ગીરનાર પર્વતના પગથિયા પરથી ઝરણાં વહેતા હોય તેવા નયનરમ્ય દૃશ્યો સર્જાયા – જુઓ Video
જુનાગઢમાં અત્યાર સુધીમાં 38 ઈંચથી વધુ વરસાદ ખાબકી ગયો છે. આજના દિવસે જિલ્લાના તમામ દસે દસ તાલુકામાં અડધો ઈંચથી લઈને 7 ઈંચ જેટલો વરસાદ ખાબક્યો. આ તરફ ગીરનાર પર્વત પરથી ઝરણા વહેતા હોય તેવો નયનરમ્ય નજારો જોવા મળ્યો.
જુનાગઢમાં અત્યાર સુધીમાં 38 ઈંચથી વધુ વરસાદ ખાબકી ગયો છે. આજના દિવસે જિલ્લાના તમામ દસે દસ તાલુકામાં અડધો ઈંચથી લઈને 7 ઈંચ જેટલો વરસાદ ખાબક્યો. આ તરફ ગીરનાર પર્વત પરથી ઝરણા વહેતા હોય તેવો નયનરમ્ય નજારો જોવા મળ્યો.
જુનાગઢમાં અત્યાર સુધીમાં મેઘરાજાએ ધમાકેદાર બેટીંગ કરતા 38 ઈંચથી વધુ વરસાદ ખાબકી ગયો છ. આજના દિવસે જિલ્લાના તમામ તાલુકામાં 7 ઈંચ સુધીનો વરસાદ પડ્યો છે. ગીરનાર પર્વત પર પણ સારો વરસાદ થતા પર્વતના પગથિયા પરથી વરસાદી પાણી વહેતા થતા ઝરણાં વહેતા હોય તેવા રમણીય દૃશ્યો જોવા મળ્યા છે. વરસાદી સિઝનમાં ગીરનાર પર્વતનો અદ્દભૂત નજારો જોવા મળે છે. પ્રકૃતિ લીલી ચુંદડી ઓઢીને સોળે કળાએ ખીલી હોય તેવા આહ્લદક દૃશ્યો જોવા મળે છે.
આ તરફ જિલ્લામાં અવિરત વરસાદથી અનેક વિસ્તારો જળમગ્ન બન્યા છે. માણાવદર હોય કે ઘેડ જળહોનારત જેવી સ્થિતિ સર્જાઈ છએ. અહીંના તમામ ગામો જળ બંબાકાર બન્યા છે. ધુંધવી નદીમાં પાણી આવતા જિંજરી ગામમાં નદીએ કેર વરસાવ્યો છે. નદીમાં પૂરની સ્થિતિ સર્જાતા જિંજરી, ઇન્દ્રા, ભિંડોરા સહિત અનેક ગામ સંપર્ક વિહોણા થઈ ગયા છે. ઓઝત અને ઉબેણ નદીમાં પણ જળસ્તર વધી રહ્યા છે અને લોકોની ચિંતા પણ વધી રહી છે.
આ તરફ માળિયાહાટીનામાં ભારે વરસાદ થતા જળબંબાકાર છે. ફલકુંના વોકળામાં પાણી આવતા નીચાણવાળા વિસ્તારોની સ્થિતિ બદથી બદતર છે.. સ્ટેશન પ્લોટ, પટેલ સમાજ, માધવ નગર સહિતના વિસ્તારો પાણી પાણી છે.. માળિયાહાટીના ગાર્ડનમાં પાણી ભરાતા તળાવ જેવા દ્રશ્યો દેખાયા.
Input Credit- Vijaysinh Parmar- Junagadh
