જો તમારા Android સ્માર્ટફોનમાં હાજર છે આ એપ્સ તો તાત્કાલિક કરો ડિલીટ, થઈ શકે છે મોટુ નુકસાન
જો પ્લે સ્ટોર પર કોઈ એપ યુઝર્સ માટે ખતરો પેદા કરે છે, તો ગૂગલ તેને તરત જ તેના સ્ટોરમાંથી ડિલીટ કરી દે છે. હવે ફરી કેટલીક એપ્સના કારણે યુઝર અને તેમના ડેટાની સુરક્ષા પર સવાલો ઉભા થયા છે. પરંતુ ગૂગલે આ વખતે પણ આ એપ્સને સ્ટોરમાંથી ડિલીટ કરી દીધી છે.
ગૂગલ તેના ઓએસ એન્ડ્રોઇડમાં નવા ફીચર્સ આપવા સાથે, ગૂગલ તેને સુરક્ષિત બનાવવા માટે પણ સતત કામ કરે છે. આ જ કારણ છે કે જો પ્લે સ્ટોર પર કોઈ એપ યુઝર્સ માટે ખતરો પેદા કરે છે, તો ગૂગલ તેને તરત જ તેના સ્ટોરમાંથી ડિલીટ કરી દે છે. હવે ફરી કેટલીક એપ્સના કારણે યુઝર અને તેમના ડેટાની સુરક્ષા પર સવાલો ઉભા થયા છે. પરંતુ ગૂગલે આ વખતે પણ આ એપ્સને સ્ટોરમાંથી ડિલીટ કરી દીધી છે.
આ પણ વાંચો: Breaking News: સરકારની ડિજિટલ સ્ટ્રાઈક, ચીનની લિંક ધરાવતી 138 સટ્ટાબાજી અને 94 લોન એપ પર પ્રતિબંધ
સાયબર સિક્યોરિટી ટીમના જણાવ્યા અનુસાર, ગૂગલે તેના પ્લે સ્ટોર પરથી કુલ 12 એપ્સ હટાવી દીધી છે. કહેવામાં આવી રહ્યું છે કે આ તમામ એપ્સ યુઝર્સને એડ બતાવીને તેમના ફોનમાં હાજર ડેટાની ચોરી કરી રહી હતી. યુઝર્સ એ જાણી શક્યા ન હતા કે તેમની સાથે કેટલી મોટી છેતરપિંડી થઈ રહી છે. આ ટીમના રિપોર્ટમાં એવું પણ કહેવામાં આવ્યું છે કે આ 12 એપ્સમાંથી કેટલીક ખૂબ જ ફેમસ છે, જેને પ્લે સ્ટોર પરથી લગભગ 5 મિલિયન ડાઉનલોડ્સ મળ્યા છે.
રિપોર્ટમાં કહેવામાં આવ્યું છે કે ડિસેમ્બર 2022માં એડવેર ટ્રોજન અને સ્પાયવેરના કેસમાં વધારો જોવા મળ્યો છે. આ દરમિયાન પ્લે સ્ટોર પર ઘણા નવા થ્રેટ્સ જોવા મળ્યા છે. આમાંથી ઘણી નકલી એપ્સ અને ટ્રોજન મળી આવ્યા છે.
કઈ છે તે એપ્સ
- Golden Hunt
- Reflector
- Seven Golden Wolf blackjack
- Unlimited Score
- Big Decisions
- Jewel Sea
- Lux Fruits Game
- Lucky Clover
- King Blitz
- Lucky Hammer
શું કરવુ જોઈએ
જો તમે આમાંથી કોઈ એપ ડાઉનલોડ કરી નથી, તો તમે સુરક્ષિત છો. ગૂગલે આ એપ્સને પ્લે સ્ટોર પરથી હટાવી દીધી છે. પરંતુ જો તમારા એન્ડ્રોઈડ સ્માર્ટફોનમાં હજુ પણ આમાંથી કોઈ એપ છે, તો તમારે તેને તરત જ ડિલીટ કરી દેવી જોઈએ. આ તમને સુરક્ષિત બનાવશે. જણાવી દઈએ કે ભારત સરકારે ફરી એકવાર ડિજિટલ સ્ટ્રાઈક કરી છે. ભારત સરકારે ચાઈનીઝ કનેક્શન સાથે લોન અને સટ્ટાબાજી માટે લગભગ 125 એપ્સ પર પ્રતિબંધ મૂક્યો છે. ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલયે આ એપ્સ પર કાર્યવાહી કરી છે.
ભારત સરકારે 138 સટ્ટાબાજીની એપ અને 94 લોન આપતી એપ પર પ્રતિબંધ મૂક્યો છે જે ભારતની સુરક્ષા અને અખંડિતતા માટે ખતરો છે. ગૃહ મંત્રાલયના સંદેશાવ્યવહાર પર, ઇલેક્ટ્રોનિક્સ અને માહિતી પ્રૌદ્યોગિકી મંત્રાલય (MeitY) એ “તાત્કાલિક” અને “ઇમર્જન્સી” ધોરણે ચાઇનીઝ લિંક્સ સાથે 138 સટ્ટાબાજીની એપ્લિકેશનો અને 94 લોન આપતી એપ્લિકેશનોને પ્રતિબંધિત અને અવરોધિત કરવાની પ્રક્રિયા શરૂ કરી છે.
Latest News Updates
