19 ડિસેમ્બરના મહત્વના સમાચાર : ભારત અને દક્ષિણ આફ્રિકા વચ્ચે આજે છેલ્લી T20 મેચ અમદાવાદમાં યોજાશે

ગુજરાતમાં ચાલી રહેલું મતદાર સુધારણા અભિયાન હવે પૂર્ણ કરવામાં આવ્યું છે. આજના દિવસે રાજ્યની ડ્રાફ્ટ મતદાર યાદી જાહેર કરવામાં આવશે. આ અભિયાન દરમિયાન કુલ 4.34 કરોડ ફોર્મ પરત મળ્યા છે. તપાસમાં 18.07 લાખ મૃત મતદારોના નામ ઓળખવામાં આવ્યા છે, જ્યારે 3.81 લાખ મતદારોના નામ બે અલગ-અલગ સ્થળોએ નોંધાયેલા હોવાનું સામે આવ્યું છે. ઉપરાંત, હજુ સુધી 44.45 લાખ મતદારોનું મેપિંગ થઈ શક્યું નથી. મતદાર યાદીમાં જેમનું નામ રહી ગયું હોય તેવા મતદારો જરૂરી પુરાવા સાથે ફોર્મ-6 ભરીને પોતાનું નામ ઉમેરાવી શકશે.