Sabka Sapna Money Money : Small Cap Funds શું છે ? તેમાં રોકાણ કરવુ જોખમી છે ? જાણો કેટલુ રિટર્ન મળશે
સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) મુજબ, સ્મોલ કેપ સ્કીમોએ તેમની કુલ સંપત્તિના ઓછામાં ઓછા 80 ટકા સ્મોલ કેપ કંપનીઓમાં રોકાણ કરવું જરૂરી છે. વધુમાં સેબી સ્મોલ કેપ કંપનીઓને એવી કંપનીઓ તરીકે વ્યાખ્યાયિત કરે છે કે જેનું માર્કેટ કેપિટલાઇઝેશનના સંદર્ભમાં 250થી ઓછું રેન્કિંગ હોય.
Mutual Funds : શેરબજારમાં કંપનીઓને કેપના આધારે વર્ગીકૃત કરવામાં આવે છે. કેપ એટલે કેપિટલાઇઝેશન. કોઈપણ કંપનીના શેરની (share) સંખ્યાને તેમના બજાર મૂલ્ય સાથે ગુણાકાર કરવાથી તે કંપનીનું કેપિટલાઇઝેશન પ્રાપ્ત થાય છે. આ રીતે કંપનીઓનું કેપિટલાઇઝેશન (Capitalization) શેરબજાર દ્વારા નિર્ધારિત તેમની કિંમત બતાવે છે. કેપિટલાઇઝેશનના આધારે આ કંપનીઓને ત્રણ કેટેગરીમાં રાખવામાં આવે છે (Large Cap, Mid Cap and Small Cap). જો તમે પણ શેરબજારમાં રસ ધરાવો છો અને તેમાં રોકાણ કરવાની યોજના બનાવી રહ્યા છો. તો તમારે લાર્જ કેપ, મિડ કેપ અને સ્મોલ કેપ વિશે જાણવું જ જોઈએ.
આ પણ વાંચો-Govt Scheme : નાના પાયે વ્યવસાય કે રોજગાર કરવો છે ? સરકારની આ યોજના તમને થશે મદદરુપ
Small Cap Funds શું છે ?
જે કંપનીઓનું માર્કેટ કેપિટલાઇઝેશન રૂ. 2000 કરોડથી ઓછું છે તે સ્મોલ કેપ કેટેગરીમાં આવે છે. આ કંપનીઓ ભવિષ્યમાં મિડ-કેપ બનવાની ક્ષમતા ધરાવે છે. સ્મોલ-કેપ કંપનીઓ ઉચ્ચ જોખમ અને ઉચ્ચ વળતરવાળા સ્ટોક રોકાણો છે. તેમની વૃદ્ધિ ખૂબ જ ઝડપી છે, પરંતુ જો વસ્તુઓ સારી રીતે ન થાય તો તેમને મોટા નુકસાનનો સામનો કરવો પડી શકે છે.
સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) મુજબ, સ્મોલ કેપ સ્કીમોએ તેમની કુલ સંપત્તિના ઓછામાં ઓછા 80 ટકા સ્મોલ કેપ કંપનીઓમાં રોકાણ કરવું જરૂરી છે. વધુમાં સેબી સ્મોલ કેપ કંપનીઓને એવી કંપનીઓ તરીકે વ્યાખ્યાયિત કરે છે કે જેનું માર્કેટ કેપિટલાઇઝેશનના સંદર્ભમાં 250થી ઓછું રેન્કિંગ હોય. નાણાકીય દ્રષ્ટિએ, આ કંપનીઓ રૂ. 500 કરોડથી ઓછી મૂડી ધરાવતી હોય છે. એ નોંધવું અગત્યનું છે કે સ્મોલ કેપ ફંડમાં ઘણું જોખમ હોય છે. બજારમાં થોડી અસ્થિરતા પણ સ્મોલ કેપ કંપનીઓના શેરના ભાવ પર ભારે અસર કરે છે.
જોખમ લેવાની ક્ષમતા હોય તો સ્મોલ કેપમાં રોકાણ કરો
એક વાત સ્પષ્ટ છે. જો તમારી પાસે વધારે જોખમ લેવાની ક્ષમતા છે તો જ તમારે સ્મોલ કેપ મ્યુચ્યુઅલ ફંડ પસંદ કરવું જોઈએ. સામાન્ય રીતે રોકાણ સલાહકારો રોકાણકારોને તેમના પોર્ટફોલિયોનો નાનો ભાગ સ્મોલ કેપ્સમાં રાખવાની ભલામણ કરે છે. એવુ એટલા માટે કે સ્મોલ કેપ શેરો જંગી વળતર મેળવવાની વિશાળ તક આપે છે. સ્મોલ કેપ સ્કીમમાં રોકાણ કરતી વખતે ધીરજ રાખવાની જરૂર છે. દેશની આગામી મોટી કંપની બનતા પહેલા નાની કંપનીઓને સમયની જરૂર પડી શકે છે અને તેઓ તમને તમારા રોકાણ પર મોટું વળતર આપવામાં મદદ કરી શકે છે.
(નોંધ: મ્યુચ્યુઅલ ફંડમાં રોકાણ બજારના જોખમોને આધીન છે. રોકાણ કરતા પહેલા નિષ્ણાંતની સલાહ લો.)
