Breaking News 7 October : અમદાવાદ શહેર પોલીસની મોટી કાર્યવાહી શહેરના 215 થી વધુ સ્પા પર દરોડા

અમદાવાદ શહેર પોલીસની મોટી કાર્યવાહી શહેરના 215 થી વધુ સ્પા પર દરોડા

અમદાવાદ શહેર પોલીસની મોટી કાર્યવાહી. શહેરના અલગ અલગ વિસ્તારોના 215 થી વધુ સ્પા અને મસાજ પાર્લરમાં દરોડા. પોલીસની અલગ અલગ 30 ટીમોએ હાથ ધર્યું ચેંકિગ. 24 જેટલા સ્પા સંચાલકો વિરુદ્ધ જાહેરનામા ભંગની કાર્યવાહી. સ્પામાં ચાલતી ગેરકાયદેસર પ્રવૃત્તિ ડામવા નિર્ણય.

અફઘાનિસ્તાની ધરતી ભૂકંપથી હચમચી, 300 લોકોના મોત સેંકડો ઘાયલ

અફઘાનિસ્તાનના પશ્ચિમ ભાગમાં ભયાનક ભૂકંપ આવ્યો છે. કહેવામાં આવી રહ્યું છે કે શનિવારે અફઘાનિસ્તાનના પશ્ચિમ ભાગમાં આવેલા ભૂકંપમાં ઓછામાં ઓછા 300 લોકોના મોત થયા હતા અને સેંકડો લોકો ઘાયલ થયા હતા. આ ભૂકંપની તીવ્રતા રિક્ટર સ્કેલ પર 6.3 હતી. ભૂકંપના કારણે અનેક મકાનો ધરાશાયી થયા છે. સર્વત્ર તબાહીના દ્રશ્યો જ દેખાય છે.

ભારત-પાકિસ્તાન મેચ 14 હજાર ટિકિટ આજે વેચાવા મુકાશે

• ભારત-પાકિસ્તાન મેચની વધુ 14  હજાર ટિકિટ આજે વેચાવા મુકાશે
• આજે બપોરે 12 વાગ્યાથી મેચની ટિકિટોનું બુકિંગ થઈ શકશે
• 14 ઓક્ટોબરે અમદાવાદમાં ભારત-પાકિસ્તાનની ક્રિકેટ મેચ

ભુજના હોસ્પિટલ રોડ પર જ્વેલર્સની દુકાનમાં લૂંટ

• કચ્છના ભુજના હોસ્પિટલ રોડ પર જ્વેલર્સની દુકાનમાં લૂંટ
• બપોરે આવેલા બુકાનીધારીએ હથિયાર દેખાડીને કરી 26 હજારની લૂંટ
• બી-ડીધીઝન સહિત મહત્વની બ્રાન્ચ તપાસમાં જોડાઇ
• પોલીસે ફરીયાદ નોંધી તજવીજ હાથ ધરી આરોપી શોધવા ચક્રો ગતિમાન કર્યા

જીઆઈડીસીની કેમિકલ કંપનીમાં લાગી આગ

ભરૂચના અંકલેશ્વરની પાનોલી જીઆઈડીસીની કેમિકલ કંપનીમાં આગ લાગી. વૈકુંઠ કેમિકલ કંપનીમાં આગ લાગી. રાસાયણિક પ્રક્રિયા દરમિયાન આગ લાગતા દોડધામ મચી. 7 થી વધુ ફાયટર ઘટના સ્થળે પહોંચ્યા.

રાજપુરમાં ગેરકાયદે ગેસ બોટલ રિફિલીંગ કૌભાંડ

• મહેસાણાના નંદાસણ નજીક રાજપુરમાં ગેરકાયદે ગેસ બોટલ રિફિલીંગ કરતો શખ્સ ઝડપાયો
• ઇન્ડસ્ટ્રીયલ એસ્ટેટ વિસ્તારમાંથી ઝડપાયું ગેરકાયદે ગેસ બોટલ રીફિલીંગ
• 25 ગેસ બોટલો સાથે રામનિહાલ યાદવ નામનો શખ્સ ઝડપાયો
• મહેસાણા SOG પોલીસે રેડ કરી કાર્યવાહી કરી

લોકસભાની ચૂંટણી પહેલા કોંગ્રેસમાં ભંગાણ

• કાલાવડ તાલુકા પંચાયતના સદસ્ય, પ્રદેશ કોંગ્રેસ કિસાન મોરચાના પ્રવકતા અને રાજકોટ બેડી યાર્ડના ડીરેક્ટર અતુલ કમાણીએ ભાજપનો ખેસ પહેર્યો
• જિલ્લા ભાજપ પ્રમુખ રમેશ મુગરા અને ધારાસભ્ય મેઘજી ચાવડાના હસ્તે ખેસ ધારણ કર્યો
• કોંગ્રેસ નેતા અતુલ કમાણી સાથે અન્ય તાલુકાના પંચાયતના સદસ્ય જીગ્નેશ સાવલિયા સહિત મોટી સંખ્યામાં કોંગ્રેસના કાર્યકતા ભાજપમાં જોડાયા
• થોડા દિવસ અગાઉ તાલુકા પંચાયતના પ્રમુખ અને ઉપપ્રમુખ ની ચૂંટણી વખતે ગેરહાજર રહ્યા હતા કોંગ્રેસના બને તાલુકા પંચાયત સદસ્ય
• બન્ને ગેરહાજર રહેતા તાલુકા પંચાયતમાં ભાજપની બોડી સત્તા પર આવી હતી

વડોદરા LCBએ સાવલી તાલુકાના આજોડ ગામ પાસે ઝડપ્યો દારૂ

• વડોદરા LCBએ સાવલી તાલુકાના આજોડ ગામ પાસે ઝડપ્યો દારૂ
• ટોલનાકા પાસે દારૂના જથ્થા સહિત કુલ રુ. 47,23,200નો મુદ્દામાલ કર્યો જપ્ત
• LCBએ 7668 નંગ દારૂની બોટલ સાથે ટ્રક કર્યો જપ્ત
• એક આરોપીની ધરપકડ કરીને મંજુસર પોલીસની કર્યો હવાલે

સુરતમાં રોમિયોને લોકોએ મેથીપાક ચખાડતો વીડિયો વાયરલ

સુરતમાં યુવતી સાથે બિભત્સ ચેનચાળા કરવા વિધર્મી શખ્સને ભારે પડી ગયા  પહેલા લોકોએ તેની ધોલાઈ કરી બાદમાં પોલીસે અટકાયત કરી. યુવતીની જાહેરમાં છેડતી અને બિભત્સ ચેનચાળા કરવાના આરોપસર મોહમ્મદ સલીમ નામના શખ્સને લોકોએ મેથીપાક ચખાડ્યો હતો. જેનો વીડિયો પણ વાયરલ થયો છે. લોકોએ જાહેરમાં ધોલાઈ કરીને તેને પોલીસ હવાલે કર્યો હતો. મળતી માહિતી પ્રમાણે, રાંદેરમાં આવેલી નવયુગ કૉલેજ પાસે આ શખ્સ યુવતી સાથે બેઠો હતો. તેણે ચેનચાળા કરતાં યુવતીએ બૂમાબૂમ કરી હતી. જે સાંભળીને આસપાસના લોકો દોડી આવ્યા હતા અને તેની ધોલાઈ કરી હતી.

અમદાવાદમાં ફાર્મસી માફીયાઓ પર અંકુશ લાવવા કાયદામાં બદલાવ

• અમદાવાદમાં ફાર્મસી એક્ટના ઉલંઘનનો કાયદો કડક કરાયો.
• હવેથી ફાર્મસી એક્ટનો ભંગ કરનાર સામે થશે કડક કાર્યવાહી
• ફાર્માસિસ્ટ પોતાના રજીસ્ટ્રેશનનો દૂર ઉપયોગ કરશે તો કડક કાર્યવાહી થશે
• મેડીકલ સ્ટોર ચલાવવા ભાડે પોતાનું સર્ટિફિકેટ આપ્યું તો થશે લાખ્ખોનો દંડ
• પહેલીવાર ભંગ કરશે તો 1 લાખ રૂપિયાનો દંડ
• જ્યારે બીજીવાર ભંગ કરતા ઝડપાય તો 2 લાખનો દંડ અને 3 મહિનાની સજા
• કોઈપણ પ્રકારની ગેરરીતિને લઈ ફાર્મસી કાઉન્સિલ પણ કરશે કાર્યવાહી
• સ્ટેટ ફાર્મસી કાઉન્સિલ અને ફાર્મસી કાઉન્સિલ ઓફ ઇન્ડિયાને આપ્યા પાવર
• કાયદાનો ભંગ કરનાર ફાર્માસિસ્ટ અપીલ માટે ફાર્મસી કાઉન્સિલ ઓફ ઇન્ડિયામાં જવાનું રહેશે
• કાયદો આવતા ગેરરીતિ અટકશે, સાચા ફાર્માસિસ્ટને થશે ફાયદો
• દર્દીઓ સાથે થતી ગેરરીતિ અટકશે ફાર્માસિસ્ટ પાસેથી જ મળશે દવા
• ભારત સરકારે જન વિશ્વાસ બિલમાં ફાર્મસી એકટમાં કર્યો સુધારો

નવસારીના કબીલપોર વિસ્તારની સોસાયટીમાં તસ્કરોએ મચાવ્યો તરખાટ

• નવસારીના કબીલપોર વિસ્તારની સોસાયટીમાં તસ્કરોએ મચાવ્યો તરખાટ
• શાલિગ્રામ બંગ્લોઝ સોસાયટીના ત્રણ બંધ મકાનને તસ્કરોએ બનાવ્યા નિશાન
• બંધ મકાન ને નિશાન બનાવી લાખોની મત્તાની થઈ ચોરી.
• 40 તોલા સોના ના દાગીના, પાઉન્ડ સહિત રૂપિયા ત્રણ લાખથી વધુ રોકડની ચોરી
• પોશ સોસાયટીને નિશાન બનાવનાર તસ્કરો ચડ્ડી બનિયાનધારી હોવાનું અનુમાન
• અજાણ્યા તસ્કરો સીસીટીવી કેમેરામાં થયા કેદ
• તસ્કરોનો ભોગ બનનાર પરિવારોએ પોલીસ ફરિયાદ કરવાની તજવીજ હાથ ધરી

કૅલોરેક્સ સ્કૂલ શિક્ષક માર મારવાની ઘટનામાં પોલીસ ફરિયાદ

• અમદાવાદની ઘાટલોડિયાની કૅલોરેક્સ સ્કૂલ શિક્ષક માર મારવાની ઘટનામાં પોલીસ ફરિયાદ
• પોલીસ ખુદ બની મારામારીની ઘટનામાં ફરિયાદી
• શિક્ષકોને માર મારનાર ૩ લોકો સામે નોંધાઈ ફરિયાદ
• IPC ની કલમ 452, 323, 294 (બી)અને 114  હેઠળ ગુનો નોંધાયો
• પીડિત શિક્ષકે ફરિયાદ ના નોંધાવતા પોલીસ જ બની ફરિયાદી
• ABVP કાર્યકર ઉમંગ મોજીદ્રા, મહર્ષ સેવક અને કુલદીપ દેસાઈ સામે ફરિયાદ
• ઘટના બની ત્યારે પોલીસ જવાનો હતા હાજર
• બાળકોને નમાઝ પઢાવવાની ઘટના બાદ શિક્ષકને માર્યો હતો માર

રાજકોટના લક્ષ્મીનગર વિસ્તાર માંથી ગુમ થયેલી 8 વર્ષની બાળકીનો મૃતદેહ મળ્યો

• લક્ષ્મીનગર રેલ્વેની અવાવરૂ જગ્યામાંથી મળી 8 વર્ષની બાળકીનો મૃતદેહ મળ્યો
• ગઇકાલે બાળકી ગુમ થઈ હતી
• જેસીપી, ડીસીપી સહિતનો પોલિસ કાફલો ઘટના સ્થળે પહોંચ્યો
• માથાના ભાગે બોથડ પદાર્થના ઘા ઝીંકીને કરાઇ હત્યા

મહીસાગરમાં મેનેજર સાથે લૂંટ વિથ મર્ડર મામલો

મેનેજર સાથે લૂંટ વિથ મર્ડર મામલામાં આરોપી હર્ષિલ પટેલના મામાએ આત્મહત્યા કરવાનો પ્રયાસ કર્યો હતો. આરોપી હર્ષિલ પટેલે મર્ડર કર્યુ જેને લઇ મામાને ગઇ કાલે પૂછપરછ માટે સંતરામપુર પોલીસ મથકે બોલાવ્યા હતા. આરોપી હર્ષિલ પટેલના મામા કપિલ જગજીવન પટેલે સમાજમાં બદનામીના ડરથી જીવન ટૂંકાવવાનો પ્રયાસ કર્યો. આરોપી હર્ષિલ પટેલને લઈ મામાને સમાજમાં નીચું નાખવાનું વારો આવતા આત્મહત્યાનો પ્રયાસ કર્યો હતો. મામાએ કોઈ ઝેરી દવા પીને આત્મહત્યા કરવાનો પ્રયાસ કર્યો હતો. હાલ આરોપીના મામાને સંતરામપુરના ખાનગી હોસ્પિટલમાં સારવાર અપાઇ રહી છે.

ઇઝરાયેલ પર થયેલા હુમલા અંગે PM મોદી ટ્વિટ કરી દુ:ખ વ્યક્ત કર્યું

Deeply shocked by the news of terrorist attacks in Israel. Our thoughts and prayers are with the innocent victims and their families. We stand in solidarity with Israel at this difficult hour.

— Narendra Modi (@narendramodi) October 7, 2023

PMએ લાલ કિલ્લાના ભાષણમાં કરેલી જાહેરાતની સમીક્ષા કરી

PMએ તેમના લાલ કિલ્લાના ભાષણમાં કરેલી જાહેરાતની સમીક્ષા કરવા માટે એક મહત્વપૂર્ણ બેઠક યોજી હતી. પીએમએ ગરીબ અને મધ્યમ વર્ગ માટે આવાસ માટે સસ્તું લોન સુનિશ્ચિત કરવાનો ઉલ્લેખ કર્યો હતો. આ જાહેરાતના અનુસંધાનમાં પીએમ મોદીએ આ જાહેરાતને લાગુ કરવાની તૈયારીઓની સમીક્ષા કરી હતી. તેમના સ્વતંત્રતા દિવસના ભાષણમાં, PM એ ઘરો માટે સૌર ઉર્જા સુનિશ્ચિત કરવાનો ઉલ્લેખ કર્યો હતો. PMએ આ યોજનાને લાગુ કરવાની તૈયારીઓની સમીક્ષા કરી.

ઉંમરગામ GIDCમાં આવેલ એક ખાનગી કંપનીમાં બ્લાસ્ટ

• વલસાડમાં ઉંમરગામ GIDCમાં આવેલ એક ખાનગી કંપનીમાં બ્લાસ્ટ
• એક કામદારનું મોત અને એક ઘાયલને સારવાર અર્થે ખસેડાયો
• ઉંમરગામ પોલીસ સહીત ફાયરની ટિમ સ્થળ પર પહોચી
• સ્ટીલની ટાંકીમાં બ્લાસ્ટ થયો
• બ્લાસ્ટ થવાનું કારણ અકબંધ
• પોલીસએ સમગ્ર મુદ્દે હાથ ધરી તપાસ

Rajkot : 5 ટન શંકાસ્પદ માવો પકડાવાના કેસમાં ખુલાસો

રાજકોટમાંથી આરોગ્ય વિભાગે (Health Department) બે દિવસ પહેલા વેલનાથ પરામાં આવેલા ગોડાઉન પર દરોડા (Raid) પાડ્યા હતા. આરોગ્ય વિભાગે સર્ચમાં 5 ટન શંકાસ્પદ માવાનો જથ્થો પકડ્યો હતો. ત્યારે રાજકોટ આરોગ્ય વિભાગની તપાસમાં થયો મહત્વનો ખુલાસો થયો છે. આ માવો રિબડા ઇન્ડસ્ટ્રીઝ ઝોનની એક ફેક્ટરીમાં બન્યો હોવાનું સામે આવ્યુ છે.

Navsari News: પ્રદેશ અધ્યક્ષ CR પાટીલના નામે ઠગાઈનો પ્રયાસ

નવસારીમાં સી.આર.પાટીલના નામે ઠગાઇનો પ્રયાસ સામે આવ્યો છે. નવસારીમાં રહેતા પ્રદેશ મંત્રી શીતલ સોનીને સી.આર.પાટીલના નામે પાર્સલ આવ્યું હતું. રૂ.1500 ચૂકવીને પાર્સલ છોડાવવાનું હોવાનું જણાવ્યું હતું. શીતલ સોનીએ આ મુદ્દે પ્રદેશ અધ્યક્ષના કાર્યાલયનો કર્યો સંપર્ક કર્યો. જોકે આ બાદ સમગ્ર મામલો સામે આવ્યો હતો.

અકોલામાં કાર-બસની ટક્કરમાં પૂર્વ ધારાસભ્ય સહિત આઠ લોકો ઈજાગ્રસ્ત

મહારાષ્ટ્રના અકોલા જિલ્લામાં શનિવારે કાર અને બસ વચ્ચેની અથડામણમાં પૂર્વ ધારાસભ્ય સહિત આઠ લોકો ઈજાગ્રસ્ત થયા છે. એક અધિકારીએ જણાવ્યું કે, કુરનખેડ ગામ નજીક હાઇવે પર બપોરે 12 વાગ્યે આ અકસ્માત થયો હતો. તેમણે કહ્યું કે બુલઢાણાના પૂર્વ ધારાસભ્ય વિજયરાજ શિંદે (58) તેમના ચાર સમર્થકો સાથે અમરાવતી તરફ જઈ રહ્યા હતા ત્યારે તેમની કાર અકોલા તરફ જતી બસ સાથે અથડાઈ હતી. આ અકસ્માતમાં પૂર્વ ધારાસભ્ય, તેમના ત્રણ સમર્થકો અને બસમાં સવાર ચાર મુસાફરો ઈજાગ્રસ્ત થયા હતા.

રાજસ્થાન સરકારે 53 RAS અધિકારીઓની બદલી કરી છે

રાજસ્થાન સરકારે રાજસ્થાન એડમિનિસ્ટ્રેટિવ સર્વિસ (RAS)ના 53 અધિકારીઓની બદલી કરી છે. રાજ્યના કર્મચારી વિભાગે શુક્રવારે મોડી રાત્રે આ અંગે આદેશ જાહેર કર્યો હતો. રાજસ્થાનમાં આ વર્ષના અંતમાં વિધાનસભાની ચૂંટણી યોજાવાની છે અને આગામી સપ્તાહે આચારસંહિતા લાગુ થવાની સંભાવના છે.

લોકસભાની ચૂંટણી પહેલા દિલ્હી એક્ટિવ !

ગુજરાતના રાજકારણને લઈ મહત્વના સમાચાર સામે આવ્યા છે. લોકસભાની ચૂંટણી (Lok Sabha elections) પહેલા ભાજપના ધારાસભ્યોનો સર્વે શરૂ કરવામાં આવ્યો છે. દિલ્હીથી જ ગુજરાતમાં ભાજપના (BJP) MLA પર સતત નજર રાખવામાં આવી રહી છે. આ સર્વે IB દ્વારા સર્વે કરવામાં આવ્યો છે. આ સર્વે 3 કેટેગરીમાં ચાલી રહ્યો હોવાની માહિતી મળી રહી છે.

ઇઝરાયલની ચેતવણી -‘હમાસે યુદ્ધ શરૂ કર્યું, અમે ખતમ કરીશું’,કાઉન્ટર ઓપરેશન શરૂ કર્યું

ઈઝરાયેલ અને પેલેસ્ટાઈન વચ્ચે ભીષણ યુદ્ધ ફાટી નીકળ્યું છે. સૌ પ્રથમ શનિવારે સવારે પેલેસ્ટિનિયન આતંકવાદી જૂથ હમાસે ગાઝાથી ઈઝરાયેલ પર હુમલો કર્યો અને આડેધડ રોકેટ ફાયર કરીને સનસનાટી મચાવી દીધી. તે પછી હમાસ જૂથના આતંકવાદીઓ ઈઝરાયેલમાં ઘૂસી ગયા અને રક્તપાત શરૂ કર્યો. જવાબમાં ઇઝરાયેલે ચાર્જ સંભાળ્યો અને યુદ્ધની જાહેરાત કરી. ઈઝરાયેલે હવે ગાઝા પર ઝડપી બોમ્બમારો શરૂ કર્યો છે.

નકલી નોટોની દાણચોરીના ચાર આરોપીઓની ધરપકડ

દિલ્હી પોલીસે નકલી નોટોની દાણચોરીના ચાર આરોપીઓની ધરપકડ કરી છે. તેની પાસેથી લગભગ 18 લાખ 54 હજાર રૂપિયાની કિંમતની ભારતીય નકલી ચલણ અને લગભગ 46 લાખ 60 હજાર રૂપિયાની નેપાળી નકલી કરન્સી મળી આવી છે. ધરપકડ કરાયેલા એક આરોપીની અગાઉ બિહારમાં UAPA (અનલોફુલ એક્ટિવિટીઝ પ્રિવેન્શન એક્ટ) હેઠળ ધરપકડ કરવામાં આવી હતી. ધરપકડ કરાયેલા આરોપીઓના નામ છબીરામ, આસિબ, ઈમરાન અને દિનેશ છે.

Surat News : Bolav ની ફેક્ટરીમાં Kim પોલીસે શંકાસ્પદ ઘી નો જથ્થો સીઝ કર્યો

Surat : સુરત જિલ્લાના ઓલપાડ(Olpad) તાલુકાના બોલાવ ગામની જીઆઈડીસીમાં ઘી ના ઉત્પાદન સાથે સંકળાયેલી શંકાસ્પદ ફેકટરીમાં કીમ પોલીસે તપાસ શરૂ કરી છે.  ઘી ના કારોબાર સાથે સંકળાયેલી ફેક્ટરીમાં લાખો રૂપિયાનો મુદ્દામાલ સીઝ કરી પોલીસે કાયદેસરની કાર્યવાહી હાથ ધરી હતી. વીડિયો જોવા માટે અહીં ક્લિક કરો.

ખેલાડીઓની મહેનતથી દેશનું સન્માન વધ્યું – ધર્મેન્દ્ર પ્રધાન

ચીનમાં આયોજિત એશિયન ગેમ્સમાં જ્યારે ભારતની મેડલ સંખ્યા 100ને વટાવી ગઈ ત્યારે કેન્દ્રીય મંત્રી ધર્મેન્દ્ર પ્રધાને કહ્યું, “તેમની મહેનતથી દેશનું સન્માન વધ્યું છે. એશિયન ગેમ્સમાં ભારત માટે અત્યાર સુધીનો આ એક મોટો રેકોર્ડ છે. મેડલની સંખ્યા 100થી વધુ થઈ ગઈ છે અને દેશના તમામ ભાગોમાંથી તમામ પ્રકારની રમતોમાં મેડલ પ્રાપ્ત થયા છે.

અફઘાનિસ્તાનમાં ભૂકંપ, તીવ્રતા 6.1

અફઘાનિસ્તાનમાં બપોરે 12:19 કલાકે 6.1ની તીવ્રતાનો ભૂકંપ આવ્યો હતો.

કેનેડામાં પ્લેન ક્રેશ, ત્રણના મોત

સીબીસી ન્યૂઝના અહેવાલ મુજબ, કેનેડાના બ્રિટિશ કોલંબિયાના ચિલીવેકમાં એક નાનું વિમાન ક્રેશ થતાં ત્રણ લોકોના મોત થયા છે. આ અકસ્માત વાનકુવરથી લગભગ 200 કિલોમીટર પૂર્વમાં ચિલીવેકમાં થયો હતો.

નરેન્દ્ર મોદી સ્ટેડિયમને ઉડાવી દેવાની મળી ધમકી

• ક્રિકેટ વર્લ્ડ કપ વચ્ચે NIA અને મુંબઈ પોલીસને મળ્યો ધમકી ભર્યો ઈમેઈલ
• લોરેન્સ બિશનોઈને જેલમાંથી મુક્ત કરવાનો ઇ-મેઇલમાં ઉલ્લેખ
• NIA ને મળેલા ધમકીના ઈમેલ બાદ અમદાવાદ પોલીસ એલર્ટ
• નરેન્દ્ર મોદી સ્ટેડિયમમાં ગોઠવાશે ચુસ્ત પોલીસ બંદોબસ્ત

Bhavnagar Breaking News : મેડિકલ કોલેજના 95 વિદ્યાર્થીને ડીટેઈન કરાયા, નહીં આપી શકે પરીક્ષા

ભાવનગર મેડિકલ કોલેજના 95 વિદ્યાર્થીને ડીટેઈન કરવામાં આવ્યા છે. 20 ટકા કરતાં ઓછી હાજરી અને બોન્ડ જમાં નહિ કરાવતા વિદ્યાર્થીઓ ડીટેઈન કરાયા છે. ચાલુ વર્ષના 93 અને ગત વર્ષના 2 મળી 95 વિદ્યાર્થીને ડીટેઈન કરવામાં આવ્યા છે. આગામી 6 માસ સુધી આ વિદ્યાર્થીઓ પરીક્ષા નહીં આપી શકે.

નર્મદા નદીમાં યુવતીએ મોતની છલાંગ લગાવી

Bharuch : ભરૂચનો Narmada Maiya Bridge આત્મહત્યા અને અકસ્માતની ઘટનાઓને લઈ ખુબ બદનામ છે. આ બ્રિજ ઉપરથી મોતની છલાંગની વધુ એક ઘટના સામે આવી છે. યુવતીએ પૂલ ઉપરથી નર્મદા નદી(Narmada River) માં છલાંગ લગાવ્યા બાદ તે પાણીમાં તણાતી હોવાનો વિડીયો વાયરલ(Viral Video) થયો છે. વીડિયો જોવા માટે અહીં ક્લિક કરો.

Vadodara News : દશરથ ગામે ઝડપાયેલા હેરોઇન કેસમાં પંજાબ કનેક્શન સામે આવ્યું

વડોદરા SOGએ દશરથ ગામે દરોડો પાડીને 103 ગ્રામ હેરોઈન જપ્ત કર્યું હતુ.ત્યારે ઝડપાયેલા હેરોઇન કેસમાં (Heroin ) સૌથી મોટો ખુલાસો થયો છે. આરોપી કુલદીપસિંહ પંજાબના (Punjab) ડ્રગ્સ સપ્લાયર (Drug supplier) પીલ્લુ પાસેથી હેરોઇનનો જથ્થો લાવતો હોવાનો ખુલાસો થયો છે, પોલીસે સમગ્ર કેસમાં તપાસનો ધમધમાટ શરુ કર્યો છે.

Breaking News : એશિયન ગેમ્સ 2023 : ભારતે મેડલની સદી ફટકારી, કબડ્ડી-તીરંદાજીમાં જીત્યો ગોલ્ડ

19મી એશિયન ગેમ્સના 14માં દિવસે તીરંદાજીમાં 2 ગોલ્ડ, 1 સિલ્વર અને 1 બ્રોન્ઝ જીત્યા બાદ હવે ભારતે કબડ્ડીમાં પણ ગોલ્ડ મેડલ જીત્યો છે. આ સાથે તેણે 100 મેડલનો લક્ષ્યાંક પણ હાંસલ કર્યો હતો. આ 100 મેડલમાં 25 ગોલ્ડ, 35 સિલ્વર અને 40 બ્રોન્ઝ સામેલ છે. મહિલા કબડ્ડીમાં ભારતે 25મો ગોલ્ડ જીત્યો હતો.

GST કાઉન્સિલની આજે 52મી બેઠક

નાણા મંત્રાલયે માહિતી આપી છે કે કેન્દ્રીય નાણા મંત્રી નિર્મલા સીતારમણ આજે નવી દિલ્હીમાં સુષ્મા સ્વરાજ ભવનમાં 52મી GST કાઉન્સિલની બેઠકની અધ્યક્ષતા કરશે.

દેશમાં લોકો સતત તેમની બચત ઉપાડી રહ્યા છે! સમજો બદલાયેલી સ્થિતિ પાછળનું કારણ

કોરોના(Corona) મહામારી પછી લોકો તેમના બચાવેલા પૈસા ખર્ચવાનો આગ્રહ કરી રહ્યા છે. રિઝર્વ બેંક ઓફ ઈન્ડિયા (Reserve Bank of India – RBI)ના જણાવ્યા અનુસાર મહામારીને લગતા નિયંત્રણો હટાવ્યા બાદ લોકોના ખર્ચમાં વધારા અને વધુ હોમ લોન(Home Loan) લેવાને કારણે પરિવારોનો બચત દર ગત નાણાકીય વર્ષમાં ઘટીને 50 વર્ષના તળિયે પહોંચી ગયો છે.

Manipur Violence: હિંસાની આગમાં સળગી રહેલા મણિપુરમાં ફરી સ્થિતિ વણસી, ઈન્ટરનેટ સેવા 11 ઓક્ટોમ્બર સુધી બંધ

મણિપુરમાં ફરી એકવાર સ્થિતિ વણસી છે.અગાઉ બનેલી અનેક ઘટનાઓ બાદ પણ હજુ સ્થિતિ સામાન્ય થવાનું નામ લઈ રહી નથી. ત્યારે થોડા દિવસ અગાઉ બે વિદ્યાર્થીઓના મોતને બાદ રાજ્યમાં ફરી અરાજકતાનો માહોલ જોવા મળી રહ્યો છે. આવી ઘટનાને જોતા રાજ્યમાં ઈન્ટરનેટ સેવા પર 5 દિવસ માટે પ્રતિબંધ મુકવામાં આવ્યો છે. રાજ્યમાં 11 ઓક્ટોબર સુધી ઈન્ટરનેટ સેવા બંધ કરી દેવામાં આવી છે. અહીં રાજ્ય સરકારે આદેશ જાહેર કરીને આ માહિતી આપી છે.

મેક્સિકોમાં ભયાનક માર્ગ અકસ્માત, બસ પલટી જતાં 3 બાળકો સહિત 18 લોકોના મોત

Mexico Accident: મેક્સિકોના ઓક્સાકામાં શુક્રવારે એક ભયાનક માર્ગ અકસ્માત થયો હતો. આ અકસ્માતમાં 3 બાળકો સહિત 18 લોકોના મોત થયા છે, જ્યારે 27 લોકો ઘાયલ હોવાનું કહેવામાં આવી રહ્યું છે.

સિક્કિમમાં પૂરનો કેર, અત્યાર સુધીમાં 26ના મોત, 140થી વધુ લાપતા

સિક્કિમમાં પૂરના કારણે હોબાળો મચી ગયો છે. લોનાક તળાવ પર વાદળ ફાટવાને કારણે તિસ્તા નદીમાં અચાનક પૂર આવવાથી અત્યાર સુધીમાં 26 લોકોના મોત થયા છે. તે જ સમયે, 142 લોકો હજુ પણ ગુમ છે જ્યારે 2413 લોકોને બચાવી લેવામાં આવ્યા છે. અધિકારીઓએ આ માહિતી આપી હતી.

મધ્યપ્રદેશઃ છતરપુરમાં બોલેરો ગાડીમાંથી રૂ. 13 લાખ 72 હજાર મળી આવ્યા

મધ્યપ્રદેશના છતરપુરમાં વાહન ચેકિંગ દરમિયાન બોલેરો વાહનમાંથી રૂ. 13 લાખ 72 હજાર મળી આવ્યા હતા. વસૂલ કરાયેલા નાણાંનું કોઈ રાજકીય જોડાણ છે કે કેમ તેની તપાસ કરવામાં આવી રહી છે. છતરપુર સિવિલ લાઇન પોલીસ સ્ટેશનના પ્રભારી કમલેશ સાહુએ જણાવ્યું કે આ પૈસાની સાથે કેટલાક દસ્તાવેજો પણ મળી આવ્યા છે, જેની પણ તપાસ કરવામાં આવી રહી છે.

કોંગ્રેસની કેન્દ્રીય ચૂંટણી સમિતિની આજે દિલ્હીમાં મહત્વની બેઠક

કોંગ્રેસની કેન્દ્રીય ચૂંટણી સમિતિની એક મહત્વપૂર્ણ બેઠક આજે દિલ્હીમાં યોજાશે. આ બેઠકમાં આગામી વિધાનસભા ચૂંટણી માટે 150 ઉમેદવારોના નામની જાહેરાત કરવામાં આવી શકે છે.

Valsad News : મોતનો વધુ એક બ્રિજ તૈયાર ! જોરાવાસણના બ્રિજની ખસ્તા હાલત

મોરબીનો ઝૂલતો પુલ તૂટ્યો, સુરેન્દ્રનગરનો વસ્તડી બ્રિજ તૂટ્યો, ખેડાના માતરમાં આવેલો બ્રિજ ધરાશાયી થયો. ત્યારે ફરી એક મોતનો બ્રિજ વલસાડના જોરાવાસણ ગામથી સામે આવ્યો છે. આ રેવલે ઓવરબ્રિજ વચ્ચેથી બેસી ગયો છે. જેના કારણે રસ્તા પર મસમોટો ભૂવો પડી ગયો. આ ભૂવાના કારણે અનેક વખત અકસ્માત સર્જાયા.

જે બાદ સ્થાનિકોએ સાવચેતીના ભાગરૂપે એક લાકડામાં કપડું વીંટોળીને મૂકી દીધું. જો કે બ્રિજની સાઇડની દીવાલોમાં પણ તિરાડો પડી છે. ઉલ્લેખનીય છે, માત્ર બે વર્ષ પહેલા DFCCએ રૂપિયા 30 કરોડના ખર્ચે આ બ્રિજ બનાવ્યો છે. છતાં હાલત જર્જરિત થઇ ગઇ છે. બે વર્ષમાં બે વખત બ્રિજ બેસી ગયો છે.

Rajkot: ભાજપ સંકલનની બેઠકમાં મોબાઈલ લઈ જવા પર શહેર પ્રમુખે મુક્યો પ્રતિબંધ

Rajkot: ભારતીય જનતા પાર્ટી આમ તો શિસ્તબદ્ધ પાર્ટી છે. કાર્યકર્તાઓની રજૂઆત,પ્રશ્નો અને તેની કામગીરી શિસ્તમાં સોંપવામાં આવતી હોય છે પરંતુ આ જ પાર્ટીના કેટલાક એવા નિર્ણયો જોવા મળે છે જે શિસ્તની સાથે કાર્યકર્તાઓ પરના વિશ્વાસ સામે પણ પ્રશ્નાર્થ મુકે છે. તાજેતરમાં રાજકોટ શહેર ભાજપ પ્રમુખ મુકેશ દોશીએ રાજકોટ મહાનગરપાલિકાની સંકલનની બેઠકમાં તમામ હોદ્દેદારોને મોબાઇલ લઇ જવા પર પ્રતિબંધ મૂકવામાં આવ્યો હતો. શહેર ભાજપ પ્રમુખના આ આદેશથી થોડા સમય માટે કાર્યકર્તાઓ ચોંકી ઉઠ્યા હતા.

રાજકોટથી પાટીલનો હુંકાર, લોકસભામાં ભાજપ જીતશે ગુજરાતની તમામ 26 બેઠકો

Rajkot: ભારતીય જનતા પાર્ટીના પ્રદેશ અધ્યક્ષ સી આર પાટીલ આજે રાજકોટની મુલાકાતે હતા. સી આર પાટીલે આજે રાજકોટ પૂર્વના ધારાસભ્ય ઉદય કાનગડના કાર્યાલયની મુલાકાત લીધી હતી અને અહીં રાજકોટ પૂર્વ વિધાનસભાના કાર્યકર્તાઓને મળ્યા હતા.આ કાર્યક્રમમાં ઉપસ્થિત સી આર પાટીલે લોકસભાની ચૂંટણીને લઇને હુંકાર કર્યો હતો.સી આર પાટીલે દાવો કર્યો હતો કે આગામી લોકસભાની ચૂંટણીમાં ભાજપ 26 માંથી 26 બેઠકો પર વિજય મેળવશે અને દરેક બેઠક પર પાંચ લાખ કરતા વધારે લીડ મળશે.