17 ડિસેમ્બરના મહત્વના સમાચાર : અમરેલીના ધારીના દલખાણીયામાં ખેડૂતે જમીન વેચતા બે ખંડણીખોરોએ જબરજસ્તથી 5 લાખ પડાવી લીધા, પોલીસ ફરિયાદ થતા બન્નેને પકડ્યા

જૂનાગઢમાં ફેબ્રુઆરીમાં યોજાશે મહાશિવરાત્રીનો મેળો

જૂનાગઢમાં ફેબ્રુઆરીમાં યોજાશે મહાશિવરાત્રીનો મેળો. જૂનાગઢ ખાતે યોજાનારા મેળાની તૈયારીઓ માટે સરકાર સજ્જ થઈ છે. નાયબ મુખ્યમંત્રી હર્ષ સંઘવીએ મહાશિવરાત્રીના મેળા અંગે બેઠક બોલાવી હતી. જૂનાગઢના સ્થાનિક વહીવટી તંત્ર અને સાધુ સંતો પણ આ બેઠકમાં હાજરી આપશે. પ્રવાસન વિભાગના અધિકારીઓ પણ બેઠકમાં રહેશે ઉપસ્થિત. મહાશિવરાત્રીના મેળાની બેઠક બાદ મળશે HUDA ની પણ બેઠક મળશે. નાયબ મુખ્યમંત્રીના અધ્યક્ષસ્થાને આ બેઠક મળશે. HUDA ચેરમેન સહિતના પદાધિકારીઓ રહેશે હાજર. HUDA અંગે સ્થાનિક ખેડૂતો શરૂઆતથી કરતા આવ્યા છે વિરોધ.

ગૌચરના મુદ્દે નખત્રાણા તાલુકાના સરપંચોએ પ્રાંત કચેરી બહાર યોજ્યા ધરણા

નખત્રાણા તાલુકામાં આવતા ગામના સરપંચોએ ધરણા યોજ્યા હતા. ગૌચરના મુદ્દે નખત્રાણા તાલુકાના સરપંચ સંગઠને ધરણા યોજ્યા હતા. નખત્રાણા પ્રાંત કચેરી બહાર પ્રતીક ધરણા કરવામાં આવ્યા હતા. સરપંચ, ઉપસરપંચ, ગ્રામપંચાયતના સભ્યો, આગેવાનો સહિતનાઓ ધરણામાં જોડાયા હતા. ગૌચરની માપણી, ગૌચરની જમીન કંપનીઓને ફાળવણી, ગૌચર જમીન માટે ગ્રાન્ટ ફાળવણી સહિતના મુદ્દે સરપંચો ધરણા પર બેઠા હતા. વિવિધ સામાજિક સંગઠન દ્વારા ધરણાને સમર્થન અપાયું હતું.

ભાવનગરના અલંગ શિપબ્રેકિગ યાર્ડમાં થયેલ ગેરકાયદે દબાણ હટાવી 45 કરોડની જમીન ખુલ્લી કરાઈ

ભાવનગરના અલંગ શીપ બ્રેકિંગ યાર્ડમાં દાદાનું બુલડોઝર ફરી વળ્યું છે. આશરે 68 હેક્ટર જમીન ઉપર થયેલ ગેરકાયદેસર દબાણો હટાવાની કામગીરી કરાઈ હાથ ધરાઇ છે. જેના વડે 45 કરોડ રૂપિયાની જમીન ખુલ્લી કરાઈ છે. અલંગ શિપ બ્રેકિંગ યાર્ડની અંદર થયેલ ગેરકાયદેસર દબાણો દૂર કરાયા હતા. કેબિન, શેડ, પતરાઓ પોલીસના ચુસ્ત બંદોબસ્ત વચ્ચે હટાવવામાં આવ્યા હતા. ત્રણ દિવસ સુધી અલંગ ખાતે રહેશે ડીમોલેશનની કામગીરી.

અમરેલીના ધારીના દલખાણીયામાં ખેડૂતે જમીન વેચતા બે ખંડણીખોરોએ જબરજસ્તથી 5 લાખ પડાવી લીધા, પોલીસ ફરિયાદ થતા બન્નેને પકડ્યા

અમરેલીના ધારીના દલખાણીયામાં જમીન વેચનાર ખેડૂત પાસે જબરજસ્તીથી ખંડણી વસૂલનારા 2 સામે પોલીસ ફરિયાદ નોંધાઈ છે. ખેડૂત દ્વારા વેચાયેલ જમીનના પૈસા આવતા, 2 શખ્સોએ ખેડૂત પાસે ખંડણી માંગી હતી. ખેડૂતને અભદ્રભાષાનો મારો કરી, બિભત્સ ગાળો આપી, જાનથી મારી નાખવાની બન્ને શખ્સોએ ધમકી આપી હતી. એટલું જ નહીં, ખેડૂતની 12 વિધાની જમીન વેચતા 2 શખ્સોએ 5 લાખ ખાતામાં બળજબરીથી ટ્રાન્સફર કરાવ્યા હતા. ખેડૂત પાસેથી જબરજસ્તીથી ખંડણી વૂસલનારા  રાજુ સુખડિયા અને જનાભાઈ વાળા વિરુદ્ધ  પોલીસ ફરીયાદ નોંધાઈ હતી. પોલીસે  બન્ને ખંડણીખોર શખ્સોની અટકાયત કરી કાનુની કાર્યવાહી હાથ ધરી છે.

અમદાવાદ નજીક ભાટની ડેઇલી સ્ટે ઇન હોટેલ યુવક-યુવતીનો આપઘાતનો પ્રયાસ, યુવકનો મૃતદેહ મળ્યો, યુવતીને સારવાર માટે હોસ્પિટલ ખસેડાઈ

અમદાવાદ નજીક ભાટ વિસ્તારમાં આવેલ ડેઈલી સ્ટે ઈન હોટલમાં યુવક યુવતીએ આત્મહત્યાનો પ્રયાસ કર્યો હોવાનુ પ્રાથમિક રીતે સામે આવ્યું છે. સ્ટે ઈન હોટલના રૂમમાંથી યુવકનો મૃતદેહ મળ્યો છે. જ્યારે યુવતીને સારવાર અર્થે હોસ્પિટલમાં ખસેડવામાં આવી છે. એરપોર્ટ પોલીસે આ બનાવ અંગે તપાસ હાથ ધરી છે. પોલીસનું પ્રાથમિક અનુમાન છે કે, યુવક અને યુવતીએ આપઘાતનો પ્રયાસ કર્યો હોઈ શકે છે.

લગ્ન નોંધણીમાં ગડબડ કરનાર પંચમહાલના 5 તલાટી સામે કાર્યવાહી

પંચમહાલ જિલ્લામાં, લગ્ન નોંધણીમાં ગડબડ કરનાર તલાટીઓ સામે મોટી કાર્યવાહી કરાશે. પંચમહાલના નાયબ જિલ્લા વિકાસ અધિકારીએ, 5 ગ્રામ પંચાયતના તલાટીને ચાર્જશીટ આપવા માટેની પ્રક્રિયા હાથ ધરી છે. નાથકુવા, કંકોડાકોઈ, ભાણપુરા, કણબીપાલ્લી, કાલંત્રા ગ્રામ પંચાયતના તલાટીઓને ચાર્જશીટ ફટકારવામાં આવશે. કસૂરવાર તલાટીઓ વિરુદ્ધ ખાતાકીય કાર્યવાહી કરવામાં આવશે તેમ જણાવ્યું હતું. બોગસ લગ્ન નોંધણી મામલો સામે આવ્યા બાદ જિલ્લાની અન્ય ગ્રામ પંચાયતોમાં લગ્ન નોંધણી રેકર્ડ ની તપાસ હાથ ધરવામાં આવી હતી. તપાસમાં વર્ષ 2024-25 દરમિયાન 5 ગ્રામ પંચાયતમા 1043 લગ્ન નોંધણીમાં અધૂરા પુરાવા સહિત અનેક પ્રકારની ગંભીર ક્ષતિઓ જોવા મળી હતી.

ગુજરાતમાં ખેડૂતો પાસેથી ટેકાના ભાવે તુવેર ખરીદાશે, 22 ડિસેમ્બરથી કરાવી શકાશે નોંધણી

ગુજરાતમાં આગામી સમયમાં તુવેરની ટેકાના ભાવે ખરીદી કરવામાં આવશે. તુવેરના વેચાણ માટે ખેડૂતો, આગામી તારીખ 22 ડિસેમ્બરથી 21 જાન્યુઆરી-2026 સુધી ઓનલાઇન નોંધણી કરાવી શકશે. તુવેર પકવતા વધુમાં વધુ ખેડૂતોને ટેકાના ભાવે વેચાણ માટે નોંધણી કરાવવા મંત્રીએ અનુરોધ કર્યો છે. વાવેતર વિસ્તાર અને ઉત્પાદનને ધ્યાને રાખીને રાજ્યમાં ઉત્પાદનના 100 ટકા જથ્થા મુજબ ખરીદી કરવાનું આયોજન કરાયું છે. ભારત સરકારે તુવેર માટે રૂ. 8000 પ્રતિ ક્વિન્ટલ ટેકાનો ભાવ જાહેર કર્યો છે.

પંજાબમાં કબડ્ડીના ખેલાડીની હત્યા કરનાર આરોપીનુ પોલીસે કર્યું એન્કાઉન્ટર

કબડ્ડી ખેલાડી રાણા બાલાચૌરિયાની હત્યામાં સંડોવાયેલા ગેંગસ્ટર હરપિંદર સિંહ ઉર્ફે મિડ્ડુનું પોલીસ એન્કાઉન્ટરમાં મોત થયું. પોલીસે બુધવારે મોહાલીમાં લાલડુ નજીક અંબાલા-હાઇવે પર ગેંગસ્ટર હરપિંદર સિંહ ઉર્ફે મિડ્ડુને ઘેરી લીધો હતો. પોલીસને જોઈને તેણે જીગાના પિસ્તોલ તાકી હતી. હરપિંદર સિંહ ઉર્ફે મિડ્ડુ ગોળીથી ઘાયલ થયો. તેને તાત્કાલિક સારવાર માટે હોસ્પિટલમાં લઈ જવામાં આવ્યો, જ્યાં સારવાર દરમિયાન તેનું મૃત્યુ થયું.

મુખ્ય સચિવને મુખ્ય પ્રધાનની કડક સુચના, નિર્ણય લીધા બાદ કે જાહેરાત કર્યા બાદ તેના પર તાત્કાલિક અમલ કરો

ગુજરાતના મુખ્ય સચિવને, મુખ્ય પ્રધાને કડક સુચના આપી છે કે,  નિર્ણય લીધા બાદ કે જાહેરાત કર્યા બાદ તેના પર તાત્કાલિક અમલવારી કરવી. ગુજરાત સરકારના તમામ વિભાગોને મુખ્યમંત્રીની કડક સૂચના પાઠવી દેવામાં આવી છે. નિર્ણય લીધા બાદ કે જાહેરાત કર્યા બાદ તાત્કાલિક અમલવારી કરવા સૂચના અપાઈ છે. વિવિધ વિભાગો દ્વારા થતા નિર્ણયો અને જાહેરાતની અમલવારી અંગે CM ની સૂચના. જાહેરાત અને નિર્ણયની અમલવારી ઝડપથી કરવા સૂચના. રાજ્ય મુખ્ય સચિવને આ અંગેની સૂચના મુખ્યમંત્રીએ આપી છે.

ગયા વર્ષ કરતા આ વર્ષે રવિપાકનું 21 ટકા વધુ વાવેતર કરાયું હોવાનો કૃષિ પ્રધાન જીતુ વાઘાણીનો દાવો

રવિપાક નુ વાવેતર ગયા વર્ષની સરખામણીએ વધુ થયાનો કૃષિમંત્રી જીતુ વાઘાણીએ દાવો કર્યો છે. કમોસમી વરસાદ અંગ રાજ્ય સરકારે રૂ. 10 હજાર કરોડનું પેકેજ જાહેર કર્યું છે. રવિપાક સિઝનનું વાવેતર ગયા વર્ષની સરખામણીએ વધુ થયું હોવાનો દાવો કરાયો છે. ગયા વર્ષ કરતા આ વખતે રવિ સીઝનમાં 72450 મેટ્રિક ટન DAP વધારે સપ્લાય કરવામાં આવ્યું છે. રવિપાક માટે 41875 મેટ્રિક ટન યુરિયા આ વર્ષે વધુ વિતરણ કરવામાં આવશે. ગયા વર્ષ કરતા આ વર્ષે 21 ટકા વધુ બટાકાનું વાવેતર થયું છે

ખાનપુર ભાજપ કાર્યાલયે કોંગ્રેસની પદયાત્રા લઈ જવા માંગતા કોંગ્રેસ પ્રમુખ અમિત ચાવડાની પોલીસે કરી અટકાયત

નેશનલ હેરાલ્ડ કેસમાં કોંગ્રેસના નેતાઓને કોર્ટથી રાહતનો મામલે કોંગ્રેસે પદયાત્રા યોજી હતી. સોનિયા અને રાહુલ ગાંધી સામેનો કેસ ED કોર્ટે રદ્દ કરતા કોંગ્રેસની પદયાત્રા યોજાઈ હતી. અમદાવાદ શહેર કોંગ્રેસ દ્વારા પદયાત્રાનું આયોજન કરાયું હતું. અમિત ચાવડાની અધ્યક્ષતામાં નહેરુ બ્રિજ પાસે કોંગ્રેસની પદયાત્રા. કોંગ્રેસની પદયાત્રા બીજેપી કાર્યાલય ખાનપુર જતા પોલીસે રોકી. અમિત ચાવડા સહિત કાર્યકર્તાઓને પોલીસે અટકાવ્યા. પોલીસે અમિત ચાવડા સહિત કાર્યકર્તાઓની કરી અટકાયત

અમદાવાદ ગ્રામ્ય SOG પોલીસે વિઠ્ઠલાપુર પાસેથી ગેરકાયદે ગેસ રીફીલીંગનુ કૌભાંડ ઝડપ્યુ

અમદાવાદ ગ્રામ્ય SOG પોલીસે વિઠ્ઠલાપુર પાસેથી ગેરકાયદે ગેસ રીફીલીંગનુ કૌભાંડ ઝડપ્યુ છે. માંડલ તાલુકા વિઠ્ઠલાપુર વિસ્તારમાંથી ગેરકાયદે ગેસના બાટલાઓનુ રીફીલ નંગ 108 સહિત કિંમત રૂપિયા 1,35,800 મુદ્દામાલ ઝડપ્યો છે. વિરમગામ વિઠલાપુર હાઇવે રોડ પર સાંઈ રેસીડેન્સીની બાજુમાં દ્વારકેશ પાર્લર નામની દુકાન પાછળ આર્થિક ફાયદા માટે ગેરકાયદેસર ગેસના બોટલ નું રિફિલિંગ કરતા મુદ્દા માલ સાથે શખ્સને ઝડપી પાડ્યો છે. કુલ રૂપીયા 1,35,800 મુદ્દામાલ સાથે રવિકુમાર અજીતભાઈ સાધુ રહે કટોસણ રોડ ને ઝડપી પાડ્યો. આરોપી શખ્સ મોટા ગેસ બોટલોમાથી બંને બાજુ વાલ્વ વાળો રેગ્યુલેટર ફીટ કરી ખાલી બોટલોમા ગેસ ભરતો હતો. અમદાવાદ ગ્રામ્ય SOG પોલીસે મુદ્દામાલ સાથે શખ્સને ઝડપી વિઠ્ઠલાપુર પોલીસ મથકમા ગુનો દાખલ કરાવ્યો છે.

વેરાવળના રામભરોસે ચોકમાંથી બે કાશ્મીરીઓ મળી આવ્યાસ પોલીસે બન્નેની હાથ ધરી પુછપરછ

ગીર સોમનાથના વેરાવળમાંથી વધુ બે શંકાસ્પદ કાશ્મીરી યુવકો મળી આવ્યા છે. વેરાવળના રામભરોસે ચોકમાંથી બે કાશ્મીરીઓ મળી આવ્યા છે. અનીસઉલ રહેમાન અને મહમદ અસલમની પૂછપરછ શરૂ કરાઈ છે. અનીસઉલ રહેમાન પ્રથમ વખત મદરેસા માટે ચંદો ઉઘરાવવા ગુજરાત આવ્યો. મહંમદ અસલમ છેલ્લા પાંચ છ વર્ષથી દર વર્ષે ચંદો ઉઘરાવવા આવે છે. બંને યુવકો કાશ્મીરના પૂંછ જિલ્લાની મદરેસા માટે ચંદો ઉઘરાવે છે. સ્કેનર દ્વારા ઓનલાઇન ચંદો ઉઘરાવી મદરેસાના એકાઉન્ટમાં જમા કરાવે છે. બંને કાશ્મીરી યુવકોએ પહેલી ડિસેમ્બરે કાશ્મીરથી અમદાવાદ આવ્યા હતા. અમદાવાદથી કડી, વિરમગામ, સુરેન્દ્રનગર, રાજકોટ, ઉપલેટા, જૂનાગઢ અને જેતપુરથી ચંદો ઉઘરાવ્યો છે. બે દિવસ માંગરોળ રોકાયા બાદ એસટી બાદમાં વેરાવળ પહોચ્યા હતા.

પલસાણાના માખીગામાં કેમિકલ ફેક્ટરીમાં લાગેલ આગ કાબુમાં

પલસાણાના માખીગામાં કેમિકલ ફેક્ટરીમાં લાગેલ આગ કાબુમાં આવી છે. શ્રી બાલાજી કેમિકલ કંપનીમાં લાગી હતી આગ. કેમિકલ ભરેલ ટેન્કર પણ આંગની ચપેટમાં આવ્યું હતું. કંપનીમાં અન્ય એક ટેમ્પો પણ આગની ચાપેટમાં આવ્યો છે. 5 કલાકની જહેમત બાદ ફાયરની 10 થી વધુ વાહન અને કર્મચારીઓ દ્વારા આગ પર કાબુ મેળવી લેવાયો છે.

સુરતઃ પુણા વિસ્તારમાં અસામાજિક તત્વો બેફામ

સુરતના પુણા વિસ્તારમાં અસામાજિક તત્વોની બેફામ હરકતો સામે આવી છે. વાહન ચલાવવા બાબતે થયેલા વિવાદમાં કારચાલક પર લુખ્ખા તત્વોએ હુમલો કર્યો હતો, જેમાં એક આરોપીએ દૂધના કેનના ઢાંકણા વડે હુમલો કર્યાનો બનાવ સામે આવ્યો છે. સમગ્ર ઘટના નજીક લગાવવામાં આવેલા CCTV કેમેરામાં કેદ થઈ છે. આ ઘટનાને લઈ વિસ્તારમાં સ્થાનિકોમાં ભારે રોષ જોવા મળી રહ્યો છે અને પુણા પોલીસની કામગીરી સામે પણ સવાલો ઉભા થયા છે.

ગાંધીનગરમાં સચિવાલયને મળી બોમ્બથી ઉડાવવાની ધમકી

અમદાવાદ અને ગાંધીનગરની શાળાઓને બોમ્બથી ઉડાવી દેવાની ધમકી બાદ  ગાંધીનગરના સચિવાલયને બોમ્બથી ઉડાવવાની ધમકી મળી છે. ધમકી મળતા સચિવાયલમાં ચેકિંગ હાથ ધરાયું. ડોગ સ્કોવોર્ડની ટીમ દ્વારા સચિવાયલમાં સઘન તપાસ હાથ ધરાઇ છે.

અમદાવાદમાંથી ગોગો પેપરનું ગોડાઉન ઝડપાયું, 1 કરોડનો મુદ્દામાલ જપ્ત

અમદાવાદમાં પ્રતિબંધિત ગોગો પેપર સામે મોટી કાર્યવાહી કરવામાં આવી છે. એરપોર્ટ પોલીસે સમરથનગર વિસ્તારમાં આવેલા એક મકાનમાં દરોડા પાડીને ગોગો પેપરનું ગોડાઉન ઝડપી પાડ્યું છે. પોલીસ દ્વારા કરવામાં આવેલી તપાસ દરમિયાન અંદાજે 72 લાખ રૂપિયાના પ્રતિબંધિત ગોગો પેપરનો જથ્થો મળી આવ્યો હતો, સાથે જ એક આરોપીની ધરપકડ પણ કરવામાં આવી છે. હાલ પ્રતિબંધિત ગોગો પેપર ક્યાંથી લાવવામાં આવ્યા અને ક્યાં સપ્લાય થવાના હતા તે અંગે પોલીસે વધુ તપાસ હાથ ધરી છે.

રાજકોટ: મ્યુલ એકાઉન્ટ શોધવાની સાયબર ક્રાઈમની કામગીરી

સુરતઃ પલસાણામાં કેમિકલ ફેક્ટરીમાં આગ

સુરત જિલ્લાના પલસાણામાં માખીગા ગામે આવેલી શ્રી બાલાજી કેમિકલ કંપનીમાં ભીષણ આગ લાગવાની ઘટના સામે આવી છે. આગના કારણે કંપનીમાં રહેલું કેમિકલ ભરેલું એક ટેન્કર તેમજ અન્ય એક ટેમ્પો પણ આગની ઝપેટમાં આવી ગયા હતા. ઘટનાની જાણ થતાં ફાયર બ્રિગેડના 10થી વધુ વાહનો તાત્કાલિક સ્થળ પર પહોંચ્યા અને આગને કાબૂમાં લેવા માટે ભારે પ્રયત્નો શરૂ કર્યા. હાલ આગના કારણો અંગે તપાસ ચાલી રહી છે.

સુરતના કોસંબામાં 6 વર્ષની બાળકી પર દુષ્કર્મ કરનારને આજીવન કેદ

સુરત જિલ્લાના કોસંબામાં 6 વર્ષની બાળકી પર દુષ્કર્મ કરનાર આરોપીને કોર્ટે આજીવન કેદની સજા ફટકારી છે. પોક્સો સહિતની ગંભીર કલમો હેઠળ નોંધાયેલા ગુનામાં કોર્ટે માત્ર 5 મહિનામાં ચુકાદો આપી દોષિતને આજીવન કેદ સાથે 20 હજાર રૂપિયાનો દંડ પણ ફટકાર્યો છે. ચોંકાવનારી વાત એ છે કે ભોગ બનનાર બાળકી દોષિતને “કાકા” કહીને બોલાવતી હતી. બાળકી દ્વારા પોતાની માતાને સમગ્ર હકીકત જણાવ્યા બાદ મામલો બહાર આવ્યો હતો અને ત્યારબાદ કાયદેસરની કાર્યવાહી હાથ ધરવામાં આવી હતી.

રાજકોટ: જસદણમાં ગોગો પેપર વેચનારાઓ પર તવાઈ

રાજકોટ જિલ્લાના જસદણમાં ગોગો પેપર વેચનારાઓ સામે SOG દ્વારા તવાઈ બોલાવવામાં આવી છે. SOGની અલગ-અલગ ટીમોએ પાનના ગલ્લાઓમાં ચેકિંગ હાથ ધર્યું હતું, દરમિયાન ક્રિષ્ના કોમ્પ્લેક્સમાં આવેલ બ્લુ સ્ટાર પાનના ગલ્લામાંથી ગોગો પેપર મળી આવ્યું. તપાસ દરમિયાન પ્રી-રોલ ગોગો કોન, કેપ્ટન ગોગો ટુ રોલિંગ પેપર તેમજ ગોગો રોલિંગ પેપર સહિતનો અંદાજે 2 હજાર રૂપિયાનો મુદ્દામાલ જપ્ત કરવામાં આવ્યો હતો. આ મામલે દુકાનદારને અટકાયત કરીને આગળની કાર્યવાહી હાથ ધરવામાં આવી છે.

શાળાઓને મળેલા ધમકીભર્યા ઇમેલમાં અમિત શાહ, લોરેન્સ બિશ્નોઇના નામનો ઉલ્લેખ

પોલીસે તપાસમાં જાણવા મળ્યું કે ધમકીભર્યો ઈ-મેઈલ ખાલિસ્તાન મૂવમેન્ટ સાથે સંકળાયેલા ગ્રુપ દ્વારા મોકલવામાં આવ્યો હતો. આ ઇમેઇલમાં કેન્દ્રીય ગૃહમંત્રી અમિત શાહ તેમજ લોરેન્સ બિશ્નોઇના નામનો પણ ઉલ્લેખ કરવામાં આવ્યો છે. ઈ-મેઈલ શાળાઓને સવારે 8:33 મિનિટે મળ્યો હતો અને ત્યારબાદ બપોરે 1.11 કલાકે બ્લાસ્ટ થવાનો ઉલ્લેખ કરવામાં આવ્યો હતો. હાલ સુરક્ષા વધારીને તપાસ ચાલી રહી છે.

ગાંધીનગરની પણ અનેક સ્કૂલને બોમ્બથી ઉડાવી દેવાની ધમકી

અમદાવાદ બાદ હવે ગાંધીનગરની પણ કેટલીક શાળાઓને બોમ્બથી ઉડાવી દેવાની ધમકી મળી છે. આ તમામ શાળાઓ ખૂબ જ ખ્યાતનામ હોવાનું સામે આવ્યુ છે. ગાંધીનગરની શાળાઓને મળેલા ઈ-મેઈલમાં સ્પષ્ટ લખાયું છે કે બપોરે 1.11 વાગ્યે બોમ્બ બ્લાસ્ટ થવાના જોખમ સાથે શાળાઓને ઉડાવી દેવાની યોજના છે. ગાંધીનગરમાં કલોલની આવિષ્કાર, ખોરજની જેમ્સ એન્ડ જેનેસિસ શાળાઓને મળી છે.

ગાંધીનગરની કેટલીક સ્કૂલને પણ મળી બોમ્બથી ઉડાવી દેવાની ધમકી

અમદાવાદ અને ગાંધીનગરની શાળાઓને બોમ્બથી ઉડાવી દેવાની ધમકી ભરેલો ઈ-મેઈલ મળતા હલચલ મચી ગઈ છે. ઈ-મેઈલમાં બપોરે 1.30 વાગ્યે બોમ્બ બ્લાસ્ટ થવાનો ઉલ્લેખ કરવામાં આવ્યો હતો. ગાંધીનગર જિલ્લામાં કલોલની આવિષ્કાર શાળા, ખોરજની જેમ્સ અને જેનેસિસ શાળાઓને પણ ધમકી મળી હતી. ધમકી મળતાની સાથે જ પોલીસ તાત્કાલિક એક્શનમાં આવી અને બોમ્બ સ્ક્વોડ, ડોગ સ્ક્વોડ તેમજ સુરક્ષા બળોને તાત્કાલિક કાર્યવાહી માટે નિયુક્ત કરી. શાળાઓમાં વિદ્યાર્થીઓની સલામતી માટે તરત જ સંચાલકોએ જરૂરી પગલાં લીધા છે અને મામલે તપાસ ચાલુ છે.

અમદાવાદ શહેરની 8 સ્કૂલોને બોમ્બ બ્લાસ્ટની ધમકી

અમદાવાદમાં મહારાજા અગ્રસેન, ઝાયડસ, ઝેબર અને દેવ ઇન્ટરનેશનલ સ્કૂલ સહિત કુલ 8 સ્કૂલોને બોમ્બ બ્લાસ્ટની ધમકી ભરેલો ઇમેઇલ મળતા હલચલ મચી ગઈ છે. ધમકી મળતાં સ્કૂલ સંચાલકોએ તરત જ વિદ્યાર્થીઓની સુરક્ષા માટે પગલાં લીધાં અને સ્કૂલોને થોડીવાર માટે બંધ રાખી હતી. પોલીસ વિભાગે ઘટના સ્થળ પર પહોંચીને બોમ્બ સ્ક્વોડ, ડોગ સ્ક્વોડ અને SOGની ટીમો દ્વારા સ્કૂલની તપાસ શરૂ કરી. સાઇબર ક્રાઇમ વિભાગે પણ ઇમેઇલની વિગતો એકત્ર કરી તપાસ હાથ ધરી છે. ધમકીમાં સ્પષ્ટ કરવામાં આવ્યું હતું કે બપોરે 1.30 કલાકે સ્કૂલોમાં બ્લાસ્ટ કરવાની યોજના છે. આ પગલાંને ધ્યાનમાં રાખી સ્કૂલ સંચાલકોએ વિદ્યાર્થીઓને રજા આપી હતી. હાલ પોલીસ અને સલામતી બળો સુરક્ષાનું પૂરું આયોજન કરીને સ્કૂલ મોનિટરિંગ કરી રહ્યા છે અને સંબંધિત તપાસ ચાલુ છે.

આણંદ: વહેરખાડી ગામના પ્રેમી પંખીડાએ કર્યો આપઘાતનો પ્રયાસ

આણંદના વહેરખાડી ગામમાં એક પ્રેમી જોડીએ આપઘાતનો પ્રયાસ કર્યો. બંને પ્રેમીઓ મહીસાગર નદીમાં બ્રીજ પરથી પડવાનું મુક્યા હતા. ઘટના સ્થળે હાજર સ્થાનિક નાવડી વાળાએ સમયસર હસ્તક્ષેપ કરીને યુવક અને યુવતીને રેસ્ક્યુ કર્યું. બંને ગંભીર રીતે ઈજાગ્રસ્ત થયા છે અને તેમને તાત્કાલિક સારવાર માટે નજીકની હોસ્પિટલ ખસેડવામાં આવ્યો છે.

પાટણ: રાધનપુરમાં ભડકે બળ્યું શોપિંગ સેન્ટર

પાટણ જિલ્લાના રાધનપુરમાં હાઈવે પર આવેલા ખાનગી શોપિંગ સેન્ટરમાં ભીષણ આગ લાગવાની ઘટના સામે આવી છે. આગના કારણે શોપિંગ સેન્ટરમાં રહેલો મોટાભાગનો સામાન બળીને ખાખ થઈ ગયો હતો. ઘટનાની જાણ થતાં ફાયર બ્રિગેડની ટીમ તાત્કાલિક સ્થળે પહોંચી પાણીનો મારો ચલાવી આગને કાબૂમાં લીધી હતી. હાલ આગ લાગવાનું ચોક્કસ કારણ અકબંધ છે અને સમગ્ર મામલે તપાસ શરૂ કરવામાં આવી છે.

વડોદરા: સમા તળાવ પાસે ગમખ્વાર અકસ્માતમાં સગીરનું મોત

વડોદરાના સમા તળાવ પાસે નવીન નિર્માણાધીન બ્રીજની બાજુના સર્વીસ રોડ પર ગમખ્વાર અકસ્માત સર્જાયો, જેમાં 15 વર્ષીય સગીરનું ઘટના સ્થળે જ મોત થયું. પોલીસને ઘટનાની જાણ થતાં સગીરનો મૃતદેહ પોસ્ટમોર્ટમ માટે ખસેડાયો છે. હાલ અકસ્માતનું સાચું કારણ શોધવા માટે પોલીસ દ્વારા કાર્યવાહી શરૂ કરવામાં આવી છે.

ગાંધીનગર: આજે CM ભૂપેન્દ્ર પટેલની અધ્યક્ષતામાં કેબિનેટ બેઠક

નૌસેનાને મળશે MH-60R ‘રોમિયો હેલિકોપ્ટરોનું બીજું સ્કવોડ્રન

ભારતીય નૌસેનાની શક્તિમાં વધારો થવા જઈ રહ્યો છે કારણ કે નૌસેનાને MH-60R ‘રોમિયો’ હેલિકોપ્ટરોનું બીજું સ્કવોડ્રન મળવાનું છે, જેને ગોવામાં INS હંસા ખાતે નૌસેનાને સમર્પિત કરવામાં આવશે; આ સાથે ભારતીય નૌકાદળની એકંદર ઉડ્ડયન ક્ષમતાઓમાં નોંધપાત્ર વધારો થશે અને દરિયામાં છુપાયેલી સબમરીનને શોધીને નષ્ટ કરવા સક્ષમ એવા અદ્યતન શસ્ત્રો, સેન્સર અને એવિઓનિક્સ સિસ્ટમ્સથી સજ્જ આ હેલિકોપ્ટર નૌસેનાં માટે અત્યંત ઉપયોગી સાબિત થશે.

છત્તીસગઢઃ શરાબ કૌભાંડમાં EDની મોટી કાર્યવાહી

છત્તીસગઢના શરાબ કૌભાંડ મામલે EDએ મોટી કાર્યવાહી કરતાં પૂર્વ CM ભૂપેશ બઘેલની પૂર્વ સેક્રેટરી સૌમ્યા ચૌરસિયાની ધરપકડ કરી છે; કલાકોની લાંબી પૂછપરછ બાદ EDએ આ કાર્યવાહી કરી હોવાનું સામે આવ્યું છે અને 3200 કરોડના શરાબ ગોટાળામાં સંડોવણીના આરોપ સાથે સૌમ્યાને આજે સવારે 11 વાગ્યે કોર્ટમાં રજૂ કરવામાં આવશે.

ઇથિયોપિયાના 2 દિવસના પ્રવાસે વડાપ્રધાન મોદી

ઇથિયોપિયાના 2 દિવસના પ્રવાસે ગયેલા વડાપ્રધાન મોદીનું ઇથિયોપિયાના નેશનલ પેલેસમાં ભવ્ય સ્વાગત કરવામાં આવ્યું હતું, જ્યાં તેમને દેશના સર્વોચ્ચ સન્માન ‘ગ્રેટ ઓનર નિશાન ઓફ ઇથિયોપિયા’થી સન્માનિત કરવામાં આવ્યા; આ સન્માન બદલ આભાર વ્યક્ત કરતાં PM મોદીએ કહ્યું કે પ્રાચીન સભ્યતા દ્વારા મળેલું આ સન્માન ગૌરવની બાબત છે અને “આ માત્ર મારું નહીં પરંતુ અખંડ ભારતનું સન્માન છે.”