ગુજરાત સરકારે વ્યારા સુગરના 850થી વધુ શેરડી ખેડૂતોને મોટી રાહત આપતો મહત્વપૂર્ણ નિર્ણય કર્યો છે. રાજ્ય સરકારે ખેડૂતોના શેરડીના બાકી નાણાં પેટે કુલ રૂ. 7.14 કરોડની રકમ મંજૂર કરી છે. આ રકમ દિવાળીના તહેવાર પહેલા સીધી ખેડૂતોના બેંક ખાતામાં જમા કરવામાં આવશે, જેનાથી ખેડૂત પરિવારો માટે દિવાળીની ખુશી બમણી થશે.

લાંબા સમયથી શેરડીના બાકી નાણાં ન મળવાને કારણે વ્યારાના ખેડૂતો આર્થિક મુશ્કેલીનો સામનો કરી રહ્યા હતા. ખેતીના ખર્ચ, પરિવારની જરૂરિયાતો અને તહેવારોની તૈયારીઓ વચ્ચે નાણાં ન મળવાથી ખેડૂતો માટે સંકટની સ્થિતિ ઊભી થઈ હતી. અગાઉ માવઠાના કારણે પણ ખેડૂતોને નુકસાન થયું હતું. ખેડૂતો દ્વારા કરવામાં આવેલી રજૂઆતો અને તેમની આ મુશ્કેલીઓને ધ્યાનમાં રાખીને મુખ્યમંત્રી ભૂપેન્દ્ર પટેલના માર્ગદર્શનમાં રાજ્ય સરકારે આ નિર્ણય લીધો છે.

સરકારના આ પગલાથી 850થી વધુ ખેડૂત પરિવારોને સીધો આર્થિક લાભ મળશે. આ ચૂકવણી ખેડૂતોની આર્થિક સ્થિતિ સુધારવામાં મદદ કરશે અને તેમને તહેવારો ઉમંગભેર ઉજવવામાં સક્ષમ બનાવશે. રાજ્ય સરકારે ખેડૂતોના હિતમાં ઝડપી કાર્યવાહી કરીને દિવાળીની અમૂલ્ય ભેટ આપી છે.

Surat Breaking News : ધનતેરસે સુરતના જ્વેલર્સમાં ગ્રાહકોનો ધસારો, ભાવ ઘટાડાથી ખરીદદારોમાં ઉત્સાહ ! જુઓ Video