28 ઓક્ટોબરના મહત્વના સમાચાર : વડાપ્રધાન નરેન્દ્ર મોદી વડોદરા પહોંચ્યા, થોડી વારમાં કરશે રોડ શો
News Update : આજે 28 ઓક્ટોબરના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના અપડેટ્સ મેળવવા માટે આ પેજને સતત રિફ્રેશ કરતા રહો.
LIVE NEWS & UPDATES
-
વડાપ્રધાન નરેન્દ્ર મોદી વડોદરા પહોંચ્યા
વડાપ્રધાન નરેન્દ્ર મોદી વડોદરા પહોંચી ગયા છે. વડોદરા પહોંચીને તેમણે સ્પેનના વડાપ્રધાન સાથે મુલાકાત કરી. વડોદરામાં બંનેના રોડ શોની શરુઆત થઇ છે. બન્ને દેશના વડાપ્રધાન રોડ શો યોજીને ટાટા એડવાન્સ સિસ્ટમ એરક્રાફ્ટ કોમ્પ્લેક્સ ખાતે પહોંચશે.
-
વડોદરામાં સ્પેનના PM પેડ્રો સાંચેઝનું આગમન
વડોદરામાં સ્પેનના PM પેડ્રો સાંચેઝનું આગમન થઇ ગયુ છે. એરપોર્ટ પર સ્પેનના PM પેડ્રો સાંચેઝનું ભવ્ય સ્વાગત કરવામાં આવ્યુ. એરપોર્ટ પર વિદેશ સચિવ વિક્રમ મિસ્ત્રીએ પેડ્રો સાંચેઝનું સ્વાગત કર્યું. 18 વર્ષ બાદ સ્પેનના વડાપ્રધાન ભારત મુલાકાત કરશે. PM મોદીના આગમન બાદ બંને મહાનુભાવો મેગા રોડ-શો યોજશે. C-295 એરક્રાફ્ટના કોમ્પલેક્સનું લોકાર્પણ કરશે. લક્ષ્મીવિલાસ પેલેસમાં PM મોદી અને પેડ્રો સાંચેઝ વચ્ચે દ્વિપક્ષીય મંત્રણા થશે.
-
-
બનાસકાંઠા: ડીસાના માલગઢમાં જૂથ અથડામણ
બનાસકાંઠા: ડીસાના માલગઢમાં જૂથ અથડામણ થઇ છે. માળી સમાજના જ બે જૂથ વચ્ચે હિંસક અથડામણ થઇ. પૈસાની લેતી-દેતી મામલે બબાલ થઈ, 8 ઈજાગ્રસ્ત થયા. ડીસા-ભીલડી હાઈવે પર કુપટ ગામ પાસે હોટલ પર મામામારી થઈ હતી. હોટલ પર બે જૂથ બાખડતા અનેક વાહનોને મોટાપાયે નુકસાન થયુ છે. ઈજાગ્રસ્તોને સારવાર માટે ડીસાની જનરલ હોસ્પિટલમાં ખસેડાયા છે. ફાયરિંગ પણ કરાયું હોવાના ઈજાગ્રસ્તોના ગંભીર આક્ષેપ છે. બન્ને જૂથના લોકો ઈજાગ્રસ્ત થતાં હોસ્પિટલમાં પણ તણાવભરી સ્થિતિ છે. સ્થિતિ પર કાબુ મેળવવા પોલીસ હોસ્પિટલ પહોંચી.
-
અમરેલીમાં PM મોદીના હસ્તે વિવિધ પ્રકલ્પોનું લોકાર્પણ-ખાતમુહૂર્ત થશે
આજે વડાપ્રધાન મોદી સૌરાષ્ટ્રની પણ મુલાકાતે છે. અમરેલીમાં PM મોદીના હસ્તે વિવિધ પ્રકલ્પોનું લોકાર્પણ-ખાતમુહૂર્ત થશે. સૌરાષ્ટ્રના 8 જિલ્લાને આપશે રૂ.4800 કરોડના વિકાસકાર્યોની ભેટ આપશે. 8 જિલ્લાને 1600 વિકાસકાર્યોનો સમાવેશ થાય છે. 705 કરોડના પાણી પુરવઠાની યોજનાનું લોકાર્પણ-ખાતમુહુર્ત છે. 35 કરોડના ખર્ચે તૈયાર ભારત માતા સરોવરનું લોકાર્પણ થશે. 20 કરોડના પિટ, બોર, કૂવા રિચાર્જના કામોનું ખાતમુહૂર્ત થશે.
-
લક્ષ્મીવિલાસ પેલેસમાં દ્વિપક્ષીય મંત્રણા યોજાશે
સવારે 9:45 કલાકે બન્ને દેશના વડાપ્રધાન રોડ શો યોજીને ટાટા એડવાન્સ સિસ્ટમ એરક્રાફ્ટ કોમ્પ્લેક્સ ખાતે પહોંચશે. જ્યાં C-295 એરક્રાફ્ટ નિર્માણના કોમ્પલેક્સનું લોકાર્પણ કરવામાં આવશે. ત્યાર બાદ સવારે 11 કલાકે લક્ષ્મીવિલાસ પેલેસ ખાતે. PM મોદી અને સ્પેનના વડાપ્રધાન વચ્ચે દ્વિપક્ષીય મંત્રણા થશે. દ્વિપક્ષીય વાતચીત બાદ લક્ષ્મીવિલાસ પેલેસમાં બન્ને નેતાઓ લંચ કરશે. બપોરે 1 કલાકે વડાપ્રધાન મોદી વડોદરાથી ભાવનગર જવા રવાના થશે.
-
-
આજે PM મોદી અને સ્પેનના PMની મહામુલાકાત
વડોદરા શહેર આજે ઐતિહાસિક મહામુલાકતનું સાક્ષી બનશે. વડાપ્રધાન મોદી અને સ્પેનના PM પેડ્રો સાંચેઝ વચ્ચે આજે વડોદરામાં મુલાકાત થશે. સવારે 9:30 કલાકે વડાપ્રધાન નરેન્દ્ર મોદીનું વડોદરા એરપોર્ટ પર આગમન થશે. ત્યારબાદ સ્પેનના વડાપ્રધાન ખાનગી હોટલમાંથી વડોદરા એરપોર્ટ સર્કલ પાસે પહોંચશે. ત્યાં જ વડાપ્રધાન નરેન્દ્ર મોદીનો કાફલો પણ જોડાશે અને ત્યારબાદ ખુલ્લી જીપમાં PM મોદીનો સ્પેનના PM સાથે રોડ શો યોજાશે.
આજે વડોદરામાં ઇતિહાસ રચાશે. સ્પેનનાં PMની ઉપસ્થિતિમાં વડાપ્રધાન મોદી કરશે એરક્રાફ્ટ નિર્માણનાં કોમ્પલેક્સનું લોકાર્પણ કરશે. સવારે 11 કલાકે લક્ષ્મીવિલાસ પેલેસ ખાતે. PM મોદી અને સ્પેનના વડાપ્રધાન વચ્ચે દ્વિપક્ષીય મંત્રણા થશે. અમરેલીમાં PM મોદીના હસ્તે વિવિધ પ્રકલ્પોનું લોકાર્પણ અને ખાતમુહૂર્ત થશે. સૌરાષ્ટ્રના 8 જિલ્લાને આપશે રૂ.4800 કરોડના વિકાસકાર્યોની ભેટ મળશે. એકનાથ શિંદેની શિવસેનાએ 20 ઉમેદવારોની બીજી યાદી જાહેર કરી છે. વર્લી બેઠક પર આદિત્ય ઠાકરે સામે મિલિંદ દેવડા મેદાને રહેશે. બાંગ્લાદેશની ઘૂસણખોરી અટકાવ્યા વિના પશ્ચિમ બંગાળમાં શાંતિ નહીં થાય. ગૃહપ્રધાન અમિત શાહે પ્રહાર કરતા કહ્યું,, 2026માં ફેરફાર કરો. અમદાવાદમાં કેમિકલ કંપનીમાં ગેસ ગળતરથી મોત મામલે ગુનો દાખલ થયો છે. ફેક્ટરી માલિક અને સુપરવાઇઝર સામે ગુનો નોંધાયો છે.