Rent A Tree: આ ગરમીની સીઝનમાં કેરીનું વૃક્ષ ભાડે લો અને ઘરે બેઠા જ મેળવો 90-100 કિલો કેરી!

ગરમીમાં કેરીનું ફળ તાજગી અને મીઠાશનો એક અનોખો અનુભવ આપે છે. ભારતીય ગ્રાહકો હવે માત્ર બજારમાંથી ફળ ખરીદવા નહિ, પરંતુ પોતાના નામ પર કેરીનું વૃક્ષ ભાડે લઈ તેની પૂરી ઉપજ પોતાના ઘરે મેળવી શકે છે.

Rent A Tree શું છે?

કોચીમાં સ્થિત સ્ટાર્ટઅપ Rent A Tree એ આ નવી સેવા શરૂ કરી છે. આ સેવા હેઠળ, ગ્રાહક કોઈ પણ કેરીનું વૃક્ષ ભાડે લઈ શકે છે અને તે વૃક્ષની સીઝનલ ઉપજ જે લગભગ 90 -100 કિ.ગ્રા. સુધી હોય શકે છે, સીધી ઘરે જ ડીલિવરી મેળવી શકે છે. આ સેવા ખાસ કરીને તે લોકો માટે રસપ્રદ છે જે તાજા, ઓર્ગેનિક ખેતી દ્વારા પકવેલા ફળો ઉપયોગ કરવા માંગે છે પરંતુ ખેતી માટે જમીન નથી હોતી.

ઘરે બેઠા મેળવો કેરી

ગ્રાહક ઓનલાઈન પ્લેટફોર્મ દ્વારા પોતાની પસંદનો કેરીનો બગીચો અને વૃક્ષ પસંદ કરી શકે છે. પેકિંગ અને ડિલિવરીની તમામ કામગીરી સાથે કરવામાં આવે છે. ખેડૂત વૃક્ષોની સંભાળ રાખે છે, ફળ તૈયાર થાય ત્યારે તેને પેક કરીને ગ્રાહકના ઘરે પહોંચાડે છે.

A Kochi-based startup, Rent A Tree, lets people lease a mango tree and enjoy the entire harvest without doing any farming. pic.twitter.com/boSWjIJz2l

— Indian Tech & Infra (@IndianTechGuide) March 16, 2026

આ વિચાર માત્ર ગ્રાહકો માટે જ નથી, પરંતુ ખેડૂતો માટે પણ લાભદાયક છે. તેઓ સીધા વેચાણ દ્વારા વધુ મજબૂત મૂલ્ય મેળવી શકે છે અને મિડલ માર્કેટ ચેઇન દૂર રહી શકે છે. સ્ટાર્ટઅપ દ્વારા આપવામાં આવતી સેવા ગ્રાહકોને તાજા, ગુણવત્તાવાળા અને ઓર્ગેનિક ફળો પ્રાપ્ત કરવાની તક આપે છે.

કેરીના વૃક્ષનું કેટલું છે ભાડું?

ભાડે લેવાનું ચાર્જ ₹10,300 થી શરૂ થાય છે અને ગ્રાહક પોતાના બજેટ અને જરૂરિયાત મુજબ પ્લાન પસંદ કરી શકે છે. આ નવા ટ્રેન્ડથી ફળપ્રેમીઓ અને શહેરવાસીઓ વચ્ચે કુદરતી ફળોને લગતી ભાવનાઓને એક નવી દિશા મળી રહી છે.

આ રીતે Rent A Treeની સેવા માત્ર ફળ પ્રદાન નહીં કરે, પરંતુ ખેડૂતોને પણ મજબૂત વ્યવસાયિક માર્ગ આપશે અને શહેરી લોકો માટે ફળ ખેતીનો અનોખો અનુભવ બનાવશે.

Chaitra Navratri 2026: નવરાત્રીના 9 દિવસમાં બની રહ્યા છે વિવિધ શુભ યોગ, જાણો કઇ રાશિને થશે અસર