08 જુલાઈના મહત્વના સમાચાર : સુરતમાં 12 કલાકમાં મેઘતાંડવ, 14 ઈંચ વરસાદથી જનજીવન અસ્તવ્યસ્ત
આજે 08 જુલાઈને બુધવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
સુરતમાં વરસાદી પાણીમાં 3 કલાક ફસાયેલા યુવકનું ફિલ્મી રેસ્ક્યુ
સુરતના ભરથાણા આઉટ ઓફ રિંગ રોડ વિસ્તારમાં વરસાદી પાણીના જોરદાર પ્રવાહમાં એક યુવક ત્રણ કલાકથી વધુ સમય સુધી ફસાઈ ગયો હતો. પાણીના પ્રવાહમાં તેની બાઈક અને બેગ તણાઈ ગયા હતા, જ્યારે યુવકે ફેન્સિંગના થાંભલાને પકડી રાખીને જીવ બચાવ્યો હતો. મોબાઇલની ફ્લેશલાઇટના આધારે તેની હાજરીની જાણ થતાં સેવાભાવી RD Group સેવા ટ્રસ્ટ ટ્રેક્ટર સાથે સ્થળે પહોંચ્યું અને દોરીની મદદથી સફળ રેસ્ક્યુ કરીને યુવકને સુરક્ષિત બહાર કાઢ્યો. યુવકે પોલીસ અને ફાયર વિભાગને ફોન કરવા છતાં સમયસર મદદ ન મળ્યાનો આક્ષેપ કર્યો હતો અને પોતાનો જીવ બચાવવા બદલ RD Group સેવા ટ્રસ્ટનો આભાર વ્યક્ત કર્યો.
-
સુરતમાં 12 કલાકમાં મેઘતાંડવ, 14 ઈંચ વરસાદથી જનજીવન અસ્તવ્યસ્ત
સુરતમાં માત્ર 12 કલાકમાં સરેરાશ 14 ઈંચ વરસાદ વરસતાં સમગ્ર શહેર બેહાલ બની ગયું છે. ભારે વરસાદને કારણે સર્જાયેલી વિવિધ દુર્ઘટનાઓમાં 9 લોકોએ જીવ ગુમાવ્યો છે. સરથાણા વિસ્તારમાં સૌથી વધુ 18.9 ઈંચ વરસાદ નોંધાયો, જ્યારે વરાછામાં 18.4 ઈંચ અને લિંબાયતમાં 16.9 ઈંચ વરસાદ ખાબક્યો. શહેરમાંથી પસાર થતી પાંચમાંથી ચાર ખાડીઓ ઓવરફ્લો થતાં અનેક વિસ્તારોમાં પાણી ભરાઈ ગયા છે. દુકાનો અને ઘરોમાં પાણી ઘૂસી જતાં લોકોને ભારે આર્થિક નુકસાન વેઠવાનો વારો આવ્યો છે.
-
-
મહુવામાં દીપડાનો આતંક યથાવત, 10 વર્ષના બાળકનો જીવ લીધો
ભાવનગર જિલ્લાના મહુવા તાલુકાના બાંભણિયા ગામમાં દીપડાએ 10 વર્ષના માસૂમ બાળક પર જીવલેણ હુમલો કરી તેનું મોત નિપજાવ્યું છે. ઘટનાથી સમગ્ર વિસ્તારમાં ભયનો માહોલ છવાઈ ગયો છે. મહુવા વિસ્તારમાં છેલ્લા બે મહિનામાં વન્ય પ્રાણીના હુમલાની આ ત્રીજી ઘટના છે. અગાઉ પણ દીપડાના હુમલામાં પાંચ વર્ષની બાળકી અને એક વ્યક્તિનું મોત થયું હતું, જેના કારણે સ્થાનિકોમાં વન વિભાગ સામે રોષ જોવા મળી રહ્યો છે.
-
દક્ષિણ ગુજરાતમાં મેઘતાંડવની શક્યતા, અનેક જિલ્લાઓમાં વરસાદનું એલર્ટ
હવામાન વિભાગે આજે દક્ષિણ ગુજરાત અને સૌરાષ્ટ્રના અનેક વિસ્તારોમાં ભારે વરસાદની આગાહી કરી છે. નવસારી અને ડાંગ જિલ્લામાં ઓરેન્જ એલર્ટ જાહેર કરવામાં આવ્યું છે, જ્યારે ભાવનગર, ભરૂચ, છોટાઉદેપુર, દાહોદ, સુરત, તાપી અને અમરેલી જિલ્લામાં યલો એલર્ટ આપવામાં આવ્યું છે. અમદાવાદમાં પણ વીજળીના કડાકા-ભડાકા સાથે વરસાદ વરસવાની શક્યતા વ્યક્ત કરવામાં આવી છે. સાથે જ 40થી 50 કિમી પ્રતિ કલાકની ઝડપે પવન ફૂંકાઈ શકે તેવી આગાહી હોવાથી લોકોને સાવચેતી રાખવા સૂચના આપવામાં આવી છે.
આજે 08 જુલાઈને બુધવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Jul 08,2026 7:45 AM
