Pegasusની જગ્યાએ સરકાર લાવી રહી છે નવુ સ્પાયવેર, 985 કરોડનું બજેટ અનામત
તમને જણાવી દઈએ કે પેગાસસના કારણે કેન્દ્ર સરકાર પર ઘણા સવાલો ઉભા થયા છે. હવે જોવાનું એ રહેશે કે ભારત સરકાર પેગાસસને બદલે કયું સોફ્ટવેર ખરીદી શકે છે.
![Pegasusની જગ્યાએ સરકાર લાવી રહી છે નવુ સ્પાયવેર, 985 કરોડનું બજેટ અનામત](https://images.tv9gujarati.com/wp-content/uploads/2023/04/Pegasus-Spyware.jpg?w=1280)
Pegasus Spyware India: ભારત સરકાર એક નવું સ્પાયવેર ખરીદવાની યોજના બનાવી રહી છે. દેશની રાજનીતિમાં ઉથલપાથલ મચાવનાર વિવાદાસ્પદ પેગાસસ સોફ્ટવેરને બદલે સરકાર નવું સોફ્ટવેર ખરીદવા માંગે છે. હાલમાં જ એક રિપોર્ટમાં માહિતી સામે આવી છે કે કેન્દ્ર સરકાર જાસૂસી માટે ઉપયોગમાં લેવાતા સ્પાયવેર ખરીદવા જઈ રહી છે. આ માટે $120 મિલિયન (આશરે રૂ. 985 કરોડ)નું બજેટ પણ રાખવામાં આવ્યું છે.
ફાઈનાન્શિયલ ટાઈમ્સના અહેવાલ મુજબ કેન્દ્ર સરકાર પેગાસસ પાસેથી ઓછા જાણીતા સ્પાયવેર ખરીદવા માંગે છે. તમને જણાવી દઈએ કે પેગાસસના કારણે કેન્દ્ર સરકાર પર ઘણા સવાલો ઉભા થયા છે. હવે જોવાનું એ રહેશે કે ભારત સરકાર પેગાસસને બદલે કયું સોફ્ટવેર ખરીદી શકે છે.
આ પણ વાંચો: OTT Platforms પર સરકારનો ડંડો, ક્રિએટિવિટીના નામ પર નહીં ચાલે અભદ્ર કન્ટેન્ટ
પેગાસસ જેવા સ્પાયવેરથી શું થાય છે?
સૌથી પહેલા તમને જણાવી દઈએ કે સ્પાયવેર એક એવું સોફ્ટવેર છે, જે ચોક્કસ લોકો પર નજર રાખે છે. તેમના ઉપકરણો, ફોન વગેરેની જાસૂસી કરવામાં આવે છે. મીડિયા રિપોર્ટ્સ અનુસાર ગયા વર્ષે કેન્દ્ર સરકાર પર જાસૂસી માટે ઈઝરાયેલની કંપની NSO ગ્રુપના પેગાસસ સોફ્ટવેરનો ઉપયોગ કરવાનો આરોપ લાગ્યો હતો. આ સોફ્ટવેર દ્વારા કેટલાક રાજકારણીઓ, માનવાધિકાર કાર્યકર્તાઓ અને પત્રકારોની જાસૂસી કરવામાં આવી હોવાનો આક્ષેપ કરવામાં આવ્યો હતો.
નવા સોફ્ટવેરને લઈને વાતચીત ઘણી આગળ વધી
જો કે કેન્દ્ર સરકારે આ તમામ આરોપોને પાયાવિહોણા ગણાવ્યા હતા. રક્ષા મંત્રાલયે એમ પણ કહ્યું કે તેને ઈઝરાયેલ સ્થિત NSO જૂથ સાથે કોઈ લેવાદેવા નથી. FT રિપોર્ટ અનુસાર, નવા સોફ્ટવેરને લઈને વાતચીત ઘણી આગળ વધી છે. આ રિપોર્ટમાં ખુલાસો થયો છે કે ભારતીય અધિકારીઓએ પેગાસસના કેટલાક પ્રતિસ્પર્ધી સોફ્ટવેરમાં રસ દાખવ્યો છે.
આ સોફ્ટવેર રેસમાં સામેલ
તેમાં ગ્રીસ સ્થિત ઈન્ટેલેક્સા દ્વારા વિકસિત પ્રિડેટર સ્પાયવેર સિસ્ટમનો સમાવેશ થાય છે. તેને બનાવવા માટે ઈઝરાયેલ આર્મીના પૂર્વ અધિકારીઓની પણ મદદ લેવામાં આવી છે. આ સિવાય ક્વાડ્રીમ અને કોગ્નાઈટ જેવા સોફ્ટવેર પણ આ રેસમાં સામેલ છે.
સિટીઝન લેબના જણાવ્યા અનુસાર ઈજિપ્ત, સાઉદી અરેબિયા, મેડાગાસ્કર અને ઓમાન જેવા દેશોમાં પ્રિડેટરનો ઉપયોગ પહેલાથી જ થઈ રહ્યો છે. પત્રકાર જમાલ ખાશોગીની હત્યા બાદ સાઉદી અરેબિયામાં ક્વાડ્રિમને મંજૂરી મળવાના અહેવાલો સામે આવ્યા છે.
આ સ્પાયવેર એટલા શક્તિશાળી હોય છે કે તે WhatsApp મેસેજ વગેરેને પણ હેક કરી શકે છે. તમને જણાવી દઈએ કે વોટ્સએપ સિગ્નલ એન્ડ-ટુ-એન્ડ એન્ક્રિપ્શન મોડલનો ઉપયોગ કરે છે, જે યુઝર્સને મજબૂત ગોપનીયતા આપે છે.
ટેકનોલોજીના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ફોન અને ગેઝેટ સાથે જોડાયેલા તમામ સમાચાર વાંચવા માટે જોડાયેલા રહો…