Somanth: શ્રાવણ માસના છેલ્લા સોમવારે ભક્તોની ભારે ભીડ, ગુંજી ઉઠ્યો હર હર મહાદેવનો નાદ

પવિત્ર શ્રાવણ મહિનાનો આજે છેલ્લો દિવસ અને છેલ્લો સોમવાર છે અને સાથે સોમવતી અમાવસ્યાનું પણ અનેરું મહત્વ છે. જેને લઈ રાજ્યના તમામ શિવાલયોમાં ભક્તોની ભારે ભીડ જોવા મળી. સોમનાથ મહાદેવના દરબારમાં ભાવિકોનો હર હર મહાદેવ અને જય સોમનાથનો નાદ ગુંજી ઉઠ્યો હતો.

પવિત્ર શ્રાવણ માસના અંતિમ સોમવાર અને સોમવતી અમાસે સોમનાથ મહાદેવના દરબારમાં ભાવિકો ભીડ જોવા મળી. વહેલી પરોઢે 4 વાગ્યાથી જ શ્રદ્ધાળુઓ દર્શને પહોંચ્યા હતા. ભક્તોના હર હર મહાદેવ અને જય સોમનાથના નાદથી મંદિરનું પરિસર ગૂંજી ઉઠ્યું હતું.

વરૂણ દેવતાએ પણ ધીમી ધારે જાણે સોમનાથ ધામ પર જલાભિષેક કર્યો. ભક્તોએ સોમનાથ દાદાના દર્શન બાદ વિશ્વમાંથી કોરોનાના નાશ થાય અને શાંતિ-સમૃદ્ધિ રહે તેવી પ્રાર્થના કરી.

આ ઉપરાંત આજે શ્રાવણી અમાસ અને સોમવાર હોય સાથે મેઘરાજાની અવિરત વર્ષા સાથે ત્રિવેણી સંગમ પર ભાવિકો ઊમટ્યાં છે. અહી હીરણ કપીલા અને સરસ્વતી ત્રણ પવિત્ર નદીઓના સંગમ પર આજે સ્નાન કરવાનું અનેરૂ મહત્વ મનાય છે. આજે અનેક ભાવિકોએ સંગમ સ્નાન કર્યું છે.

આની સાથે પીપળાને જળ અર્પણ કરી પોતાના સદગત પિતૃઓની મોક્ષની પ્રાર્થના કરી હતી. અનેક ભાવિકો એ પીંડદાન પણ કર્યું હતું. અનેક ભાવીકો એ પોતાના સ્વજનો ના મોત પછી અસ્થી વીસર્જનો પણ કર્યા હતાં. કોરોના મહામારી બાદ સંગમ પર આજે ભારે ભક્તો ઊમટ્યા હતાં

આ પણ વાંચો : ગુજરાત સરકારના કર્મચારીઓના મોંઘવારી ભથ્થામાં 11 ટકાનો વધારો, 28 ટકા મળશે મોંઘવારી ભથ્થું

આ  પણ વાંચો : મુખ્યપ્રધાન વિજય રૂપાણીએ કહ્યું, દેશભરમાં સૌથી ઓછો બેરોજગારી દર ગુજરાતમાં