હવામાન નિષ્ણાંત અંબાલાલ પટેલની મોટી આગાહી, ગુજરાતના આ ભાગોમાં ફરી થશે માવઠુ – Video

હવામાન નિષ્ણાંત અંબાલાલ પટેલે રાજ્યના વાતાવરણને લઈને મોટી આગાહી કરી છે. ખેડૂતોને વધુ એક માવઠાનો માર સહન કરવો પડી શકે છે. રાજ્યમાં 17 થી 24 ઓક્ટોબર દરમિયાન વિવિધ ભાગોમાં વરસાદની શક્યતા છે. રાજ્યમાં દક્ષિણ ગુજરાત અને સૌરાષ્ટ્રમાં માવઠાના એંધાણ છે.

કચ્છ અને પંચમહાલ જિલ્લામાં પણ માવઠાની શક્યતા છે. ઉત્તર ગુજરાતના કેટલાક વિસ્તારોમાં પણ વરસાદ વરસી શકે છે. કેટલાક વિસ્તારોમાં ગાજવીજ સાથે વરસાદની શક્યતા છે. આ તરફ દરિયાખેડૂઓને પણ સાવચેત રહેવાની સૂચના આપવામાં આવી છે.

દિવાળી દરમિયાન રાજ્યમાં વાદળછાયુ વાતાવરણ રહેશે. 1 થી 7 નવેમ્બરે વાતાવરણ વાદળછાયુ રહેશે. બંગાળના ઉપસાગરમાં વાવાઝોડાની અસરને કારણે ગુજરાતમાં કમોસમી વરસાદ આવી શકે છે. નવેમ્બર, ડિસેમ્બરમાં ઠંડી વચ્ચે પણ માવઠાના એંધાણ છે. ઠંડી અને કમોસમી વરસાદને લઈને પાકને નુકસાનની ભીતિ રહેલી છે.

આ તરફ 22 થી 24 ઓક્ટોબર દરમિયાન બંગાળના ઉપસાગરમાં ભારે વાવાઝોડુ ફુંકાવાની શક્યતા છે. ઉત્તરીય પર્વતિય વિસ્તારોમાં પશ્ચિમી વિક્ષેપ આવશે. જેના કારણે બરફ પડશે અને ઠંડી વધશે. દક્ષિણ ગુજરાત, સૌરાષ્ટ્ર, પંચમહાલ તેમજ ઉત્તર ગુજરાતમાં કમોસમી વરસાદ થવાની શક્યતા છે. બપોર પછી ગાજવીજ સાથે વરસાદ આવી શકે છે.

Input Credit- Ravindra Bhadoria- Gandhinagar 

ગુજરાતના તમામ જિલ્લાના સમાચાર વાંચવા માટે અહીં ક્લિક કરો