Hardik Patel : સામાન્ય પાટીદાર યુવકે ગુજરાતમાં સર્જ્યો રાજકીય ભૂકંપ ! જાણો હાર્દિક પટેલની બાળપણથી રાજકારણ સુધીની સફર
Hardik Patel Resign : છેલ્લા ઘણા સમયથી નારાજ હાર્દિક પટેલે આજે કોંગ્રસ પાર્ટીના તમામ પદ પરથી રાજીનામુ આપ્યુ છે.આ સાથે હાર્દિકે કોંગ્રેક્ષ પક્ષ પર ગંભીર આક્ષેપો પણ લગાવ્યા છે.
ગુજરાત વિધાનસભા ચૂંટણી (Gujarat Election 2022) અગાઉ હાર્દિક પટેલે (Hardik Patel) કોંગ્રસેના (Congress Party) કાર્યકારી અધ્યક્ષ પદેથી રાજીનામુ આપીને ગુજરાતના રાજકારણમાં ભૂકંપ સર્જ્યો છે. હાર્દિક પટેલે કોંગ્રેસના તમામ હોદ્દાઓ પરથી રાજીનામુ આપી દીધુ છે. હાર્દિક પટેલે પોતાના ટ્વીટર અકાઉન્ટ પર રાજીનામાનો (Hardik Patel Resign) પત્ર શેર કર્યો છે. હાર્દિક પટેલે કોંગ્રેસ પક્ષમાંથી રાજીનામું કેમ આપે છે તેના કારણો આ પત્રમાં જણાવ્યા છે. ત્યારે આજે અમે તમને જણાવીશુ કે કઈ રીતે એક સામાન્ય પાટીદાર યુવકે કઈ રીતે એક રાજકારણી તરીકે ઓળખ મેળવી.
1. જીવનનું પહેલુ સ્ટેશન (હાર્દિકનું બાળપણ)
હાર્દિક પટેલનો જન્મ 20 જુલાઈ 1993ના રોજ એક ગુજરાતી પાટીદાર પરિવારમાં(Patidar Family) ભરત અને ઉષા પટેલને ત્યાં થયો હતો. 2004માં તેના માતા-પિતા વિરમગામ રહેવા ગયા. હાર્દિકે KB શાહ વિનય મંદિરમાં જતા પહેલા વિરમગામની દિવ્ય જ્યોત સ્કૂલમાં ધોરણ 6 થી 8મા ધોરણ સુધી અભ્યાસ કર્યો હતો.
2.જીવનનું બીજુ સ્ટેશન (હાર્દિકનો અભ્યાસ)
હાર્દિક પટેલે 12 ધોરણ સુધી વિરમગામમાં અભ્યાસ કર્યો હતો. તે બાળપણમાં (Childwood) ક્રિકેટનો શોખીન હતો ધોરણ 12 પૂર્ણ કર્યા પછી, હાર્દિકે તેના પિતાને વ્યવસાય ચલાવવામાં મદદ કરવાનું શરૂ કર્યું. તમને જણાવી દઈએ કે, તેના પિતા ભરતભાઈ પણ કોંગ્રેસના કાર્યકર હતા.2010માં પટેલ અમદાવાદની સહજાનંદ કોલેજમાં પ્રવેશ લીધો. કોલેજ દરમિયાન તેઓ સ્ટુડન્ટ્સ યુનિયનના જનરલ સેક્રેટરીના હોદ્દા માટે લડ્યા હતા અને બિનહરીફ ચૂંટાયા હતા2013માં, તેમણે બેચલર ઓફ કોમર્સ (B. Com.)ની ડીગ્રી મેળવી હતી.
3.જીવનનું ત્રીજુ સ્ટેશન (હાર્દિક પટેલનો પરિવાર)
હાર્દિક પટેલના પરિવારના સભ્યોમાં પાંચ લોકો છે.જેમાં માતા ઉષા બેન અને પિતા ભરતભાઈ અને એક બહેન તેમજ ધર્મપત્ની કિંજલનો સમાવેશ થાય છે.
4.જીવનનું ચોથું સ્ટેશન (હાર્દિક પટેલ સંગઠનમાં સક્રિય)
31 ઓક્ટોબર 2012ના રોજ, હાર્દિક પટેલ સરદાર પટેલ ગ્રુપ (SPG) માં જોડાયો, જે એક પાટીદાર યુવા સંગઠન છે અને એક મહિના કરતાં પણ ઓછા સમયમાં, તેના વિરમગામ એકમના પ્રમુખ બન્યા.2015માં હાર્દિક પટેલને તેના નેતા લાલજી પટેલ સાથેના સંઘર્ષ બાદ SPG સાથેના તેમના પદ પરથી હાંકી કાઢવામાં આવ્યો હતો.
5 . જીવનનું પાંચમું સ્ટેશન (પાટીદાર આંદોલનથી રાજકારણની સફર શરૂ)
જુલાઈ 2015 માં પટેલની બહેન મોનિકા, રાજ્ય સરકારની શિષ્યવૃત્તિ માટે લાયક બનવામાં નિષ્ફળ રહી. જ્યારે મોનિકાની મિત્ર અન્ય પછાત વર્ગ (OBC) ક્વોટા દ્વારા સમાન શિષ્યવૃત્તિ માટે ક્વોલિફાય થઈ ત્યારે તે નારાજ થઈ ગયો હતો.જે બાદ તેણે પાટીદાર અનામત આંદોલન સમિતિ (PAAS) ની રચના કરી હતી .PAAS ના સમર્થન સાથે હાર્દિકે જુલાઈ 2015 થી શરૂ થયેલા પાટીદાર અનામત આંદોલનનું નેતૃત્વ કર્યું.આ દરમયિાન તેમણે સમગ્ર ગુજરાતમાં અનેક રેલીઓનું આયોજન કર્યું હતું.25 ઓગસ્ટ 2015 ના રોજ, સમગ્ર ગુજરાતમાંથી મોટી સંખ્યામાં પાટીદારો એક રેલી માટે અમદાવાદના જીએમડીસી ગ્રાઉન્ડ ખાતે એકઠા થયા હતા. તે દરમિયાન અમદાવાદ શહેર પોલીસ દ્વારા થોડા સમય માટે તેની ધરપકડ કરવામાં આવી હ.તી જ્યારે તે દિવસની શરૂઆતમાં યોજાયેલી રેલી વિખેરાઈ ગયા બાદ ઉપવાસ પર ઉતર્યો હતો.તેના જવાબમાં રાજ્યમાં હિંસક વિરોધ ફાટી નીકળ્યો, જેના કારણે ગુજરાત રાજ્ય સરકારને કર્ફ્યુ લાદવાની અને ભારતીય સેનાને બોલાવવાની ફરજ પડી હતી.આ આંદોલનથી તેમને ગુજરાતમાં એક અલગ ઓળખ મળી હતી.
બાદમાં હાર્દિક પટેલની 2015ના રાજદ્રોહના કેસમાં અહીંની ટ્રાયલ કોર્ટમાં હાજર રહેવામાં નિષ્ફળ રહેવા બદલ 18 જાન્યુઆરી 2020ના રોજ ફરી ધરપકડ કરવામાં આવી હતી.બાદમાં 2016માં પટેલના નજીકના સાથી ચિરાગ પટેલ અને કેતન પટેલે તેમના પર “વિલાસ” જીવન જીવવા માટે પાટીદાર સમુદાયના ભંડોળનો દુરુપયોગ કરવાનો આરોપ મૂક્યો હતો.
6 . જીવનનું છઠું સ્ટેશન (હાઈકોર્ટે ફટકારી સજા)
25 જુલાઈ 2018ના રોજ ગુજરાત હાઈકોર્ટે તેને રમખાણો, મિલકતને નુકસાન પહોંચાડવા માટે દોષિત ઠેરવ્યો અને 50,000 રૂપિયાના દંડ સાથે બે વર્ષની જેલની સજા ફટકારી હતી. તેના પર ચૂંટણી લડવા પર પ્રતિબંધ મૂકવામાં આવ્યો હતો. જેના કારણે તે અત્યાર સુધી ચૂંટણી લડી શક્યો નથી. આ દરમિયાન 12 એપ્રિલ 2022ના રોજ સુપ્રીમ કોર્ટે તેમની સજા પર રોક લગાવી દીધી છે.
7 .જીવનનું સાતમું સ્ટેશન (હાર્દિક પટેલનું લગ્ન જીવન)
27 જાન્યુઆરી 2019 ના રોજ હાર્દિક પોતાની બાળપણની મિત્ર કિંજલ પરિખ સાથે સુરેન્દ્રનગર જિલ્લામાં(Surendranagar District) આવેલ મૂળી તાલુકાના દિગસર ગામે લગ્નગ્રંથીએ બંધાયા હતા. હાર્દિકનો લગ્ન સમારંભ ખૂબ જ સાદાઈપૂર્વક અને અંગત રાખવામાં આવ્યો હતો, જેમાં 100 જેટલા જ મહેમાનોને આમંત્રિત કરવામાં આવ્યા હતા.
8.જીવનનું આઠમુ સ્ટેશન (કોંગ્રેસમાં હાર્દિકની એન્ટ્રી)
હાર્દિક પટેલે 2017ની ગુજરાત વિધાનસભાની ચૂંટણીમાં (Gujarat Election) ભારતીય રાષ્ટ્રીય કોંગ્રેસના અભિયાનને સમર્થન આપ્યું હતું.12 માર્ચ 2019ના રોજ, તેઓ ભારતીય રાષ્ટ્રીય કોંગ્રેસમાં જોડાયા, પરંતુ 2015માં મહેસાણામાં રમખાણના ગુનામાં દોષિત ઠરવાને કારણે તેમણે 2019ની ભારતીય સામાન્ય ચૂંટણી લડી ન હતી, જેના કારણે તેમને ચૂંટણી લડવા પર પ્રતિબંધ મૂકવામાં આવ્યો હતો. 11 જુલાઈ 2020ના રોજ તેઓ ગુજરાત પ્રદેશ કોંગ્રેસ સમિતિના કાર્યકારી પ્રમુખ તરીકે નિયુક્ત થયા હતા.
9 . જીવનનું નવમુ સ્ટેશન (હાર્દિકે કોંગ્રેસમાંથી છેડો ફાડ્યો)
છેલ્લા ઘણા સમયથી નારાજ હાર્દિક પટેલે આજે કોંગ્રસ પાર્ટીના(Congress Party) તમામ પદ પરથી રાજીનામુ આપ્યુ છે.આ સાથે હાર્દિકે કોંગ્રેક્ષ પક્ષ પર ગંભીર આક્ષેપો પણ લગાવ્યા છે.
