Ahmedabad Rain : શેલાની એપલ વુડ વિલા સોસાયટીના રહીશો પરેશાન, ગટરના પાણી બેક મારતા લોકોમાં રોષ, જુઓ Video
ગુજરાતભરમાં વરસાદી માહોલ જોવા મળ્યો છે. અમદાવાદના શેલાની એપલ વુડ વિલા સોસાયટીના રસ્તા પરથી વરસાદી પાણી ન ઓસરતા હાલાકીનો સામનો કરવો પડ્યો છે.
ગુજરાતભરમાં વરસાદી માહોલ જોવા મળ્યો છે. અમદાવાદમાં પણ ગત સપ્તાહમાં સારો એવો વરસાદ વરસ્યો છે. જો કે છેલ્લા 2-3 દિવસથી વરસાદે અમદાવાદમાં વિરામ લીધો છે. તેમ છતા અમદાવાદની એપલ વુડ સોસાયટીમાં અંદર હજુ સુધી પાણી ભરાયેલા છે. જેના કારણે લોકોને ભારે હાલાકીનો સામનો કરવો પડી રહ્યો છે.
અમદાવાદના શેલાની એપલ વુડ વિલા સોસાયટીના રસ્તા પરથી વરસાદી પાણી ન ઓસરતા હાલાકીનો સામનો કરવો પડ્યો છે. પાણી સોસાયટીમાં ભરાઇ રહેતા લોકોને ભારે દુર્ગંધ પણ આવી રહી છે અને શ્વાસ લેવામાં પણ તકલીફ પડી રહી છે. તેમજ રોગચાળો ફેલાવાનો ડર છે. વરસાદી પાણી ભરાઈ રહેતા ગટરના પાણી બેક મારતા હોવાની પણ સમસ્યા છે. રહીશોના ઘરમાં પાણીભરાવવાથી ઘરવખરીને નુકસાન થયા છે. દર ચોમાસે સર્જાતી સ્થિતિ અંગે તંત્રને અનેક રજૂઆત છતા કોઈ ઉકેલ આવ્યો નથી.
છેલ્લા 24 કલાકમાં 131 તાલુકામાં ખાબક્યો વરસાદ
ગુજરાતભરમાં ભારે વરસાદ વરસી રહ્યો છે. ત્યારે છેલ્લા 24 કલાકમાં 131 તાલુકાઓમાં વરસાદ ખાબક્યો છે. સૌથી વધુ વરસાદ દક્ષિણ ગુજરાતમાં નોંધાયો છે. જ્યારે દક્ષિણ ગુજરાતના ઉમરપાડામાં 5 ઈંચ વરસાદ ખાબક્યો છે. વાંસદા, કપરાડા, ખેરગામ અને પારડીમાં ચાર-ચાર ઈંચ વરસાદ વરસ્યો છે. તેમજ ભાવનગર, દેડિયાપાડા, તિલકવાડામાં સાડા ત્રણથી ચાર ઈંચ વરસાદ પડ્યો છે.