હલવા સેરેમની બાદ ‘લોક’ થયા નાણા મંત્રાલયના અધિકારીઓ, હવે બજેટ રજૂ થયા બાદ જ જઈ શકશે ઘરે, જાણો કારણ
હલવા સેરેમની બજેટની અંતિમ તૈયારીઓની શરૂઆત માનવામાં આવે છે. તેથી બજેટના કામ સાથે સંકળાયેલા અધિકારીઓ કડક દેખરેખ હેઠળ રહે છે, જેથી કોઈ માહિતી લીક ન થાય. સાથે જ નાણામંત્રીએ પણ કડક નિયમોનું પાલન કરવું પડે છે.
નાણા મંત્રી નિર્મલા સીતારમણે આજે નાણા મંત્રાલયમાં બજેટ પહેલા પરંપરાગત ‘હલવા સેરેમની’ ઉજવી હતી. તેમાં નાણાં મંત્રાલયના ઘણા અધિકારીઓએ પણ ભાગ લીધો હતો. નાણામંત્રીએ પોતે મંત્રાલયના અધિકારીઓને હલવો વહેંચ્યો હતો. આ ‘હલવા સેરેમની’ સાથે હવે બજેટની તૈયારીઓ સાથે જોડાયેલા અધિકારીઓને નાણા મંત્રાલયના પરિસરમાં જ ‘લોક’ કરી દેવામાં આવશે.
હલવા સેરેમની બજેટની અંતિમ તૈયારીઓની શરૂઆત માનવામાં આવે છે. તેથી બજેટના કામ સાથે સંકળાયેલા અધિકારીઓ કડક દેખરેખ હેઠળ રહે છે, જેથી કોઈ માહિતી લીક ન થાય. સાથે જ નાણામંત્રીએ પણ કડક નિયમોનું પાલન કરવું પડે છે.
હલવા સેરેમની પછી નાણા મંત્રાલયની નોર્થ બ્લોક ઓફિસ બંકરમાં પરિવર્તિત થઈ ગઈ છે. અહીં કામ કરતા અધિકારીઓ અને કર્મચારીઓને ન તો ફોન પર વાત કરવાની છૂટ છે, ન તો તેઓ ઘરે જઈ શકે છે અને ન તો તેમની પાસે મોબાઈલ ફોન હોય છે. એટલું જ નહીં, કોઈને પણ ઓફિસ પરિસરની બહાર જવાની પરવાનગી નથી.
Halwa ceremony marking lock-in of Budget documents held at North Block
Read @ANI Story | https://t.co/gBW8RgBh8b#HalwaCeremony #Budget2024 #NirmalaSitharaman #IndiaBudget pic.twitter.com/41zZHVlKN3
— ANI Digital (@ani_digital) July 16, 2024
બજેટની તૈયારીમાં લાગેલા અધિકારીઓ અને કર્મચારીઓ સંસદમાં નાણામંત્રીનું બજેટ ભાષણ પૂરું ન થાય ત્યાં સુધી અહીં જ રહેશે. બજેટ રજૂ થયા બાદ જ તેઓ પોતાના ઘરે જઈ શકશે. ઈમરજન્સીના કિસ્સામાં જ તેમને ઘરે જવાની મંજૂરી આપી શકાય છે, પરંતુ તે માટે પણ ખૂબ કડક દેખરેખ રાખવામાં આવે છે. આ દરમિયાન અધિકારીઓ કે કર્મચારીઓને તેમના ઘરે વાત કરવી હોય તો તે હાઈ સિક્યોરિટી લેન્ડલાઈન દ્વારા જ થાય છે.
બજેટનું પ્રિન્ટીંગ નોર્થ બ્લોકમાં હલવા વિધિથી શરૂ થાય છે. આ સમારોહ બજેટની તૈયારીઓ સાથે સંકળાયેલ ‘અધિકારીઓ અને કર્મચારીઓને દુનિયાથી દૂર રાખવા’ની પ્રક્રિયાના ભાગરૂપે ઉજવવામાં આવે છે. આ તમામ અધિકારીઓ અને કર્મચારીઓ સંસદમાં બજેટ રજૂ ન થાય ત્યાં સુધી નોર્થ બ્લોકના ભોંયરામાં જ રહે છે. એટલે કે હવે આ બધા લોકો 23 જુલાઈ પછી જ અહીંથી બહાર જઈ શકશે.
