Facebook પર નહીં ચાલે કોપી-પેસ્ટ કન્ટેન્ટ, ફરિયાદ થતાં જ થશે તાત્કાલિક કાર્યવાહી, જાણો આ રીતે…

સોશિયલ મીડિયાના પ્લેટફોર્મ પર વધી રહેલા કોપી અને ખોટા કન્ટેન્ટના પરિભ્રમણને રોકવા માટે Metaએ એક મોટું પગલું ભર્યું છે. કંપનીએ Facebook માટે નવા ટૂલ્સ અને અપડેટેડ કન્ટેન્ટની માર્ગદર્શિકા રજૂ કરી છે, જેનો હેતુ સર્જકોની મૂળ સામગ્રીને વધુ સારી રીતે સુરક્ષિત કરવાનો છે. આ નવી સુવિધાઓ સર્જકોને કેન્દ્રીયકૃત ડેશબોર્ડથી કોપી અથવા નકલ કરેલી સામગ્રીની સરળતાથી જાણ કરવાની મંજૂરી આપશે. મેટાએ કહ્યું છે કે આ પ્લેટફોર્મ પર વધતા AI-જનરેટેડ સ્પામ અને કોપી કરેલા કન્ટેન્ટને નિયંત્રિત કરવામાં મદદ કરશે.

Metaએ લોન્ચ કર્યુ નવુ ડેશબોર્ડ

મેટાએ જણાવ્યું કે ફેસબુક પર સર્જકો પાસે હવે એક કેન્દ્રીયકૃત ડેશબોર્ડ હશે જેના દ્વારા તેઓ સરળતાથી એવી સામગ્રીને ફ્લેગ કરી શકશે જે તેમના નામ હેઠળ કોપી કરવામાં અથવા પોસ્ટ કરવામાં આવી હોય. આ અપડેટનો મુખ્ય ઉદ્દેશ્ય રિપોર્ટિંગ પ્રક્રિયાને સરળ બનાવવાનો છે. પહેલા, અલગ અલગ પોસ્ટ માટે અલગ-અલગ રિપોર્ટ ફાઇલ કરવી પડતી હતી. પરંતુ હવે સર્જકો એક જ જગ્યાએથી બહુવિધ ફરિયાદો નોંધાવી શકે છે. આનાથી કોપી કરેલા કન્ટેન્ટ પર ઝડપી કાર્યવાહી થવાની અપેક્ષા છે.

સાચા કન્ટેન્ટની વ્યાખ્યા પણ બદલાઈ 

મેટાએ ફેસબુકની કન્ટેન્ટ માર્ગદર્શિકા પણ અપડેટ કરી છે. જેથી કંપની સાચા કન્ટેન્ટ કોણે ગણી શકાય તે સ્પષ્ટ થાય. હવે નિર્માતા દ્વારા સીધી રીતે શૂટ અથવા ઉત્પાદિત કન્ટેન્ટને જ મૂળ ગણવામાં આવશે. આ ઉપરાંત નવા વિશ્લેષણમાં એવા રીલ્સ અથવા વીડિયો પણ આવી શકશે જે ચર્ચા અથવા વધારાની માહિતી પ્રદાન કરવા માટે અન્ય કન્ટેન્ટથી રિમિક્સ કરે છે. આ ફેરફારનો હેતુ સર્જકોને પ્રોત્સાહિત કરવા અને કોપી-પેસ્ટ કન્ટેન્ટને ઘટાડવાનો છે.

AI કન્ટેન્ટ અને ડીપફેકનો વર્તમાનમાં પડકાર

મેટાના નવા ટૂલ્સના મદદથી ડુપ્લિકેટ અથવા ખોટા કન્ટેન્ટને ઓળખી શકાય છે. પરંતુ AI-જનરેટેડ ડીપફેક્ને સંપૂર્ણપણે ઓળખવામાં સક્ષમ નથી. ઉપરાંત જો કોઈ સર્જકના ચહેરા અથવા ઓળખનો ઉપયોગ કરીને ડીપફેક વીડિયો બનાવવામાં આવે તો તેની સામે પગલાં લેવામાં પડકાર બને છે. સોશિયલ મીડિયા પ્લેટફોર્મ પર AI-જનરેટેડ કન્ટેન્ટના વધતા ઉપયોગ અંગે ઘણા યૂઝર્સે ફરિયાદ નોંધાવી હતી. ત્યારબાદ જ મેટાએ સ્પામ અને ખોટા કન્ટેન્ટ સામે કડક કાર્યવાહી કરવાનો નિર્ણય લીધો છે.

Facebook Marketplaceમાં AI ની સુવિધાઓ

મેટાએ Facebook Marketplace માટે એક નવી સુવિધા પણ રજૂ કરી છે. જેમાં વ્યવસાયો અને વેચાણકર્તાઓ ગ્રાહકોના પ્રશ્નોના જવાબ માટે મેટા AI નો ઉપયોગ કરી શકશે. જ્યારે કોઈ ખરીદનાર કોઈ ઉત્પાદન વિશે Is this still available? જેવાં સવાલો પૂછશે ત્યારે મેટા AI લિસ્ટિંગ માહિતીના આધારે પ્રતિભાવ જનરેટ કરશે. આમાં ઉત્પાદનની કિંમત, ઉપલબ્ધતા અને પિકઅપ સ્થાન જેવી માહિતી શામેલ હોઈ શકે છે, જે ખરીદી અને વેચાણ પ્રક્રિયાને સરળ બનાવે છે.

ઈમેજ બાદ હવે વીડિયો ક્રિએશનમાં આવશે ChatGPT, જાણો નવા AI ફીચરથી કઈ રીતે બનશે Video… વધુ વાંચવા માટે અહીં ક્લિક કરો