6 ફેબ્રુઆરીના મહત્વના સમાચાર: અરબી સમુદ્રમાં કુવૈતથી આવી રહેલી બોટને મુંબઈ પોલીસે પકડી પાડી
આજ 06 ફેબ્રુઆરીના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના અપડેટ્સ મેળવવા માટે આ પેજને સતત રિફ્રેશ કરતા રહો..
![6 ફેબ્રુઆરીના મહત્વના સમાચાર: અરબી સમુદ્રમાં કુવૈતથી આવી રહેલી બોટને મુંબઈ પોલીસે પકડી પાડી](https://images.tv9gujarati.com/wp-content/uploads/2024/02/Breaking-News.jpg?w=1280)
આજે 6 ફેબ્રુઆરીએ વડાપ્રધાન નરેન્દ્ર મોદી ગોવામાં ભારત ઉર્જા સપ્તાહ 2024નું ઉદ્ઘાટન કરશે અને 1350 કરોડ રૂપિયાથી વધારેની અલગ અલગ પરિયોજનાઓની આધારશિલા મુકશે, તેની સાથે જ NITનું સ્થાયી પરિસર દેશને સમર્પિત કરશે. વડાપ્રધાન વિકસિત ભારત, વિકસિત ગોવા 2047 કાર્યક્રમને પણ સંબોધિત કરશે. ઉત્તરાખંડ વિધાનસભામાં યૂસીસી બિલ રજૂ થશે. ધામી કેબિનેટે રવિવારે આ બિલને મંજૂરી આપી દીધી હતી. દેશ અને દુનિયા સાથે જોડાયેલા દરેક મોટા સમાચારની અપડેટ અહીં વાંચો…
LIVE NEWS & UPDATES
-
તેજા સજ્જાના ‘હનુમાન’ એ આખી દુનિયામાં મચાવી હલચલ
તેજા સજ્જાની ‘હનુમાન’ બોક્સ ઓફિસ પર રાજ કરી રહી છે. માત્ર 25 દિવસમાં આ તસવીરે ઈતિહાસ રચીને 300 કરોડની ક્લબમાં એન્ટ્રી કરી લીધી છે. આ સાથે આ ફિલ્મ વર્ષ 2024ની પહેલી બ્લોકબસ્ટર ફિલ્મ પણ બની ગઈ છે. 25 કરોડના બજેટમાં બનેલી આ ફિલ્મને દર્શકોનો સારો પ્રતિસાદ મળી રહ્યો છે.
-
સરકારે કિંમતોને કાબૂમાં રાખવાનો જણાવ્યો માસ્ટર પ્લાન
આ વર્ષે લોકસભાની ચૂંટણી યોજાવાની છે. આ સંદર્ભે, સરકાર દેશમાં મોંઘવારી પર શક્ય તેટલી વહેલી તકે અંકુશ લાવવા માટે દરેક શક્ય રીતે પ્રયાસ કરી રહી છે. હાલમાં જ નાણામંત્રી નિર્મલા સીતારમણે આ અંગે પોતાનું નિવેદન જાહેર કર્યું છે. આવો જાણીએ કે દેશમાં ડુંગળીના ભાવને અંકુશમાં લેવા માટે સરકાર શું પગલાં લીધા.
-
-
હરદા ફટાકડા ફેક્ટરી બ્લાસ્ટ: મુખ્ય આરોપી પિતા-પુત્રની ધરપકડ
હરદા ફટાકડા ફેક્ટરી બ્લાસ્ટ કેસમાં મધ્યપ્રદેશ પોલીસને મોટી સફળતા મળી છે. પોલીસે રાજગઢ જિલ્લાના સારંગપુર હાઈવે પર ફટાકડાના કારખાનાના માલિક અને મુખ્ય આરોપી પિતા-પુત્ર રાજેશ અગ્રવાલ અને સોમેશ અગ્રવાલની ધરપકડ કરી છે. બંને કારમાં દિલ્હી તરફ ભાગી રહ્યા હતા.
-
UPA સરકારની આર્થિક નિષ્ફળતાઓની પોલ ખોલશે મોદી સરકાર
મોદી સરકાર એવા સમયે શ્વેતપત્ર લઈને આવી રહી છે જ્યારે વડાપ્રધાન નરેન્દ્ર મોદીએ સંસદમાં રાષ્ટ્રપતિના અભિભાષણ પર આભાર પ્રસ્તાવ પર ચર્ચા દરમિયાન કોંગ્રેસના વંશવાદ પર નિશાન સાધ્યું હતું. તેમણે કહ્યું કે માત્ર દેશ જ નહીં પરંતુ પાર્ટીના ઘણા નેતાઓ પણ કોંગ્રેસના વંશવાદથી પીડિત છે. તેના પરિણામો આજે દેશ ભોગવી રહ્યો છે.
-
મુન્દ્રા પોર્ટ પરથી ઝડપ્યો 5.71 કરોડનો દાણચોરીનો સોપારીનો જથ્થો
કચ્છના મુન્દ્રા પોર્ટ પર બેઝ ઓઈલની આડમાં લવાતા ગેરકાયદેસર સોપારીના જથ્થાનો પર્દાફાશ થયો છે. યુએઈથી મુન્દ્રા પોર્ટ પર સોપારી મોકલવામાં આવી હતી. 738 ડ્રમમાંથી 658 ડ્રમમાં સોપારી અને 80 ડ્રમમાં બેઝ ઓઈલ હતું. આ સોપારીનો જથ્થો DRIએ ઝડપી પાડ્યો છે.
-
-
સવારે 10 વાગ્યે ED પર વધુ એક મોટો ખુલાસો થશેઃ મંત્રી આતિષી
દિલ્હી સરકારના મંત્રી આતિશીએ સોશિયલ મીડિયા પર એક પોસ્ટમાં ED પર વધુ એક મોટો ખુલાસો કરવાનો દાવો કર્યો છે. આતિશીએ કહ્યું કે સવારે 10 વાગ્યે EDમાં મોટો ખુલાસો થશે. આજે પણ આતિશીએ ED પર સીસીટીવી વીડિયોના ઓડિયો સાથે ચેડા કરવાનો આરોપ લગાવ્યો હતો.
-
એનર્જી સેક્ટરનો કિંગ બનશે ભારત
વિશ્વનો ત્રીજો સૌથી મોટો ઉર્જા ઉપભોક્તા ભારત તેની 85 ટકા જરૂરિયાતો આયાત દ્વારા પૂરી કરે છે, પરંતુ સરકાર આ આયાત ઘટાડવા માટે સ્થાનિક ઉત્પાદન વધારવા માંગે છે. આ સંદર્ભે વડા પ્રધાન નરેન્દ્ર મોદીએ મંગળવારે તેલ અને ગેસ કંપનીઓના ઉચ્ચ સ્તરીય અધિકારીઓ સાથે બેઠક યોજી હતી.
-
અમદાવાદના વધુ બે સ્લમ વિસ્તારોની થશે કાયાપલટ
અમદાવાદ મ્યુનિસિપલ કોર્પોરેશન દ્વારા શહેરમાં રહેતા ગરીબ લોકો પણ પાકા મકાનમાં રહી શકે તે માટે અનેક વિસ્તારોની કાયાપલટ કરવાની કામગીરી હાથ ધરવામાં આવી છે. રીડેવલમેન્ટનું કાર્ય પૂર્ણ થતાં આ વિસ્તારના ગરીબ લોકોને સારી સુવિધાઓ સાથેનું પાકું મકાન મળશે.
-
અરબી સમુદ્રમાંથી કુવૈત આવી રહેલી બોટને મુંબઈ પોલીસે પકડી પાડી
અરબી સમુદ્રમાંથી મુંબઈ આવી રહેલી બોટને મુંબઈ પોલીસે પકડી લીધી છે. આ બોટ કુવૈતની હોવાનું કહેવાય છે, જેમાં ત્રણ દક્ષિણ ભારતીયો સવાર હતા. પોલીસ તેમની પૂછપરછમાં વ્યસ્ત છે. બોટમાં સવાર ભારતીયોના જણાવ્યા મુજબ તે નોકરી માટે કુવૈત ગયો હતો, પરંતુ પૈસા ન મળવાના કારણે તે બોટ દ્વારા પરત ફરી રહ્યો હતો.
-
ઈશા દેઓલના ડિવોર્સના સમાચારને લઈ મચ્યો હડકંપ
ધર્મેન્દ્ર અને હેમા માલિનીની પુત્રી ઇશા દેઓલ છેલ્લા કેટલાક દિવસોથી તેના અંગત જીવનમાં ચાલી રહેલા ગરબડને કારણે ચર્ચામાં છે. તાજેતરમાં, ઇન્ટરનેટ પર તેના અને ભરત તખ્તાનીના અલગ થવાના અહેવાલો આવ્યા હતા, પરંતુ બંનેમાંથી કોઈએ કોઈ પ્રતિક્રિયા આપી ન હતી. ફરી એકવાર ઇશા દેઓલ તેના લગ્ન જીવનને લઈને ચર્ચામાં છે. બોલિવૂડ વર્તુળોમાં એવી ચર્ચા છે કે એશા દેઓલ તેના પતિ ભરત તખ્તાનીથી અલગ થઈ ગઈ છે. સોશિયલ મીડિયા પર એવો પણ દાવો કરવામાં આવી રહ્યો છે કે ઈશા અને ભરત તખ્તાની વચ્ચે બધુ બરાબર નથી.
-
ચૂંટણી પંચનો શરદ પવારને ફટકો, અજીત જૂથને માની સાચી NCP
શરદ પવારને ચૂંટણી પંચ તરફથી મોટો ઝટકો લાગ્યો છે. કારણ કે, ચૂંટણી પંચે અજીતના જૂથને અસલી એનસીપી જાહેર કરી દીધું છે. ચૂંટણી પંચે કહ્યું કે તમામ પુરાવાઓને ધ્યાનમાં રાખીને આ નિર્ણય લેવામાં આવ્યો છે. ચૂંટણી પંચનું કહેવું છે કે અજિત પવાર જૂથને NCPનુ નામ અને ચૂંટણી ચિન્હનો ઉપયોગ કરવાનો અધિકાર છે.
-
ભારત-મ્યાનમાર બોર્ડર પર ફેન્સીંગ થશે, ગૃહમંત્રી અમિત શાહે આપી માહિતી
ભારત-મ્યાનમાર સરહદના 1600 કિલોમીટરથી વધુ વિસ્તારમાં કાંટાળી વાડ લગાવવામાં આવશે, ગૃહમંત્રી અમિત શાહે સોશિયલ મીડિયા પર આ માહિતી આપી છે. જણાવવામાં આવ્યું છે કે આ યોજનાને પાયલોટ પ્રોજેક્ટ તરીકે શરૂ કરવામાં આવી છે. જો 10 કિલોમીટરની મર્યાદા પરનો પાયલોટ પ્રોજેક્ટ સફળ થશે તો યોજના જલદીથી પૂર્ણ કરાશે.
“The Modi government is committed to building impenetrable borders. It has decided to construct a fence along the entire 1643-kilometer-long Indo-Myanmar border…”, says Union Home Minister Amit Shah. pic.twitter.com/rvxHK2MIsI
— ANI (@ANI) February 6, 2024
-
જેલમાં કેદ JDU MLC રાધાચરણ સેઠની રૂ. 26.19 કરોડની ગેરકાયદેસર સંપત્તિ જપ્ત
અપ્રમાણસર સંપત્તિના કેસમાં બેઉર જેલમાં કેદ JDU MLC રાધાચરણ સેઠની મુશ્કેલીઓમાં વધુ વધારો થયો છે. એન્ફોર્સમેન્ટ ડિરેકટોરેટે રાધાચરણની 26.19 કરોડ રૂપિયાની ગેરકાયદેસર સંપત્તિ જપ્ત કરી છે. રેતીના ગેરકાયદે ખનન અને ધંધામાં બ્રોડસન કંપની સંબંધિત કેસની તપાસમાં આ કાર્યવાહી કરવામાં આવી છે. એન્ફોર્સમેન્ટ ડિરેક્ટોરેટ (ED)ની તપાસ રેતીના ગેરકાયદે ખનન અને રેતી ઘાટના કોન્ટ્રાક્ટ સંબંધિત કરોડો રૂપિયાની ગેરરીતિના કેસમાં ચાલી રહી છે.
-
હરદા વિસ્ફોટમાં 11ના મોત, મૃત્યુઆંક હજુ પણ વધે તેવી સંભાવના
મધ્યપ્રદેશમાં હરદા ફટાકડા ફેક્ટરી અકસ્માતમાં અત્યાર સુધીમાં કુલ 11 લોકોના મોત થયા છે. આ ગમખ્વાર દુર્ઘટનાને લઈને જરૂરી માહિતી માટે સ્થળ પર હેલ્પડેસ્ક બનાવવામાં આવ્યું છે. વેરહાઉસમાં આગ હજુ પણ ભભૂકી રહી છે, માત્ર બે વેરહાઉસની આગને કાબૂમાં લેવામાં આવી છે. માનવામાં આવી રહ્યું છે કે અકસ્માતમાં મૃત્યુઆંક હજુ વધી શકે છે.
-
રાજ્યસભાની કાર્યવાહી એક દિવસ માટે લંબાવાઈ
રાજ્યસભાની કાર્યવાહી એક દિવસ માટે લંબાવવામાં આવી છે. બિઝનેસ એડવાઇઝરી કમિટીની મળેલી બેઠકમાં નિર્ણય લેવામાં આવ્યો હતો કે, રાજ્યસભાની બેઠક પણ 10 ફેબ્રુઆરીને શનિવારે મળશે. એવું કહેવામાં આવી રહ્યું છે કે, રાજ્યસભાનું ઘણું કામ બાકી રહ્યું હોવાથી તેને એક દિવસ માટે લંબાવવામાં આવ્યું છે.
-
મોરબીના હળવદના કોયબા પાસે ટ્ર્ક-એસટી બસ વચ્ચે એકસ્માત થતા બસ પલટી, 10 મુસાફરો ઈજાગ્રસ્ત
મોરબીના હળવદના કોયબા ગામના પાટીયા નજીક એસટી બસનો અકસ્માત થતા પલટી ગઈ હતી. ટ્રક અને બસ વચ્ચે ટક્કર થતા એસટી બસ પલટી ગઇ હતી. મોરબી-સંતરામપુર-ઝાલોદ રુટની બસને નડ્યો અકસ્માત છે. 16 જેટલા પેસેન્જર ભરેલી એસટી બસ પલટી જતા 10 જેટલા મુસાફરોને નાનીમોટી ઇજા થવા પામી છે.
-
જાહેર સ્થળોએ ગેરકાયદે બંધાયેલા ધાર્મિક સ્થાનો મુદ્દે ગૃહ સચિવે કરેલા સોગંદનામાંને લઈને હાઈકોર્ટ નારાજ
રાજ્યમાં જાહેર સ્થળો પર અનઅધિકૃત રીતે બંધાયેલા ધાર્મિક સ્થાનોનો વિવાદ મુદ્દે હાઈકોર્ટે ગૃહ સચિવે કરેલા સોગંદનામાં પર હાઇકોર્ટે સખત નારાજગી વ્યક્ત કરી છે. રાજ્યમાં જાહેર સ્થળો પર અનઅધિકૃત રીતે બંધાયેલા ધાર્મિક સ્થાનોમાંથી માત્ર 23.33 % બાંધકામો જ દૂર કરાયા છે. હજુ પણ જાહેર સ્થળો પર મોટી સંખ્યામાં અને અધિકૃત બાંધકામ વાળા ધાર્મિક સ્થાનો યથાવત હોવાનું કોર્ટે નોંધ્યું છે. સરકારે નીતિ વિષયક નિર્ણય લીધા બાદ પણ કોઈ નક્કર પગલાં નહીં લીધા હોવાનું પણ કોર્ટે નોંધ્યું હતું.
રાજ્યમાં જાહેર સ્થળ ઉપર બંધાયેલા અનધિકૃત બાંધકામોને સ્વૈચ્છિક રીતે દૂર નહીં કરાય તો સરકાર માલિકી હકની ખરાઈ કર્યા બાદ અને નોટિસ આપ્યા બાદ આવા અનઅધિકૃત બાંધકામો દૂર કરશે એવો સરકારે લીધો હતો નિર્ણય. રાજ્ય સરકારે કોર્ટમાં કરેલા સોગંદનામાં રજૂ થઈ વિગતો પ્રમાણે રાજ્યમાં 13,900 થી વધુ અનઅધિકૃત ધાર્મિક સ્થાનો છે.
27 ફેબ્રુઆરી સુધીમાં હાલમાં જાહેર સ્થળ ઉપર ગેરકાયદેસર બંધાયેલા ધાર્મિક સ્થળોનું સંપૂર્ણ રિપોર્ટ રજૂ કરવા હાઇકોર્ટનો ગૃહ સચિવને આદેશ કરાયો છે. વર્ષ 2006 માં સુપ્રીમ કોર્ટે કરેલા આદેશ પ્રમાણે જાહેરસ્થાન ઉપર અનઅધિકૃત બાંધકામો દૂર કરવા માટે તમામ રાજ્ય સરકારોએ પગલાં લેવાના રહેશે એવો કરાયો હતો હુકમ.
-
2014 પહેલા દેશના પ્રવાસન સ્થળો અજાણ હતા, અમે આ ખામીઓ દૂર કરી: PM મોદી
ગોવામાં પીએમ મોદીએ કહ્યું કે, ભારત હંમેશા પ્રકૃતિ, સંસ્કૃતિ અને વારસાની દ્રષ્ટિએ સમૃદ્ધ રહ્યું છે. ભારતમાં દરેક પ્રકારનું પ્રવાસન એક દેશમાં ઉપલબ્ધ છે. 2014 પહેલા દેશમાં જે સરકાર હતી તેણે આ બધા પર ધ્યાન આપ્યું ન હતું. અગાઉની સરકારો પાસે પ્રવાસન સ્થળો અને ટાપુઓના વિકાસ માટે કોઈ વિઝન નહોતું. સારા રસ્તાઓ, ટ્રેનો અને એરપોર્ટના અભાવે ઘણા પ્રવાસન સ્થળો અજાણ્યા રહ્યા. “છેલ્લા 10 વર્ષોમાં, અમે આ બધી ખામીઓને દૂર કરવાનો પ્રયાસ કર્યો.”
-
PM મોદી એ વ્યક્ત કર્યું દુઃખ, મૃતકોના પરિવારજનને 2 લાખ રૂપિયાની મદદની કરી જાહેરાત
પીએમ નરેન્દ્ર મોદીએ પણ હરદામાં થયેલા અકસ્માત પર શોક વ્યક્ત કર્યો છે. PMOએ કહ્યું કે PM નરેન્દ્ર મોદીએ કહ્યું, “મધ્ય પ્રદેશના હરદામાં ફટાકડાની ફેક્ટરીમાં થયેલા અકસ્માતને કારણે થયેલા જાનહાનિથી હું દુખી છું. તેમના પ્રિયજનોને ગુમાવનારા તમામ લોકો પ્રત્યે સંવેદના. જેઓ ઘાયલ થયા છે તેઓ જલદીથી સાજા થાય. સ્થાનિક વહીવટીતંત્ર તમામ અસરગ્રસ્તોને મદદ કરી રહ્યું છે. દરેક મૃતકના નજીકના સંબંધીઓને PMNRF તરફથી 2 લાખ રૂપિયા આપવામાં આવશે. ઘાયલોને પચાસ હજાર રૂપિયા આપવામાં આવશે.
-
પુણેમાં 11 માળની બિલ્ડીંગના એક એપાર્ટમેન્ટમાં આગ ફાટી નીકળી
મહારાષ્ટ્રના પુણે શહેરના મોહમ્મદી વિસ્તારમાં 11 માળની ઇમારતના એક એપાર્ટમેન્ટમાં આગ લાગી હતી. આગ પર કાબૂ મેળવવા માટે 5 ફાયર ટેન્ડર ઘટનાસ્થળે હાજર છે. ઘટના સંબંધિત વધુ માહિતીની હજુ રાહ જોવાઈ રહી છે.
-
PM મોદીએ ગોવાને 1330 કરોડ રૂપિયાના વિકાસકાર્યોની આપી ભેટ
વડાપ્રધાન નરેન્દ્ર મોદીએ જાહેર કાર્યક્રમ – ‘વિકસિત ભારત, વિકસિત ગોવા 2047’ હેઠળ રૂ. 1330 કરોડથી વધુના પ્રોજેક્ટનું ઉદ્ઘાટન અને શિલાન્યાસ કર્યું. તેમણે કહ્યું કે થોડા સમય પહેલા ગોવાના વિકાસ માટે 1,300 કરોડ રૂપિયાની યોજનાઓનું ઉદ્ઘાટન અને શિલાન્યાસ કરવામાં આવ્યો હતો. શિક્ષણ, આરોગ્ય અને પ્રવાસન સંબંધિત આ પ્રોજેક્ટ્સ ગોવાના વિકાસને વધુ વેગ આપશે.
-
અમદાવાદના આ ઝુપડપટ્ટી વિસ્તારની થશે કાયાપલટ
અમદાવાદમાં હોલિવુડના નામથી જાણીતા સ્લમ વિસ્તારની કાયાપલટ થવા જઇ રહી છે.આ વિસ્તારને ઝુપડપટ્ટીમાંથી બદલી દેવામાં આવશે અને તેનો વિકાસ કરવામાં આવશે. આ કામ માટે એક મોટી કંપનીને કરોડો રુપિયાનું ટેન્ડર પણ આપી દેવામાં આવ્યું છે.
-
રાહુલ ગાંધીએ કહ્યું, ‘PM મોદીએ જલ્દી દેશમાં જાતિ ગણતરી કરાવવી જોઈએ
કોંગ્રેસના સાંસદ રાહુલ ગાંધીએ કહ્યું છે કે, વડાપ્રધાન નરેન્દ્ર મોદી ક્યારેક પોતાને ઓબીસી કહે છે, અને પછી કહે છે કે ઓબીસીમાં માત્ર ગરીબ જાતિઓ છે. પીએમ પોતાની મૂંઝવણ દૂર કરે. તેમને જે કહેવું હોય તે કહે, પરંતુ દેશમાં જાતિગણતરી ઝડપથી કરાવો.
-
ઈન્દોર-ભોપાલથી ફાયર બ્રિગેડના વાહનોની સુવિધા કરી રહ્યા છે
ઈન્દોર અને ભોપાલથી ફાયર બ્રિગેડના વાહનો મોકલવામાં આવી રહ્યા છે અને રાહત કામગીરી માટે સિનિયર અધિકારીઓને સૂચના આપવામાં આવી છે.
-
સીએમ મોહન યાદવે હોસ્પિટલોમાં તૈયારી કરવા કહ્યું
મધ્યપ્રદેશના મુખ્યમંત્રી ડો. મોહન યાદવે આ ઘટનાની તાત્કાલિક નોંધ લેતા મંત્રી ઉદય પ્રતાપ સિંહ, એસીએસ અજીત કેસરી, ડીજી હોમગાર્ડ અરવિંદ કુમારને હેલિકોપ્ટર દ્વારા હરદા જવાનો નિર્દેશ આપ્યો છે. તે જ સમયે ભોપાલ અને ઈન્દોરમાં મેડિકલ કોલેજો, ભોપાલમાં એઈમ્સ અને બર્ન યુનિટને પણ જરૂરી તૈયારીઓ કરવાનો નિર્દેશ આપવામાં આવ્યો છે.
-
માંડલમાં અંધાપા કાંડનો મામલો, દર્દીઓ વતી સંયુક્ત ફરિયાદ કરાઇ
- આખરે માંડલ પોલીસ મથકમાં ડોક્ટર સહિત મેડિકલ સ્ટાફ અને ટ્રસ્ટીઓ સહિત 11 લોકો સામે નામજોગ ફરિયાદ દાખલ
- તમામ ભોગ બનનારા દર્દીઓ વતી સંયુક્ત ફરિયાદ કરાઇ
- ફરીયાદ બાદ પોલીસે ડોક્ટર ટીમ સહિત ટ્રસ્ટીઓ સામે અટકાયત કરવા તપાસનો ધમધમાટ શરૂ કર્યો
- માંડલ પોલીસ મથકમાં IPC કલમ 337 ,338, 114 હેઠળ ગુન્હો દાખલ થયો છે
-
સુરત : પાન પડીકી ખાવાના શોખીનો સાવચેત રહેજો… ગમેત્યાં પીચકારી મારી તો દંડ ભરવો પડશે
સુરત : તમે ઘણીવાર જોયું હશે કે… બાઈક પર બેસીને રસ્તા પર જતા હોવ અને આગળ જતી કારનો દરવાજો ખુલે એમાંથી પીચકારી મારે પછી ધડામ દઈને દરવાજો બંધ થઈ જાય છે. ઘણીવાર આગળની બાઈકવાળો, રીક્ષાવાળો બહાર ડોકું કાઢીને માવાની પીચકારી મારીને બિન્દાસ જતો રહે છે.
-
અંડર 19 વર્લ્ડ કપ : ભારતીય ટીમે ટોસ જીતીને બોલિંગ પસંદ કરી
આજે અંડર-19 વર્લ્ડ કપમાં ભારત અને દક્ષિણ આફ્રિકા વચ્ચે પ્રથમ સેમિફાઇનલ મેચ રમાઈ રહી છે. ટીમ ઈન્ડિયાનું અત્યાર સુધીનું પ્રદર્શન શાનદાર રહ્યું છે. આ સમગ્ર ટૂર્નામેન્ટમાં ટીમ અજેય રહી છે અને છેલ્લી સતત પાંચ મેચ જીતી છે. દક્ષિણ આફ્રિકાએ આ ટૂર્નામેન્ટમાં પાંચમાંથી ચાર મેચ જીતી છે. ટીમ ઈન્ડિયાએ સેમિફાઈનલમાં ટોસ જીતીને બોલિંગ પસંદ કરી છે.
-
ગાંધીનગર : PM લોકસભા ચૂંટણી પહેલા ગુજરાતની વિધાનસભા સાથે કરશે સીધો સંવાદ
- 10 ફેબ્રુઆરી એ PM વર્ચ્યુઅલી જોડાશે
- રાજ્ય સરકારએ કર્યું છે મોટાપાયે આયોજન
- બનાસકાંઠામાં 70,000 લાભાર્થી રહેશે ઉપસ્થિત
- પ્રધાનમંત્રી આવાસ યોજના હેઠળ લાભાર્થીઓ સાથે કરશે સંવાદ
-
MP : હરદામાં ફટાકડાની ફેક્ટરીમાં આગ સાથે વિસ્ફોટ, 25 લોકો દાઝી ગયા, ઘણા ફસાયા હોવાની આશંકા
મધ્યપ્રદેશના હરદામાં એક ફટાકડાની ફેક્ટરીમાં જોરદાર વિસ્ફોટ થયો છે. ફેક્ટરીમાં સમયાંતરે અનેક વિસ્ફોટ થઈ રહ્યા છે, જેના કારણે ઉંચી જ્વાળાઓ વધી રહી છે. તેમાં 25 લોકો દાઝી ગયાની આશંકા છે. હરદાની ઘટનાને લઈને CM બેઠક કરે તેવી ચર્ચા છે.
Massive fire broke out after a blast at an illegal firecracker factory in #MadhyaPradesh‘s #Harda#TV9News pic.twitter.com/qe8EnKHqMc
— Tv9 Gujarati (@tv9gujarati) February 6, 2024
(credit Sourec : @tv9gujarati)
-
પશ્ચિમ બંગાળમાં UCC લાગુ કરવામાં આવશે નહીં: TMC સાંસદ
તૃણમૂલ કોંગ્રેસના સાંસદ સૌગત રાયે કહ્યું છે કે, તેઓ ભાજપ શાસિત રાજ્યોમાં UCC લાગુ કરી શકે છે, પરંતુ પશ્ચિમ બંગાળમાં તેનો અમલ કરવામાં આવશે નહીં.
-
અમદાવાદ મનપાનું વર્ષ 2024-25નું બજેટ થયું રજૂ
- એડવાન્સ પ્રોપર્ટી ટેક્સ ભરનારને રિબેટની જોગવાઈ
- નવા વિસ્તારોમાં પ્રોપર્ટી ટેક્સમાં રાહત અપાશે
- ઇલેક્ટ્રિક વાહનોના વેરામાં ૧૦૦ ટકા રાહતની જાહેરાત
- કઠવાડામાં ૪૫ કરોડના ખર્ચે ગૌશાળા બનાવાશે
- રિવરફ્રન્ટ ખાતે ફાયર ચોકી બનાવવામાં આવશે
- રાજપથ ક્લબથી બોપલને જોડતા અંડર પાસ બ્રિજ બનાવવાનું આયોજન
- ફિઝિબિલિટી રિપોર્ટ માટે બજેટમાં જોગવાઈ
- 20 કરોડના ખર્ચે લોટસ ગાર્ડન બનાવવામાં આવશે
-
MP: હરદામાં ફટાકડાની ફેક્ટરીમાં આગ બાદ વિસ્ફોટ
મધ્યપ્રદેશના હરદામાં એક મોટી ઘટના સામે આવી છે. અહીં ફટાકડાની ફેક્ટરીમાં આગ લાગ્યા બાદ જોરદાર વિસ્ફોટ થયા છે. ભૂકંપ જેવા આંચકા 2-3 કિલોમીટરના અંતર સુધી અનુભવાયા હતા.
-
રખડતાં શ્વાનનો વધ્યો આતંક, દરરોજ 30 થી વધુ લોકો હુમલાનો શિકાર બને
સુરતમાં દિવસે દિવસે રખડતા શ્વાનનો ત્રાસ વધી રહ્યો છે. રસ્તે જતા રાહદારીઓ રખડતા શ્વાનનો શિકાર બની રહ્યા છે.સુરતની સિવિલ હોસ્પિટલમાં દૈનિક 100થી 120 શ્વાન કરડવાના કેસ નોંધાઇ રહ્યા છે. અચાનક જ રસ્તે જતા રાહદારીઓ પર શ્વાન ત્રાટકે છે અને કેટલાક કિસ્સાઓમાં જીવલેણ હુમલો પણ થાય છે.
-
નવસારી : નોનવેજ શોપમાં દારૂનો વેપલો કરતો હોમગાર્ડ પકડાયો
નવસારી : જલાલપોરના વેસ્મા રોડ પર ચોખડ પાટિયા પાસે નોનવેજ શોપમાં દારૂનો વેપલો કરતો હોમગાર્ડ પકડાયો છે. સ્ટેટ મોનિટરીંગ સેલની રેડમાં નોનવેજ શોપમાં મુકેલા થેલામાંથી 10,120 રૂપિયાનો વિદેશી દારૂ કબ્જે કરવામાં આવ્યો છે.
-
ગોવા: PMએ ONGC સી સર્વાઈવલ સેન્ટરનું ઉદ્ઘાટન કર્યું
વડાપ્રધાન નરેન્દ્ર મોદીએ ગોવાના બેતુલમાં ONGC સી સર્વાઈવલ સેન્ટરનું ઉદ્ઘાટન કર્યું.
-
EDના 12થી વધુ સ્થળો પર દરોડા
- EDએ 12થી વધારે સ્થળો પર પાડી રેડ
- દિલ્હી, ચંદીગઢ અને વારાણસીમાં રેડ
- AAPના કેટલાક નેતાઓને ત્યાં પાડી છે રેડ
- કેજરીવાલના અંગત સચિવ બિભવ કુમારને ત્યાં પણ પડી છે રેડ
-
લોકસભા ચૂંટણીમાં ભાજપ હારશે, જોરદાર સામનો કરશું – પ્રમોદ તિવારી
કોંગ્રેસ નેતા પ્રમોદ તિવારીએ કહ્યું છે કે, લોકસભાની ચૂંટણી આવી રહી છે અને મોદીજીની પાર્ટી હારી જવાની છે. તેઓએ ED અને CBIને કામે લગાડ્યા છે, પરંતુ કોંગ્રેસ ન તો ડરશે કે ન તો હારશે. અમે બહાદુરીથી લડીશું.
-
દિલ્હી જલ બોર્ડ કૌભાંડમાં EDએ AAP નેતાઓના ઘરો પર દરોડા પાડ્યા – સૂત્રો
EDએ આમ આદમી પાર્ટીના નેતાઓ પર દરોડા પાડ્યા છે. સૂત્રોના જણાવ્યા અનુસાર તાજેતરમાં જ ઈડીએ આ મામલામાં તત્કાલીન જળ બોર્ડના અધ્યક્ષ જગદીશ કુમાર અરોરાની પણ ધરપકડ કરી હતી. વાસ્તવમાં, EDનો આરોપ છે કે એક ખાનગી કંપની NKG ઈન્ફ્રાસ્ટ્રક્ચર લિમિટેડને 38 કરોડ રૂપિયાથી વધુનો કોન્ટ્રાક્ટ આપવામાં આવ્યો હતો. આ કંપની આ કરાર માટે માન્ય ન હતી. આરોપ છે કે જગદીશ કુમારે 3 કરોડ રૂપિયાની રોકડ લાંચ લીધી હતી. જગદીશની પૂછપરછ બાદ આ દરોડો પાડવામાં આવી રહ્યો છે.
-
અરુણાચલના CM પેમા ખાંડુ આજે રામલલાના દર્શન કરશે
અરુણાચલ પ્રદેશના મુખ્યમંત્રી પેમા ખાંડુ તેમના કેબિનેટ સાથીદારો અને અન્ય અધિકારીઓ સાથે આજે ઉત્તર પ્રદેશના અયોધ્યામાં રામ મંદિરની મુલાકાત લેશે.
-
વારાણસીઃ ભક્તો જ્ઞાનવાપી પરિસરમાં પૂજા કરવા પહોંચ્યા
વારાણસીમાં ભક્તો જ્ઞાનવાપી પરિસરમાં પૂજા કરવા પહોંચ્યા હતા. પરિસરની બહાર ચુસ્ત સુરક્ષા વ્યવસ્થા કરવામાં આવી છે. અલ્હાબાદ હાઈકોર્ટ આજે જ્ઞાનવાપીમાં પૂજાની પરવાનગી આપવા સામે મુસ્લિમ પક્ષ દ્વારા દાખલ કરવામાં આવેલી અરજી પર સુનાવણી કરશે.
-
ત્રીજી ટેસ્ટ પહેલા મોટા સમાચાર, રાજકોટ ક્રિકેટ સ્ટેડિયમને મળશે નવું નામ
હાલ સૌરાષ્ટ્ર ક્રિકેટ એસોસિએશન સ્ટેડિયમ ખાતે મેચો રમાય છે. ભારત અને ઈંગ્લેન્ડ વચ્ચે ત્રીજી ટેસ્ટ રાજકોટના સ્ટેડિયમમાં બદલાયેલા નામ સાથે યોજાઈ શકે છે. સ્ટેડિયમનું નામ જાણીતા ક્રિકેટ એડમિનિસ્ટ્રેટરના નામ પર રાખવામાં આવશે.
-
જ્ઞાનવાપી પર આજે 2 કેસ પર સુનાવણી હાથ ધરવામાં આવશે
જ્ઞાનવાપી પરના બે કેસ અંગે આજે કોર્ટમાં સુનાવણી થશે. વ્યાસજીના ભોંયરામાં પૂજા કરવા સામે મુસ્લિમ પક્ષની અરજી પર હાઈકોર્ટ પોતાનો ચુકાદો આપશે. રાખી સિંહે એએસઆઈને બાકીના બેઝમેન્ટના સર્વેની માંગ કરતી અરજી દાખલ કરી છે.
-
ધામી સરકાર આજે ઉત્તરાખંડ વિધાનસભામાં UCC બિલ રજૂ કરશે
ઉત્તરાખંડની પુષ્કર સિંહ ધામી સરકાર આજે રાજ્ય વિધાનસભામાં UCC બિલ રજૂ કરશે.
-
ગાંધીનગર : બીજેપીના પૂર્વ ધારાસભ્ય કરશે ઘરવાપસી, બપોરે 3 વાગે કરશે કેસરિયા
- હર્ષદ વસાવા કરશે ઘર વાપસી
- આજે કમલમ ખાતે ભાજપ પ્રદેશ પ્રમુખ સી આર પાટિલના હસ્તે કરશે કેસરિયા
- ગયા ચૂંટણીમાં ટિકિટ નહિ મળતા લડ્યા હતા અપક્ષ ચૂંટણી
- ગઈ ચૂંટણીમાં હર્ષદ વસાવાની નાંદોદ બેઠક પર થઈ હતી હાર
- તેમની સાથે અન્ય સ્થાનિક સંસ્થાઓના હોદ્દેદારો પણ બીજેપીમાં જોડાશે
-
પતંગની થીમ પર બનેલા અમદાવાદ ‘અટલ બ્રિજ’નો વધ્યો ક્રેઝ, કોર્પોરેશનની લાગી લોટરી
અટલ બ્રિજને મળેલા સારા પ્રતિસાદ બાદ અમદાવાદ મ્યુનિસિપલ કોર્પોરેશને સાબરમતી નદી પર વધુ એક પુલ બનાવવાનું આયોજન કર્યું છે. આ બેરેજ કમ બ્રિજ હશે. કોર્પોરેશને તેને પાવર હાઉસ અને સદર બજાર વચ્ચે બનાવવાનો પ્લાન તૈયાર કર્યો છે. રિવરફ્રન્ટના બીજા તબક્કામાં તેનું નિર્માણ કરવામાં આવશે. -
ચિલીમાં બે દિવસનો રાષ્ટ્રીય શોક, ગુમ થયેલા લોકોની શોધ ચાલુ
એએફપીના અહેવાલો અનુસાર, ચીલીએ એક વિશાળ જંગલી આગના ઓછામાં ઓછા 122 પીડિતો માટે બે દિવસનો રાષ્ટ્રીય શોક શરૂ કર્યો. કારણ કે ગુમ થયેલા લોકો અને બચી ગયેલા લોકોની શોધ ચાલુ છે.
-
ભારતીયો માટે ગ્રીન કાર્ડ મેળવવાનો ખુલશે રસ્તો, અમેરિકી સરકારે લીધો આ મોટો નિર્ણય
આ પગલા પર રાષ્ટ્રપતિ જો બાઈડેને કહ્યું કે ખુબ જ લાંબા સમયથી દાયકાઓથી ઈમિગ્રેશન સિસ્ટમ વિખરાયેલી છે. અમારા દેશના મૂલ્યોને સંરક્ષિત રાખતા દેશ સુરક્ષિત થશે, સરહદો સુરક્ષિત થશે, લોકોની સાથે નિષ્પક્ષતાથી વ્યવહાર થશે.
-
મહારાષ્ટ્રમાં ગુંડાઓની ભરતી થઈ રહી છે ! કોંગ્રેસ નેતા વિજય વડેટ્ટીવારે રાજ્ય સરકાર પર લગાવ્યો આરોપ
ઉલ્હાસનગર ફાયરિંગ કેસને લઈને મહારાષ્ટ્રમાં રાજકારણ ગરમાયું છે. આ અંગે શિવસેના (યુબીટી)ના નેતાઓ દ્વારા એકનાથ શિંદે સરકાર અને ભાજપને સતત ઘેરી લેવામાં આવી રહ્યા છે. હવે મહારાષ્ટ્ર કોંગ્રેસના નેતા અને વિપક્ષી નેતા વિજય વડેટ્ટીવારે રાજ્ય સરકાર પર ઘણા ગંભીર આરોપો લગાવ્યા છે. તેમણે કહ્યું છે કે આ સરકારમાં ગુંડાઓની ભરતી શરૂ થઈ ગઈ છે.
તેમણે આગળ જણાવ્યું કે, પહેલા ગુંડાઓની સલામત જગ્યા અલગ હતી, પરંતુ હવે આ સરકારમાં ગુંડાઓનું ઘર મંત્રીઓનું ઘર બની ગયું છે. તેમણે રાજ્યમાં વધતા ગુનાખોરીનો આરોપ લગાવ્યો હતો. એ પણ યાદ અપાવ્યું કે જ્યારે સરકાર બની ત્યારે તેમણે કહ્યું હતું કે સરકારમાં કોલ્ડ વોર શરૂ થશે અને એક મહિનામાં કોલ્ડ વોરને બદલે ગેંગ વોર શરૂ થઈ ગઈ છે.
-
નવી મુંબઈના શિરાવનેમાં બહુમાળી ઈમારતના 27મા માળે લાગી આગ
નવી મુંબઈના શિરાવને એમઆઈડીસીમાં એક બહુમાળી ઈમારતના 27મા માળ પર આગ લાગી. આગ લાગવાનું કારણ હજુ અકબંધ છે.
#WATCH | Mumbai, Maharashtra: Fire broke out on the 27th floor of a multi-storey building in Shiravane MIDC, Navi Mumbai. The cause of the fire is not clear. Efforts to douse the fire underway. Further details awaited. pic.twitter.com/tu7kipyG3k
— ANI (@ANI) February 5, 2024
-
વડાપ્રધાન મોદી ગોવામાં ભારત ઉર્જા સપ્તાહ 2024નું કરશે ઉદ્ઘાટન
આજે 6 ફેબ્રુઆરીએ વડાપ્રધાન નરેન્દ્ર મોદી ગોવામાં ભારત ઉર્જા સપ્તાહ 2024નું ઉદ્ઘાટન કરશે અને 1350 કરોડ રૂપિયાથી વધારેની અલગ અલગ પરિયોજનાઓની આધારશિલા મુકશે, તેની સાથે જ NITનું સ્થાયી પરિસર દેશને સમર્પિત કરશે. વડાપ્રધાન વિકસિત ભારત, વિકસિત ગોવા 2047 કાર્યક્રમને પણ સંબોધિત કરશે.
Published On - Feb 06,2024 6:20 AM
![રતન ટાટાએ આ કંપનીમાં કર્યું રોકાણ, કંપની કરે છે એકલતા દૂર કરવાનું કામ રતન ટાટાએ આ કંપનીમાં કર્યું રોકાણ, કંપની કરે છે એકલતા દૂર કરવાનું કામ](https://images.tv9gujarati.com/wp-content/uploads/2024/09/ratan-tata-invested-in-goodfellows-shantanu-naidu-startup.jpg?w=670&ar=16:9)
![જાણો કેમ પૂજામાં આસોપાલનના જ પાનનો થાય છે ઉપયોગ જાણો કેમ પૂજામાં આસોપાલનના જ પાનનો થાય છે ઉપયોગ](https://images.tv9gujarati.com/wp-content/uploads/2024/09/Ashok-Plant-News-6.jpg?w=670&ar=16:9)
![ભગવાન ગણેશજીના પ્રિય ઉકડીચે મોદક આ સરળ ટીપ્સથી બનાવો. ભગવાન ગણેશજીના પ્રિય ઉકડીચે મોદક આ સરળ ટીપ્સથી બનાવો.](https://images.tv9gujarati.com/wp-content/uploads/2024/09/ukadiche-modak-7.jpg?w=670&ar=16:9)
![ભૂલથી પણ Carના ડેશબોર્ડ પર આ વસ્તુઓ ક્યારેય ના રાખતા, નહીંતર લેવાના દેવા થઈ જશે ભૂલથી પણ Carના ડેશબોર્ડ પર આ વસ્તુઓ ક્યારેય ના રાખતા, નહીંતર લેવાના દેવા થઈ જશે](https://images.tv9gujarati.com/wp-content/uploads/2024/09/car-dashboard.jpg?w=670&ar=16:9)
![ક્યા સમયે બિલકુલ પાણી ન પીવુ જોઈએ, ચાણક્યએ કહી છે આ વાત ક્યા સમયે બિલકુલ પાણી ન પીવુ જોઈએ, ચાણક્યએ કહી છે આ વાત](https://images.tv9gujarati.com/wp-content/uploads/2024/09/water-10.jpg?w=670&ar=16:9)
![આજનું રાશિફળ તારીખ : 07-09-2024 આજનું રાશિફળ તારીખ : 07-09-2024](https://images.tv9gujarati.com/wp-content/uploads/2024/09/cropped-WEB-STORY-THUMBNAIL-2-3.jpg?w=670&ar=16:9)