લોકપ્રિય અભિનેતા બાદ સફળ રાજકારણી બનેલા સુપરસ્ટાર પવન કલ્યાણનું તેમના ભાઈએ કર્યું ઉમળકાભેર સ્વાગત, જુઓ હૃદયસ્પર્થી Video

જનસેના પાર્ટી (JSP)ના નેતા પવન કલ્યાણે રાજ્યની ચૂંટણીમાં જંગી જીત મેળવ્યા બાદ સમગ્ર આંધ્રપ્રદેશમાં ઉજવણીનો માહોલ છે. ત્યારે લોકપ્રિય અભિનેતા બાદ રાજકારણી બનેલા પવન કલ્યાણ ચૂંટણી જીત્યા બાદ ઘરે પહોંચ્યા તો પરિવાર દ્વારા તેમનું ઉમળકાભેર સ્વાગત કરવામાં આવ્યું હતું. આ ક્ષણનો એક વીડિયો સામે આવ્યો છે.

ચૂંટણી જીત્યા બાદ પવન કલ્યાણ ઘરે પહોંચતા તેમની પત્ની, ભાભી અને માતા દ્વારા આરતી ઉતારી સ્વાગત કરવામાં આવ્યું હતું અને ત્યાર બાદ તેમના મોટા ભાઈ અને મેગાસ્ટાર ચિરંજીવીએ અનોખી રીતે તેમનું અભિવાદન કર્યું હતું અને ચૂંટણીમાં પ્રચંડ જીત મેળવવા બદલ અભિનંદન પાઠવ્યા હતા. આ હ્રદયસ્પર્થી વીડિયો જોઈને તમારી આંખો ભીની થઈ જશે.