ્ર વિશ્વ આર્થિક નરકમાં ધકેલાઈ શકે છે.