IPL દરમિયાન ક્રિકેટર જોસ બટલરે કર્યું આવું કામ, જોઈને યાદ આવશે અનિલ કપૂરની ‘નાયક’નો સીન

2001માં રિલીઝ થયેલી અનિલ કપૂરની ‘નાયક’ તેની લોકપ્રિય ફિલ્મોમાંની એક છે. એક તરફ IPLનો લોકોમાં ભારે ઉત્સાહ જોવા મળી રહ્યો છે. બીજી તરફ ક્રિકેટર જોસ બટલરે અનિલ કપૂરની ફિલ્મનો એક સીન રિક્રિએટ કર્યો છે. તેની આ ક્લિપ ઈન્ટરનેટ પર વાયરલ થઈ છે. અનિલ કપૂરે પોતે આ વીડિયો સોશિયલ મીડિયા પર શેર કર્યો છે, જેને અત્યાર સુધીમાં હજારો લોકો જોઈ ચૂક્યા છે. આ ફની વીડિયો પર લોકો અલગ-અલગ કોમેન્ટ કરી રહ્યા છે.

તમને આ સીન હશે યાદ

જો તમે અનિલ કપૂરની ‘નાયક’ જોઈ હશે, તો તમને તે સીન યાદ હશે. જેમાં પરેશ રાવલે અનિલ કપૂરને રાજકારણમાં આવવાનું કહ્યું હતું. તેની આસપાસ હજારો લોકોની ભીડ છે. આ ભીડ બતાવતા પરેશ રાવલ કહે છે કે આ કોઈ ભાડાની ભીડ નથી.

‘નાયક’નું આઇકોનિક દ્રશ્ય ફરીથી બનાવાયું

‘નાયક’ના આ આઇકોનિક સીનને ક્રિકેટર જોસ બટલરે ફની ટ્વિસ્ટ આપ્યો છે. આ અંગે અનિલ કપૂરની પ્રતિક્રિયા પણ સામે આવી છે. તેણે ફાયર ઈમોજી સાથે આ વીડિયો ક્લિપ શેર કરી છે. વીડિયોમાં જોઈ શકાય છે કે એક વ્યક્તિ જોસ બટલરને એ જ રીતે પ્રેરિત કરી રહ્યો છે જે રીતે પરેશ રાવલે અનિલ કપૂરને એક દિવસ માટે CM બનવા માટે કર્યો હતો. આ વીડિયોમાં ફિલ્મ ‘નાયક’ના બેકગ્રાઉન્ડ મ્યુઝિકનો ઉપયોગ કરવામાં આવ્યો છે.

ફિલ્મ ‘નાયક’ વિશે

‘નાયક’ને એસ. શંકરે દિગ્દર્શન કર્યું હતું. આ ફિલ્મમાં અનિલ કપૂરની સાથે અમરીશ પુરી, પરેશ રાવલ, રાની મુખર્જી, જોની લીવર મહત્વની ભૂમિકામાં હતા. હાલમાં જ અનિલ કપૂર ‘એનિમલ’માં જોવા મળ્યો હતો. આ ફિલ્મે બોક્સ ઓફિસ પર ધૂમ મચાવી હતી. આ સિવાય અનિલ ‘ફાઇટર’માં પણ જોવા મળ્યો હતો. આ ફિલ્મે પણ બોક્સ ઓફિસ પર સારો દેખાવ કર્યો હતો. આ ફિલ્મમાં અભિનેતાએ એરફોર્સ ઓફિસરની ભૂમિકા ભજવી હતી.