જૂનાગઢમાં દુષ્કર્મ કેસના કેદીએ ઝેરી દવા પીને કરી આત્મહત્યા, જુઓ Video

જૂનાગઢમાં દુષ્કર્મના આરોપીએ આત્મહત્યા કરી હોવાનુ સામે આવ્યું છે. સાત દિવસના પેરોલ મળતા આરોપી ઘરે આવ્યો હતો. પેરોલ પૂર્ણ થતાં ફરી જેલમાં ન જવું પડે એટલે પગલું ભર્યું હોવાનું પ્રાથમિક રીતે સૂત્રો દ્વારા માહિતી મળી છે.

ઝેરી દવા પીને ઘરમાં જ આત્મહત્યા કરી લીધી. મીતુલ બારૈયા નામના આરોપીનું મોત થયું છે. જોકે ઘટના ને લઈ હવે પોલીસ આ બાબતે કાર્યવાહી કરી રહી છે.

કેદીને 7 દિવસની પેરોલ કઈ શરતોને આધીન મળે છે ?

• પેરોલ એ અધિકાર નથી, તે વહીવટીતંત્રની વિવેકાધીન સત્તા છે.
• પેરોલનો હેતુ માનવતાના ધોરણે મદદ કરવાનો છે.
• પેરોલના સમયગાળા દરમિયાન કેદીએ સારું વર્તન જાળવવું પડશે.

પેરોલ મેળવવા માટે કેદી અથવા તેના પરિવારના સભ્યો પેરોલ માટે જેલ પ્રશાસનને અરજી કરે છે. પેરોલનો સમયગાળો (દા.ત. 7 દિવસ) અને તેના માટેનું કારણ અરજીમાં સ્પષ્ટપણે ઉલ્લેખિત હોય છે.

કારણો નીચેનામાંથી કોઈપણ હોઈ શકે છે:

• પરિવારમાં કોઈનું મૃત્યુ અથવા ગંભીર બીમારી
• લગ્ન, જન્મ, અથવા અન્ય મહત્વપૂર્ણ કુટુંબ ઘટના
• ખેતી અથવા અન્ય આવશ્યક કામ
• અન્ય માનવતાવાદી આધારો

જેલ પ્રશાસન અરજીમાં આપેલા કારણોની તપાસ કરે છે. અરજીમાં આપવામાં આવેલી માહિતી સાચી છે કે નહીં તેની ચકાસણી સંબંધિત પોલીસ સ્ટેશન અથવા વહીવટી અધિકારીઓ પાસેથી કરવામાં આવે છે.