Budget 2024 Memes: કુછ નયા નહીં..સબ વૈસે કા વૈસા ! બજેટ રજૂ થયા બાદ સોશિયલ મીડિયા પર મીમ્સનું પૂર, જુઓ લોકોની પ્રતિક્રિયા…

નાણાપ્રધાન નિર્મલા સીતારમણે 1 ફેબ્રુઆરીએ સંસદમાં વચગાળાનું બજેટ 2024 રજૂ કરતાંની સાથે જ સોશિયલ મીડિયા પ્લેટફોર્મ પર, ખાસ કરીને X પર મીમ્સનો દોર શરૂ થયો છે. બજેટ ભાષણની વચ્ચે, ઇન્ટરનેટના ઘણા વિભાગો રમૂજી મીમ્સ બનાવવામાં વ્યસ્ત હતા, કારણ કે દરેક જણ સરકારની ઘોષણાઓની રાહ જોતા હતા. આ સમયગાળા દરમિયાન, જો લોકો કોઈ બાબતને લઈને અધીરા હતા, તો તે આવકવેરા સ્લેબ હતો. પરંતુ તેમાં કોઇ ફેરફાર ન થતાં લોકોમાં નિરાશા જોવા મળી રહી છે.

લોકસભાની ચૂંટણી નજીક હોવાથી, લોકોને ઘણી અપેક્ષાઓ હતી કે નાણાપ્રધાન નિર્મલા સીતારમણની બજેટ રજૂઆતમાં ઘણી લોકપ્રિય જાહેરાતોનો સમાવેશ થશે. પરંતુ તેના બોક્સમાંથી ખાસ કંઈ નીકળ્યું નહીં. આવી સ્થિતિમાં, લોકો હવે હિન્દી ફિલ્મોના દ્રશ્યો અને જોક્સ ધરાવતા ફની મીમ્સ દ્વારા પોતાની લાગણીઓ વ્યક્ત કરી રહ્યા છે.

બ્લુ ચિપ મેમ નામનું એક્સ હેન્ડલ આજના બજેટને Paytm સાથે લિંક કરે છે. ગઈકાલે આરબીઆઈએ પેટીએમ પેમેન્ટ બેંક સામે કડક કાર્યવાહી કરી હતી. બ્લુ ચિપ મેમે ફોટો શેર કરતા લખ્યું કે, “આ બજેટ ડે નથી, આજે પેટીએમ મીમ્સ ડે છે.”

નાણામંત્રી સીતારમણે પણ પોતાની જાહેરાતમાં કહ્યું છે કે જો NDAની સરકાર બનશે તો ભારત સરકાર આગામી 5 વર્ષમાં બે કરોડ વધુ મકાનો બનાવશે. આ સાથે 300 યુનિટ મફત વીજળી આપવાનું લક્ષ્ય પણ નક્કી કરવામાં આવ્યું છે. જો કે, જે નિર્ણયની લોકો આતુરતાથી રાહ જોઈ રહ્યા હતા, તે આવકવેરાના સ્લેબમાં કોઈ ફેરફાર કરવામાં આવ્યો નથી. મતલબ કે તમે અત્યારે જે દરે આવકવેરો ભરો છો, તમારે ભવિષ્યમાં પણ એ જ દરે ટેક્સ ચૂકવવો પડશે.