મુખ્યમંત્રી જશે વડોદરા, વિશ્વામિત્રી નદીમાં ચાલી રહેલી કામગીરીની કરશે સમીક્ષા- Video

વડોદરામાં ગત વર્ષે ચોમાસા દરમિયાન વિશ્વામિત્રીના પાણી સમગ્ર શહેરમાં ફરી વળતા અનેક લોકોના ઘરોમાં પાણી ઘુસી ગયા હતા. અનેક લોકોને ભારે નુકસાની અને ખાનખરાબ વેઠવાનો વારો આવ્યો હતો. જે બાદ શહેરીજનોએ કોર્પોરેશનની કામગીરી સામે સવાલ ઉઠાવ્યા હતા. શહેરીજનોને આવી પૂરનો ફરી સામનો કરવો ન પડે તે માટે વિશ્વામિત્રીમાં થયેલા દબાણોને દૂર કરી નદીમાં વાઈડનિંગની કામગીરી ચાલી રહી છે.

આ કામગીરીની સમીક્ષા માટે આવતીકાલે(02.05.2025) સીએમ ભૂપેન્દ્ર પટેલ વડોદરા જશે અને નદીમાં ચાલી રહેલી કામગીરીનું નિરીક્ષણ કરશે. વિશ્વામિત્રી નદી શહેરમાંથી 24 કિલોમીટર લાંબી પસાર થાય છે. નદીના વિસ્તરણ અને સુધારણા માટે પુરઝડપે કામગીરી ચાલી રહી છે. મુખ્યમંત્રી આ કામગીરીનો સમીક્ષા કરશે અને અધિકારીઓ સાથે ચર્ચા કરશે. તેમની મુલાકાત દરમિયાન મંગલ પાંડે બ્રિજની પણ મુલાકાત લેવાની શક્યતા છે. મુખ્યમંત્રીની મુલાકાતને ધ્યાનમાં રાખીને વડોદરા તંત્ર દ્વારા તડામાર તૈયારીઓ કરવામાં આવી રહી છે. આ વિકાસ કાર્યો શહેરના પાણીના નિકાલ અને પર્યાવરણ સુધારણામાં મહત્વનો ભાગ ભજવશે.

ગુજરાતના તમામ જિલ્લાના સમાચાર વાંચવા માટે અહીં ક્લિક કરો