Dance Deewane 4 : ત્રણ વખત રિજેક્ટ, તો પણ હાર ન માની, ચૈનવીરની સ્ટ્રગલ જોઈને માધુરી દીક્ષિત થઈ ઈમોશનલ

15 વર્ષના ચૈનવીર સિંહે ડાન્સ દીવાનેમાં ત્રણ વખત નસીબ અજમાવ્યું છે. ઓડિશન રાઉન્ડમાં જ દરેક વખતે માધુરી દીક્ષિતે તેને રિજેક્ટ કર્યો હતો. પરંતુ તેમ છતાં જયપુરના ચૈનવીર સિંહે હાર સ્વીકારી ન હતી. ચૈનવીરની માતાનું સપનું હતું કે તેનો પુત્ર ડાન્સર બને અને તેથી જ 3જી સિઝનમાં રિજેક્ટ થવા છતાં તે ડાન્સ દીવાનેની ચોથી સિઝનમાં સામેલ થવા માટે ઓડિશન આપવા આવ્યો હતો.

ડાન્સ પર્ફોર્મન્સથી ઈમ્પ્રેસ કર્યા

ચૈનવીરે માત્ર માધુરી જ નહીં પરંતુ સુનીલ શેટ્ટીને પણ પોતાના ડાન્સ પર્ફોર્મન્સથી ઈમ્પ્રેસ કર્યા હતા. તેમના વખાણ કરતાં ‘ધક ધક ગર્લે કહ્યું છે કે, આ વખતે તમે નસીબથી નહીં પરંતુ યોગ્ય રીતે અહીં પહોંચ્યા છો અને અમે તમારું આ પરિવારમાં સ્વાગત કરીએ છીએ.’

ચૈનવીરના માતા-પિતા પણ આવ્યા

આ ઓડિશનમાં તેને સપોર્ટ કરવા માટે ડાન્સ દીવાનેના સ્ટેજ પર ચૈનવીરના માતા-પિતા પણ આવ્યા હતા. તેમની માતાએ કહ્યું કે, “હું ખુશ છું કે મારો પુત્ર આખરે આગળ વધી રહ્યો છે. બધાનું ખરુ-ખોટું સાંભળીને હું પરેશાન થઈ ગયો હતો. પરિવારના સભ્યો મને ખૂબ સંભળાવતા હતા. તેની પસંદગી નહીં થાય તેવું કહેવામાં આવ્યું હતું. તેના કરતા તો તમે તેને ડૉક્ટર અથવા શિક્ષક બનાવો. એક જ છોકરો હતો જે પણ તમે બગાડી દીધો.”

માધુરી દીક્ષિત થઈ ઈમોશનલ

તેની માતાની વાતને આગળ વધારતા, ચૈનવીરે કહ્યું કે, “સીઝન 3 થી રિજેક્ટ થયા પછી મેં સીઝન 4 માટે તૈયારી કરવાનું શરૂ કર્યું. પરંતુ આ દરમિયાન મારા પગમાં ઈજા થઈ હતી. ડૉક્ટરે કહ્યું કે તમે જે પણ કરી રહ્યા છો, તે તમે કરી શકશો નહીં. ઓપરેશન પછી એક વર્ષ સુધી તમારે કંઈ કરવાનું નથી. હું સાવ ભાંગી પડ્યો હતો. પરંતુ અમે ઓપરેશન કર્યું અને મારી માતાએ ત્રણ મહિનામાં મને મારા પગ ઉપર ઉભો કરી દીધો.

ચૈનવીરે કહ્યું કે, આજે મારા કારણે પ્રથમ વખત મારા માતા-પિતા અહીં ફ્લાઈટમાં બેસીને આવ્યા છે.” ચૈનવીર સિંહની આ સ્ટ્રગલ સ્ટોરી સાંભળીને માધુરી દીક્ષિત અને સુનીલ શેટ્ટી બંને ઈમોશનલ થઈ ગયા હતા.