અંબાજીથી 10 કિમી દૂર પલટી બસ, 15 જેટલા લોકોને વધુ ઇજા

અંબાજીથી આબુ રોડ વચ્ચે આવેલ સુરપગલા નજીક રાજસ્થાન એસટી નિગમની બસ નદીમાં ખાબકી હતી. બસમાં 45 થી વધારે મુસાફરો હતા અને બસ અંબાજી તરફ આવી રહી હતી, ત્યારે આ ઘટના સર્જાઈ હતી. આબુ રોડ અંબાજી માર્ગમાં સુરપગલા પાસે વળાંકમાં ચાલકનો સ્ટિયરીંગ પરથી કાબૂ ગુમાવી દેવાને લઈ અકસ્માત સર્જાયો હોવાનું પ્રાથમિક રીતે અનુમાન થઈ રહ્યુ છે.

આ પણ વાંચો: અરવલ્લીઃ અંતિમ સંસ્કારની વિધી દરમિયાન ભમરા ઉડ્યા, ડાઘુઓમાં નાસભાગ મચી ગઈ 

ઘટનામાં ઘાયલ 15 જેટલા મુસાફરોને આબુરોડ સિવિલ હોસ્પિટલમાં ખસેડવામાં આવ્યા હતા. બસ નદીમાં ખાબકવાના સર્જાયેલા અકસ્માતમાં સદનસીબે કોઈ જાનહાની નહીં સર્જાવાને લઈ મોટી રાહત સર્જાઈ હતી. ઘટનાને લઈ આબુ રોડ પોલીસે અકસ્માતની તપાસ શરુ કરી છે.

ગુજરાતના તમામ જિલ્લાના સમાચાર વાંચવા માટે અહીં ક્લિક કરો