19 જૂનના મહત્વના સમાચાર: પીએમ મોદી આજે PM-VBRY લોન્ચ કરશે, ₹2,400 કરોડનું વિતરણ કરશે
આજે 19 જૂનને શુક્રવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
પંચમહાલઃ વહેલી સવારથી વરસાદની ધમાકેદાર એન્ટ્રી
પંચમહાલ જિલ્લામાં વહેલી સવારથી જ વરસાદની ધમાકેદાર એન્ટ્રી જોવા મળી હતી. ધોધમાર વરસાદને પગલે ગોધરા, હાલોલ સહિત જિલ્લાના અનેક વિસ્તારોમાં પાણી ભરાઈ જતાં જનજીવન પ્રભાવિત થયું હતું. અનેક સોસાયટીઓ અને નિચાણવાળા વિસ્તારોમાં જળબંબાકાર જેવી સ્થિતિ સર્જાઈ હતી, જેના કારણે સ્થાનિક લોકોને મુશ્કેલીનો સામનો કરવો પડ્યો હતો. બીજી તરફ, જિલ્લામાં પડેલા સાર્વત્રિક વરસાદથી ખેડૂતોમાં ખુશીનો માહોલ જોવા મળ્યો હતો. ખેતરોમાં વરસાદી પાણી ભરાઈ જવાના દ્રશ્યો સામે આવ્યા હતા, જે આગામી ખેતી માટે લાભદાયી માનવામાં આવી રહ્યા છે. વરસાદથી વાતાવરણમાં ઠંડક પ્રસરી જતાં લોકોને ગરમીમાંથી પણ રાહત મળી હતી.
-
ગાંધીનગરઃ કલોલમાં પ્રથમ ગ્રાસે મક્ષિકા જેવો ઘાટ
કલોલમાં પડેલા પ્રથમ જ વરસાદે સ્થાનિક તંત્રની પ્રિ-મોન્સૂન કામગીરીના દાવાઓની પોલ ખોલી નાખી છે. શહેરના અનેક વિસ્તારોમાં પાણી ભરાઈ જતાં વાહનચાલકો અને સ્થાનિક રહેવાસીઓને ભારે હાલાકીનો સામનો કરવો પડ્યો હતો. વરસાદી પાણીના નિકાલ માટે કરાયેલા આયોજન અને કામગીરી અંગે સવાલો ઊભા થયા છે. આડેધડ વિકાસ કામો અને યોગ્ય આયોજનના અભાવે દર વર્ષે સર્જાતી સમસ્યા યથાવત રહેતાં લોકોમાં તંત્ર પ્રત્યે રોષ જોવા મળી રહ્યો છે.
-
-
પીએમ મોદી આજે PM-VBRY લોન્ચ કરશે, ₹2,400 કરોડનું વિતરણ કરશે
પ્રધાનમંત્રી નરેન્દ્ર મોદી આજે ફ્રાન્સની મુલાકાતથી પરત ફરશે. તેઓ નવી દિલ્હીના વિજ્ઞાન ભવન ખાતે આયોજિત રાષ્ટ્રીય કાર્યક્રમમાં ડાયરેક્ટ બેનિફિટ ટ્રાન્સફર (DBT) દ્વારા લાભાર્થીઓને આશરે ₹2,400 કરોડના પ્રોત્સાહનોનું વિતરણ કરશે.
આજે 19 જૂનને શુક્રવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Jun 19,2026 7:32 AM
