અદાણીએ ડ્રોન કંપનીને આપ્યો મોટો ઓર્ડર, આજે શેરની હલચલ પર રાખજો નજર

DroneAcharya Aerial Innovation Limited એ ગૌતમ અદાણી ગ્રુપની કંપની સાથે એક મોટો સોદો કર્યો છે. આ ડીલના સમાચાર વચ્ચે મંગળવારે ડ્રોન આચાર્યના શેરમાં લગભગ 4 ટકાનો ઘટાડો થયો હતો. સપ્તાહના બીજા ટ્રેડિંગ દિવસે આ શેર અગાઉના રૂપિયા 151.85ના બંધની સરખામણીએ ઘટીને રૂપિયા 142.25 પર આવી ગયો હતો.

અદાણી સાથે શું ડીલ કરવામાં આવી ?

DroneAcharya Aerial Innovations Limitedને DGCA પ્રમાણિત ડ્રોન પાઈલટ તાલીમ માટે અદાણી તરફથી સર્વિસ ઓર્ડર મળ્યો છે. સર્વિસ ઓર્ડરમાં DGCA પ્રમાણિત ડ્રોન પાઇલટ તાલીમનો સમાવેશ થાય છે. કંપનીએ એક નિયમનકારી ફાઇલિંગમાં જણાવ્યું હતું. પ્રતિક શ્રીવાસ્તવ, સ્થાપક અને મેનેજિંગ ડિરેક્ટર, ડ્રોન આચાર્યએ જણાવ્યું હતું કે  અદાણી જેવા મોટા ખેલાડીઓ દ્વારા ડ્રોનનો ઉપયોગ નોંધપાત્ર પ્રગતિ સૂચવે છે. તે જ સમયે તે કંપનીઓને આ નવીનતમ તકનીક અપનાવવા માટે પ્રેરિત કરશે. આ ઓર્ડર દ્વારા અદાણી જૂથ તેના વિવિધ વ્યવસાયોમાં મેપિંગ, મોનિટરિંગ અને નિરીક્ષણ ઉદ્દેશ્યોને પૂર્ણ કરી શકશે.

તાજેતરમાં જ કંપનીને સંરક્ષણ મંત્રાલય તરફથી તાલીમ સેવાઓ આપવાનો કોન્ટ્રાક્ટ મળ્યો છે. કંપનીના જણાવ્યા અનુસાર આ કોન્ટ્રાક્ટ ફર્સ્ટ પર્સન વ્યૂ (FPV) ડ્રોનના વધતા મહત્વ અને ભારતીય સેના દ્વારા મિશન માટે તેમના વધતા ઉપયોગને દર્શાવે છે. 15-દિવસના તાલીમ કાર્યક્રમમાં સિમ્યુલેટર તાલીમ અને પ્રાયોગિક ઓન-ગ્રાઉન્ડ ડ્રોન ઉડાવવાનો સમાવેશ થશે. કાર્યક્રમ પૂરો થવા પર ઉમેદવારોને પ્રમાણપત્ર આપવામાં આવશે.

IPO ડિસેમ્બર 2022માં આવ્યો હતો

DroneAcharya Aerial Innovations Limitedનો IPO ડિસેમ્બર 2022માં શેર દીઠ ₹54ના ઈશ્યૂ ભાવે લોન્ચ કરવામાં આવ્યો હતો. તે જ સમયે 23 ડિસેમ્બર, 2022 ના રોજ શેર લગભગ 90 ટકાના પ્રીમિયમ પર લિસ્ટ થયો હતો. કંપનીના શેર પ્રતિ શેર ₹52-54ના પ્રાઇસ બેન્ડ સામે ₹102 પર લિસ્ટ થયા હતા.

ડિસ્ક્લેમર : tv9 દ્વારા અત્રે એ વાતની સ્પષ્ટતા કરવામાં આવે છે કે શેરબજારનું રોકાણ  આર્થિક જોખમોને આધીન હોય છે. બજારમાં નફાના અંદાજ સાથે કરાયેલ રોકાણમાં હંમેશા નફો નહીં પણ નુકસાનનો સામનો પણ કરવો પડી શકે છે. અમારી સલાહ છે કે રોકાણ કરતા પહેલા હંમેશા નિષ્ણાતની સલાહ લેવી જરૂરી છે.

બિઝનેસ સહિતના સમાચાર વાંચવા અહીં ક્લિક કરો