07 મેના મહત્વના સમાચાર : વાવ થરાદના કોંગ્રેસનાં 3 નેતાઓ સામે નોંધાઇ પોલીસ ફરિયાદ,પોલીસકર્મીઓ સાથે ઝપાઝપી અને ગેરવર્તન કરવાનો આરોપ
આજે 07 મે અને ગુરુવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
અમદાવાદઃ જશોદાનગરમાંથી હથિયાર સાથે ઝડપાયો શખ્સ
અમદાવાદના Jashodanagar વિસ્તારમાંથી એલસીબીએ હથિયાર સાથે એક શખ્સની ધરપકડ કરી છે. પોલીસને મળેલી માહિતીના આધારે કાર્યવાહી કરતાં આરોપી પાસેથી એક પિસ્તોલ અને બે જીવતા કારતૂસ જપ્ત કરવામાં આવ્યા હતા. પ્રાથમિક તપાસમાં આરોપી હથિયાર લઈને ક્યાં જતો હતો અને તેનો ઉપયોગ કયા હેતુ માટે કરવાનો હતો તે અંગે પોલીસ વધુ તપાસ ચલાવી રહી છે. સમગ્ર મામલે આરોપીની પૂછપરછ શરૂ કરવામાં આવી છે અને હથિયાર ક્યાંથી મેળવાયું તે દિશામાં પણ તપાસ હાથ ધરાઈ છે.
-
વડોદરાઃ બાળક પર વાનરનો જીવલેણ હુમલો
Sayaji Baug Zooમાં એક બાળક પર વાનરે જીવલેણ હુમલો કરતા હાહાકાર મચી ગયો હતો. સુરતથી ફરવા આવેલા પરિવારનો બાળક આ હુમલાનો ભોગ બન્યો હતો. મળતી માહિતી મુજબ વાનરે બાળક અને તેની માતા પર અચાનક હુમલો કર્યો હતો, જેમાં બાળકને ગાલના ભાગે ગંભીર ઈજાઓ પહોંચી છે. ઇજાગ્રસ્ત બાળકને તાત્કાલિક સારવાર માટે ખસેડવામાં આવ્યો હતો અને હાલ તેની સારવાર ચાલી રહી છે. ઘટનાને પગલે ઝૂમાં સહેલાણીઓની સુરક્ષા સામે અનેક સવાલો ઊભા થયા છે. સમગ્ર મામલે ઝૂ તંત્ર અને વન વિભાગ હરકતમાં આવ્યા છે અને વાનરને પકડવા માટે અલગ અલગ ટીમો બનાવવામાં આવી છે.
-
-
વાવ થરાદ: કોંગ્રેસનાં 3 નેતાઓ સામે નોંધાઇ પોલીસ ફરિયાદ
Geniben Thakorના સમર્થનમાં વાવ-થરાદ વિસ્તારમાં ગઇકાલે કોંગ્રેસ દ્વારા રેલી યોજવામાં આવી હતી. આવેદનપત્ર આપવા આવેલા કોંગ્રેસી આગેવાનો અને પોલીસ વચ્ચે તણાવપૂર્ણ સ્થિતિ સર્જાઈ હતી, જેમાં પોલીસકર્મીઓ સાથે ઝપાઝપી અને ગેરવર્તન થયાનો આરોપ લગાવવામાં આવ્યો છે. આ મામલે કોંગ્રેસના ત્રણ નેતાઓ સામે પોલીસ ફરિયાદ નોંધાઈ છે. ફરિયાદમાં પોલીસની ફરજમાં અવરોધ ઉભો કરવો તેમજ મંજૂરી વગર રેલી યોજીને જાહેરનામાનો ભંગ કર્યાનો પણ ઉલ્લેખ કરવામાં આવ્યો છે.
આજે 07 મે અને ગુરુવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - May 07,2026 7:25 AM
