સરકારના માસ્ટરસ્ટ્રોકને કારણે iPhoneની કિંમતમાં ઘટાડો, આ છે નવી કિંમત
iPhone price reduced : એપલ સામાન્ય રીતે પ્રો મોડલની નવી પેઢી બજારમાં લોન્ચ કર્યા પછી જૂના મોડલને બંધ કરી દે છે. ડીલર્સ અને રિસેલર્સ જૂના પ્રો મોડલ્સ પર જ ડિસ્કાઉન્ટ આપે છે. ભારતમાં iPhoneનું વેચાણ વધી રહ્યું છે, જ્યારે ચીનમાં તે ઘટી રહ્યું છે. 2023-24માં ભારતમાં Appleનું વેચાણ 33% વધીને 67 હજાર કરોડ રૂપિયા થઈ ગયું હતું.
23 જુલાઈના રોજ, મોદી 3.0 સરકારે નાણાકીય વર્ષ 2024-25 માટે સામાન્ય બજેટ રજૂ કર્યું. આ બજેટમાં સરકારે એવો માસ્ટરસ્ટ્રોક માર્યો કે Appleના iPhoneની કિંમતમાં આપોઆપ 4 ટકાનો ઘટાડો થઈ ગયો છે.
હવે તમે વિચારી રહ્યા હશો કે બજેટમાં એવું શું થયું કે iPhoneની કિંમતોમાં 4 ટકાનો ઘટાડો થયો. તો તમને જણાવી દઈએ કે આ સામાન્ય બજેટમાં સરકારે ઈલેક્ટ્રિક ગેજેટ્સ પર ઈમ્પોર્ટ ડ્યૂટી 20 ટકાથી ઘટાડીને 15 ટકા કરી દીધી છે, જેના પછી iPhoneના લેટેસ્ટ મોડલની કિંમતોમાં 4 ટકાનો ઘટાડો થયો છે.
iPhone Pro અને Max મૉડલ રૂપિયા 5100 બની જાય છે
પહેલીવાર એપલે iPhoneના તમામ Pro મોડલની કિંમતોમાં 3-4%નો ઘટાડો કર્યો છે. કંપનીએ બજેટમાં ઈમ્પોર્ટ ડ્યૂટી 20% થી ઘટાડીને 15% કરવાનો લાભ ગ્રાહકોને આપ્યો છે. આ કપાત 300 રૂપિયાથી શરૂ થશે. પ્રો અથવા પ્રો મેક્સ મોડલ ખરીદવા પર 5,100 રૂપિયાથી લઈને 6,000 રૂપિયા સુધીની બચત થશે. મેડ-ઈન-ઈન્ડિયા iPhone 13, 14 અને 15ની કિંમતમાં પણ 3,000 રૂપિયાનો ઘટાડો કરવામાં આવ્યો છે, જ્યારે iPhone SE 2,300 રૂપિયા સસ્તો થયો છે.
Appleનું વેચાણ 33% વધીને 67 હજાર કરોડ રૂપિયા થઈ ગયું હતું
એપલ સામાન્ય રીતે પ્રો મોડલની નવી પેઢી બજારમાં લોન્ચ કર્યા પછી જૂના મોડલને બંધ કરી દે છે. ડીલર્સ અને રિસેલર્સ જૂના પ્રો મોડલ્સ પર જ ડિસ્કાઉન્ટ આપે છે. ભારતમાં iPhoneનું વેચાણ વધી રહ્યું છે, જ્યારે ચીનમાં તે ઘટી રહ્યું છે. 2023-24માં ભારતમાં Appleનું વેચાણ 33% વધીને 67 હજાર કરોડ રૂપિયા થઈ ગયું હતું. આ વર્ષે એપ્રિલ-જૂનમાં કંપનીએ અહીંથી રેકોર્ડ 32 હજાર કરોડ રૂપિયાની નિકાસ કરી હતી.
ચીનની ટોચની 5 સ્માર્ટફોન કંપનીઓમાંથી iPhone
એપલના આઇફોને ચીનમાં લોકપ્રિયતા જાળવી રાખવા માટે સંઘર્ષ કર્યો છે. રિટેલર્સ દ્વારા આપવામાં આવેલા ભારે ડિસ્કાઉન્ટ છતાં ચીનમાં iPhoneના વેચાણમાં ઘટાડો થયો છે. iPhone હવે ચીનના ટોપ-5 સ્માર્ટફોનની યાદીમાંથી બહાર થઈ ગયો છે. આઇફોનને હુવેઇ જેવી ચાઇનીઝ બ્રાન્ડ્સ તરફથી સખત સ્પર્ધાનો સામનો કરવો પડે છે. માર્કેટ રિસર્ચ ફર્મ કેનાલિસના જણાવ્યા અનુસાર ગયા ક્વાર્ટરમાં iPhonesના ચાઇના શિપમેન્ટમાં 4%નો ઘટાડો થયો છે, જ્યારે કાઉન્ટરપોઇન્ટ રિસર્ચ અનુસાર આ ઘટાડો 5.7% હતો.
4 વર્ષમાં આ પ્રથમ વખત બન્યું છે કે જ્યારે એપલ ચીનના માર્કેટમાં ટોપ-5માંથી બહાર થઈ ગઈ છે. ચીનમાં iPhoneની નબળી માગને કારણે એપલની આવક માર્ચ ક્વાર્ટરમાં 10% ઘટી છે. જાન્યુઆરી-માર્ચ ક્વાર્ટરમાં ચીનના સ્માર્ટફોન માર્કેટમાં iPhoneના વેચાણમાં 19%નો ઘટાડો થયો છે.
