Iran Israel War : ભારત અને વૈશ્વિક સ્તરે સોનાના ભાવ ઓલ ટાઇમ હાઇ લેવલ પર, 9 દિવસમાં થયો આટલો વધારો

છેલ્લા કેટલાક સમયથી સોનાના ભાવમાં જોરદાર ઉછાળો જોવા મળી રહ્યો છે. વૈશ્વિક સ્તરથી લઈને ભારત સુધી, સોનાના દરો તેમના ઓલ ટાઈમ હાઈ લેવલ પર પહોંચી ગયા છે. આ ઉપરાંત ચાંદીના ભાવમાં પણ રેકોર્ડ વધારો જોવા મળ્યો છે. હવે ઈરાન અને ઈઝરાયેલ વચ્ચેના યુદ્ધને કારણે સોનાની કિંમતમાં વધારો થવાની સંભાવના છે. નિષ્ણાતો માને છે કે સોના અને ચાંદીના ભાવમાં વધુ વધારો થઈ શકે છે.

માર્ચમાં 10 ટકાના વધારા બાદ એપ્રિલમાં પણ સોનાના ભાવમાં રેકોર્ડ વધારો જોવા મળ્યો છે. ફેડરલ રિઝર્વ દ્વારા જાહેર કરાયેલા ફુગાવાના આંકડા બાદ સોનાના ભાવમાં વધારાને વધુ વેગ મળ્યો છે. હવે ઈઝરાયેલ અને ઈરાન વચ્ચે વધતા તણાવને કારણે ફરી સોનાની કિંમતમાં વધારો થવાની સંભાવના છે.

રેકોર્ડ સ્તરે પહોંચ્યું છે સોનું

12 એપ્રિલના રોજ કોમેક્સ ગોલ્ડ જૂન વાયદો ટ્રોય ઔંસ દીઠ $2,308.8 હતો, જ્યારે MCX પર ભાવ 10 ગ્રામ દીઠ રૂપિયા 73,958 નોંધાયો હતો, જે તેનો રેકોર્ડ હાઈ લેવલ છે. જ્યારે એમસીએક્સ પર મે વાયદા માટે ચાંદીનો ભાવ પ્રતિ 1 કિલો રૂપિયા 86,126 હતો. ફેબ્રુઆરીમાં ચાંદીમાં લગભગ 10 ટકા અને એપ્રિલમાં 5 ટકાનો વધારો થયો છે.

Web Stories View more

ગોરસ આંબલી ખાવાથી થાય છે અઢળક ફાયદા, જાણો

TEA : ઉનાળાની ગરમીમાં કેટલી વાર પીવી જોઈએ ચા?

આજનું રાશિફળ તારીખ : 30-04-2024

Bank Of Baroda માંથી 50 લાખની હોમ લોન પર EMI કેટલી ચૂકવવી પડશે

ભારતના 5 રાજ્યો જ્યાં તમામ મુસ્લિમોને મળી રહ્યો છે અનામતનો લાભ

ગરમીમાંથી ઘરે પરત ફર્યા પછી ના કરતા આવી ભૂલો, સ્વાસ્થ્ય પર થશે ગંભીર અસર

એપ્રિલમાં સોનું અને ચાંદી આટલા મોંઘા થઈ ગયા હતા

સોનાના દરની વાત કરીએ તો દિલ્હીમાં 24 કેરેટ સોનાનો ભાવ 74 હજાર રૂપિયાની ઉપર પહોંચી ગયો છે. એપ્રિલમાં એટલે કે લગભગ 9 દિવસમાં સોનાનો ભાવ 70,605 રૂપિયા પ્રતિ 10 ગ્રામથી 3765 રૂપિયા વધીને 74,370 રૂપિયા પ્રતિ 10 ગ્રામ થઈ ગયો છે. એ જ રીતે ચાંદીના ભાવમાં પણ ઝડપથી વધારો થયો છે. 1 એપ્રિલે બજારમાં ચાંદીની બુલિયનની કિંમત 78 હજાર રૂપિયા પ્રતિ કિલોગ્રામ હતી, પરંતુ હવે તે 85 હજાર 500 રૂપિયા પ્રતિ કિલો સુધી પહોંચી ગઈ છે.

ઈઝરાયેલ અને ઈરાન વચ્ચેના તણાવને કારણે સોનાના ભાવ કેમ વધશે?

વાસ્તવમાં સોના અને ચાંદીને સલામત રોકાણ ગણવામાં આવે છે. આવી સ્થિતિમાં યુદ્ધ અથવા વધતી મોંઘવારી વચ્ચે, લોકો વધુ જોખમ લીધા વિના સોના અને ચાંદીમાં રોકાણ કરવાનું પસંદ કરે છે. હવે ઈરાન અને ઈઝરાયેલ વચ્ચેના યુદ્ધને કારણે સોનાની માગ ઝડપથી વધી રહી છે, જેના કારણે તેના દરમાં પણ વધારો થશે.

લગ્નની સિઝન પણ શરૂ થઈ રહી છે

ભારતમાં પણ જ્વેલરીની માગ વધવાની છે. કારણ કે લગ્નની સિઝન પણ શરૂ થવા જઈ રહી છે. આવી સ્થિતિમાં ઘણું સોનું અને ચાંદીની ખરીદી શક્ય છે. વર્ષ 2022માં 1,081.9 ટન અને 2023માં 1,037.4 ટનની રેકોર્ડ ખરીદી થઈ હતી. જેના કારણે 2024માં પણ રેકોર્ડ ખરીદીની અપેક્ષા છે. તેથી સોનાની કિંમતમાં વધુ વધારો થઈ શકે છે.