IPL Controversy News: IPLની સૌથી શરમજનક પળ, Harbhajanની એક ભૂલ અને આખી સીઝન થઈ હતી બરબાદ

ભારતીય ક્રિકેટના ઈતિહાસમાં Indian Premier League (IPL)ની પહેલી સીઝન 2008 દરમિયાન એક એવી ઘટના બની હતી, જેને આજે પણ “સ્લેપગેટ” તરીકે યાદ કરવામાં આવે છે. આ વિવાદાસ્પદ ઘટનામાં Harbhajan Singhએ S. Sreesanthને થપ્પડ મારી હતી.

હરભજન સિંહે શ્રીસંતને થપ્પડ મારી દીધી

આ ઘટના 25 એપ્રિલ 2008ના રોજ મોહાલીમાં મુંબઈ ઇન્ડિયન્સ અને કિંગ્સ ઇલેવન પંજાબ વચ્ચેની મેચ બાદ બની હતી. મેચમાં મુંબઈ ઇન્ડિયન્સને હારનો સામનો કરવો પડ્યો હતો. મેચ પૂર્ણ થયા પછી ખેલાડીઓ હાથ મિલાવી રહ્યા હતા, ત્યારે અચાનક હરભજન સિંહે શ્રીસંતને થપ્પડ મારી દીધી. જે દૃશ્યએ સૌને ચોંકાવી દીધા હતા.

“સેન્ડ-ઓફ”ને કરતી વખતે હરભજન ગુસ્સે થયો

અહેવાલો મુજબ, મેચ દરમિયાન શ્રીસંતના આક્રમક વર્તન અને “સેન્ડ-ઓફ”ને કરતી વખતે હરભજન ગુસ્સે થઈ ગયો હતો. જોકે, આ ઘટનાએ IPLની ઈમેજને મોટો ઝટકો આપ્યો હતો.

આ ઘટનાના ગંભીર પરિણામો પણ આવ્યા હતા. હરભજન સિંહ પર IPLની બાકીની સીઝન માટે પ્રતિબંધ મૂકવામાં આવ્યો હતો, જે કુલ 11 મેચનો હતો. ઉપરાંત, Board of Control for Cricket in India (BCCI)એ તેને 5 વનડે મેચ માટે પણ સસ્પેન્ડ કર્યો હતો.

CCTV ફૂટેજ સામે આવ્યા

વર્ષો સુધી આ ઘટનાનો કોઈ જાહેર વીડિયો સામે આવ્યો નહોતો. પરંતુ 2025માં ભૂતપૂર્વ IPL કમિશનર Lalit Modiએ CCTV ફૂટેજ જાહેર કર્યો, જેમાં આ ઘટના સ્પષ્ટ રીતે જોવા મળી હતી.

જુઓ Video…

The famous slap in my podcast with @MClarke23 on #beyond23 – part 3 of my podcast. I love @harbhajan_singh – but after 17 years it was time to reveal it. Lots and lots more to reveal but that will now only be in the movie that’s in the works supervised by @SnehaRajani on my… pic.twitter.com/EhPaIRAZ0F

— Lalit Kumar Modi (@LalitKModi) August 29, 2025

(Credit Source: @LalitKModi)

પછી હરભજન સિંહે આ ઘટનાને પોતાની કારકિર્દીની સૌથી મોટી ભૂલ ગણાવી અને અનેક વખત જાહેરમાં માફી પણ માંગી હતી. આજ સુધી આ “સ્લેપગેટ” IPLના સૌથી ચર્ચિત વિવાદોમાંથી એક ગણાય છે.

IPL 2026: 10 ટીમો, 74 મેચ… IPL 2026 માં નવું શું છે? અહીં જાણવા જેવી 10 મુખ્ય બાબતો છે