પહેલા 46,500 ટકા વળતર..હવે 1 શેર પર 10 રુપિયા ડિવિડન્ડ આપશે આ કંપની! રેકોર્ડ ડેટ થઈ જાહેર

ડિવિડન્ડ આપતા સ્ટોક પર નસીબ આજમાવતા રોકાણકારો માટે સારા સમાચાર છે. શ્રી રામ ફાઈનાન્સ લિમિટેડે ફરી એકવાર ડિવિડન્ડ જાહેર કર્યું છે. આ વખતે કંપની 1 શેર પર 10 રૂપિયાનું ડિવિડન્ડ આપી રહી છે. તમને જણાવી દઈએ કે, આ ડિવિડન્ડની રેકોર્ડ ડેટ જાહેર કરવામાં આવી છે. જે ખૂબ નજીક છે.

રેકોર્ડ તારીખ ક્યારે છે?

શ્રીરામ ફાઈનાન્સ લિમિટેડે ફરી એકવાર ડિવિડન્ડ જાહેર કર્યું છે. શેરબજારોને આપવામાં આવેલી માહિતીમાં શ્રી રામ ફાઈનાન્સે 23 જાન્યુઆરી, 2024ના રોજ જણાવ્યું હતું કે 10 રૂપિયાની ફેસ વેલ્યુવાળા શેર પર 10 રૂપિયાનું ડિવિડન્ડ આપવામાં આવશે. તેનો અર્થ એ કે લાયક રોકાણકારોને દરેક શેર પર 100 ટકા નફો મળશે. કંપનીએ કહ્યું છે કે મંગળવાર, 6 ફેબ્રુઆરી રેકોર્ડ ડેટ હશે. એટલે કે, આ દિવસે જે રોકાણકારનું નામ કંપનીની રેકોર્ડ બુકમાં રહેશે તે જ ડિવિડન્ડનો લાભ મેળવશે. આનો અર્થ એ છે કે આજ દિવસ સુધી કંપનીના રોકાણકાર તરીકે જેનું નામ રહેશે તેને જ ડિવિડન્ડનો લાભ મળશે.

અગાઉ 2023માં કંપનીએ 3 વખત ડિવિડન્ડ આપ્યું હતું. ગયા વર્ષે, પાત્ર રોકાણકારોને એક શેર પર રૂ. 55નું ડિવિડન્ડ મળ્યું હતું. તે જ સમયે, 2022 માં પણ શ્રી રામ ફાઇનાન્સે તેના રોકાણકારોને ડિવિડન્ડ આપ્યું હતું.

શેરબજારમાં કેવું રહ્યું પ્રદર્શન?

ગુરુવારે બીએસઈમાં કંપનીના શેરની કિંમત 2306.15 રૂપિયાના સ્તરે હતી. છેલ્લા એક મહિનામાં શ્રી રામ ફાઇનાન્સના શેરના ભાવમાં 13 ટકાથી વધુનો વધારો જોવા મળ્યો છે. તે જ સમયે, આ સ્ટોક છેલ્લા 6 મહિનામાં 27 ટકા રિટર્ન આપવામાં સફળ રહ્યો છે. તમને જણાવી દઈએ કે, ડિવિડન્ડનું વિતરણ કરવા જઈ રહેલા આ શેરની કિંમતમાં 86 ટકાનો વધારો જોવા મળ્યો છે.

શ્રી રામ ફાઇનાન્સનો 52 સપ્તાહનો સૌથી ઊંચો ભાવ રૂ. 2352.95 અને 52 સપ્તાહનો નીચો ભાવ રૂ. 1190 પ્રતિ શેર છે. તે જ સમયે, કંપનીનું માર્કેટ કેપ 86,631.06 કરોડ રૂપિયા છે.

કંપનીએ 46500% વળતર આપ્યું

શ્રીરામ ફાઇનાન્સ લિમિટેડના શેર 1999માં 5 રૂપિયામાં માર્કેટમાં લિસ્ટ થયા હતા. ત્યારથી આ સ્ટોક ઝડપથી વધી રહ્યો છે. અત્યાર સુધી આ કંપનીના શેરે 46,539.84% રિટર્ન આપ્યું છે. 25 વર્ષમાં આ શેર 5 રૂપિયાથી વધીને 2,318 રૂપિયા પ્રતિ શેર થયો છે. આ શેરે એક મહિનામાં 13 ટકાનું વળતર આપ્યું છે. તેણે છ મહિનામાં 28 ટકા અને એક વર્ષમાં 87 ટકા વળતર આપ્યું છે.

પાંચ વર્ષમાં આટલો નફો

શ્રીરામ ફાઇનાન્સ લિમિટેડે પાંચ વર્ષમાં 127 ટકા વળતર આપ્યું છે. કંપનીનું માર્કેટ કેપ 870.76 બિલીયન રૂપિયા છે. આ કંપનીનું 52 સપ્તાહનું ઉચ્ચ સ્તર રૂ. 2,352.95 અને નિમ્ન સ્તર રૂ. 1,190 પ્રતિ શેર છે.