Samantha Ruth Prabhu : ‘શાકુંતલમ’ની પ્રેસ કોન્ફરન્સમાં સામંથા થઈ પરેશાન, પાપારાઝી પર ભડક્યા ફેન્સ

સાઉથ એક્ટ્રેસ Samantha Ruth Prabhuની ફેન ફોલોઈંગ ખૂબ જ વધારે છે. ‘પુષ્પા’માં ‘ઓ અંટાવા’ ગીત પર તેના આઈટમ નંબર બાદ નોર્થ ભારતમાં પણ તેનો ક્રેઝ વધી રહ્યો છે. આ દિવસોમાં સમંથા તેની આગામી ફિલ્મ ‘શાકુંતલમ’ના પ્રમોશનમાં વ્યસ્ત છે. ગુરુવારે મુંબઈમાં ફિલ્મની પ્રેસ કોન્ફરન્સ યોજાઈ હતી, જે દરમિયાન ફિલ્મનું ટ્રેલર લોન્ચ કરવામાં આવ્યું હતું. પ્રેસ કોન્ફરન્સમાં હાજરી આપ્યા બાદ જ્યારે સામંથા સ્થળની બહાર આવી ત્યારે પાપારાઝીઓએ તેને ઘેરી લીધી હતી.

આ પણ વાંચો : Shaakuntalam : સામંથા રૂથ પ્રભુનું ફિલ્મનું પહેલું પોસ્ટર સામે આવ્યું, અભિનેત્રીની સુંદરતા તમારું દિલ જીતી લેશે

કેમેરાની ફ્લેશ લાઈટને કારણે તે પરેશાન થઈ ગઈ. તે પ્રકાશના તેજને કારણે તેની આંખો ખોલી શકતી ન હતી. આમ છતાં તે હસતી રહી અને પ્રેમથી કહેતી હતી કે તેને તકલીફ થઈ રહી છે. આ વીડિયો વાયરલ થયા બાદ એક તરફ એક્ટ્રેસના વખાણ થઈ રહ્યા છે તો બીજી તરફ લોકો પાપારાઝી પર પોતાનો ગુસ્સો ઠાલવી રહ્યા છે. સામંથાએ થોડા મહિના પહેલા માયોસાઇટિસ નામની બીમારીનો ખુલાસો કર્યો હતો અને કહ્યું હતું કે, તે આ ઓટોઇમ્યુન ડિસઓર્ડરથી પીડિત છે.

એક્ટ્રેસ ફ્લેશ લાઈટથી થઈ પરેશાન

સામંથા રૂથ પ્રભુનો વીડિયો સોશિયલ મીડિયા પર વાયરલ થઈ રહ્યો છે, જેમાં તે જોઈ શકાય છે કે તે મુંબઈમાં આયોજિત તેની આગામી ફિલ્મ ‘શાકુંતલમ’ની પ્રેસ કોન્ફરન્સમાંથી બહાર આવી રહી છે. ત્યાં પહેલેથી જ પાપારાઝીઓની ભીડ હાજર હતી. સાઉથ એક્ટ્રેસને જોતા જ બધાએ ફોટોઝ ક્લિક કરવાનું શરૂ કરી દીધું હતું. સામંથા કેમેરાની સતત થતી ફ્લેશ લાઈટથી પરેશાન થતી જોવા મળી હતી.

Samantha Ruth Prabhu વારંવાર તેના ચહેરા અને આંખોને તેના હાથથી ઢાંકવાનો પ્રયાસ કરતી જોવા મળી હતી. જેથી તે ફ્લેશથી બચી શકે. તે અસ્વસ્થ દેખાતી હતી. તેમ છતાં તેણે સ્મિત કર્યું અને પાપારાઝીને કહ્યું કે, તેને ફ્લેશ સાથે મુશ્કેલી થઈ રહી છે.

ફેન્સ પાપારાઝી પર ગુસ્સે થયા

આ વીડિયો વાયરલ થયા બાદ સામંથાના ફેન્સ પાપારાઝી પર પોતાનો ગુસ્સો ઠાલવી રહ્યા છે. એક યુઝરે કમેન્ટ કરી, ‘ખૂબ દુઃખદ. ફ્લેશ બંધ થવી જોઈએ. અન્ય એક યુઝરે લખ્યું કે, ‘તેને ફ્લેશને કારણે તેની આંખોમાં તકલીફ થઈ રહી છે.’ અન્ય યુઝરે લખ્યું, ‘આ લોકો પર શરમ આવે છે… તે બીમાર છે અને પીડિત છે… ફ્લેશલાઈટ સંભાળી શકતી નથી.’

સમન્થાના આગામી પ્રોજેક્ટ્સ

વર્ક ફ્રન્ટની વાત કરીએ તો, સામંથા ફિલ્મ શાકુંતલમમાં જોવા મળશે. આ તેલુગુ ફિલ્મ 14મી એપ્રિલે સિનેમાઘરોમાં રિલીઝ થઈ રહી છે. જ્યારે તે વરુણ ધવન સાથે ‘સિટાડેલ’ વેબ સિરીઝના ઈન્ડિયન વર્ઝનમાં પણ જોવા મળશે.

મનોરંજન જગતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર

ગુજરાતી સિનેમા, ટેલિવિઝન, બોલિવૂડ, મૂવી રિવ્યુ, વેબ સિરીઝ સાથે જોડાયેલા તમામ સમાચાર જાણવા માટે જોડાયેલા રહો…