Paris Olympics, Day 10, Live: ભારત માટે આજનો દિવસ બહુ સારો રહ્યો નથી, હવે ભારતની નજર સ્ટીપલ ચેઝમાં અવિનાશ સાબલે પર

બધાની નજર અવિનાશ સાબલે પર

કુસ્તીમાં હજી નિશા પાસે મેડલ જીતવાની તક છે

ક્વાર્ટર ફાઇનલમાં હાર બાદ પણ નિશા પાસે હજુ પણ મેડલ સુધી પહોંચવાની તક છે. કુશ્તીના નિયમો અનુસાર, જો નિશાને હરાવનાર કોરિયન રેસલર ફાઇનલમાં પહોંચે છે, તો નિશાને રેપેચેજમાં તક મળશે, જેના દ્વારા તે બ્રોન્ઝ મેડલ બાઉટમાં પહોંચી શકે છે.

કુસ્તીમાં ક્વાર્ટર ફાઈનલમાં નિશાની હાર

ભારતની નિશા દહિયા ક્વાર્ટર ફાઈનલમાં હારી ગઈ છે. ઉત્તર કોરિયાની કુસ્તીબાજે તેને છેલ્લી સેકન્ડોમાં રોમાંચક મુકાબલામાં 10-8થી હરાવ્યું. નિશાનાની હાર માટે તેના જમણા હાથની ઈજા જવાબદાર હતી. નિશા એક સમયે 8-2થી આગળ હતી પરંતુ કોરિયન રેસલરના ફટકાથી તે ઘાયલ થઈ ગઈ હતી. આ પછી કોરિયન રેસલરે ફાયદો ઉઠાવ્યો અને મેચ જીતી લીધી. નિશા હાથના દુખાવાની સાથે આ હાર્ટ બ્રેકિંગ હારને કારણે રડવા લાગી.

લક્ષ્ય સેન બ્રોન્ઝ મેડલ ચૂકી ગયો

લક્ષ્ય સેન બ્રોન્ઝ મેડલ જીતવાથી ચૂકી ગયો છે. કપરા મુકાબલામાં તેને મલેશિયાના લી જી જિયાએ 13-21, 21-16, 21-11થી હરાવ્યો હતો. આ સાથે ભારતે સતત 3 ઓલિમ્પિક બાદ બેડમિન્ટનમાં ખાલી હાથ પરત ફરવું પડ્યું છે.

કુસ્તીમાં નિશાની જીત સાથે શરૂઆત

કુસ્તીમાં ભારતની જીત સાથે શરૂઆત થઈ છે. નિશાએ તેના પહેલા રાઉન્ડમાં યુક્રેનિયન રેસલરને 6-4થી હરાવી હતી. લાંબા સમય સુધી મેચ 4-4થી બરાબર રહી હતી અને છેલ્લી સેકન્ડોમાં પોઈન્ટ મેળવીને નિશાએ મેચ જીતી લીધી હતી.

લક્ષ્ય સેન બીજા સેટમાં હાર્યો

લક્ષ્ય સેન બેડમિન્ટન બ્રોન્ઝ મેડલ મેચના બીજા સેટમાં હાર્યો, મુકાબલો 1-1ની બરાબરી પર પહોંચ્યો. મલેશિયાના લી જી જિયાએ બીજા સેટમાં 21-16થી લક્ષ્યને હરાવ્યો. હવે ફાઈનલ સેટ મુકાબલો થશે, જે જીતશે તે મેડલ પણ જીતી જશે.

લક્ષ્ય સેન પહેલો સેટ જીત્યો

લક્ષ્ય સેન બેડમિન્ટન બ્રોન્ઝ મેડલ મેચનો પહેલો સેટ જીતી ગયો હતો. મલેશિયાના લી જિયાને 21-13થી હરાવ્યો

લક્ષ્ય સેન એક્શનમાં

ભારતનો બેડમિન્ટન સ્ટાર લક્ષ્ય સેન બેડમિન્ટન કોર્ટમાં ઉતર્યો, બ્રોન્ઝ મેડલ માટે મુકાબલો શરૂ

Paris Olympics 2024 Live : લક્ષ્ય સેન ટૂંક સમયમાં કોર્ટમાં ઉતરશે

ભારતનો બેડમિન્ટન સ્ટાર લક્ષ્ય સેન ટૂંક સમયમાં કોર્ટમાં ઉતરશે, જ્યાં તેનો સામનો મલેશિયાના લી જી જિયા સામે થશે. વિજેતાને બ્રોન્ઝ મેડલ મળશે.

Paris Olympics 2024 Live : બ્રોન્ઝ મેડલ મેચ માટે ક્વોલિફાય કર્યું

શૂટિંગમાં ભારત માટે એક સારા સમાચાર સામે આવ્યા છે. માહેશ્વરી ચૌહાણ અને અનંતજીત સિંહ નારુકાએ સ્કીટ મિક્સ્ડ ટીમની બ્રોન્ઝ મેડલ મેચ માટે ક્વોલિફાય કર્યું છે. તે 146 પોઈન્ટ સાથે ક્વોલિફિકેશનમાં ચોથા ક્રમે રહ્યો હતો. મહેશ્વરી અને અનંતજીતનો સામનો ચીનના ખેલાડીઓ સાથે થશે. ભારત અને ચીન વચ્ચે આજે બ્રોન્ઝ મેડલ મેચ ભારતીય સમય અનુસાર સાંજે 6.30 કલાકે શરૂ થશે.

Paris Olympics, Day 10, Live: રોહિદાસ પર એક મેચનો પ્રતિબંધ

ભારતીય હોકી ટીમના ડિફેન્ડર અમિત રોહિદાસ પર એક મેચનો પ્રતિબંધ રહેશે. ગ્રેટ બ્રિટન સામે રેડ કાર્ડ બતાવવામાં આવ્યા બાદ ટુર્નામેન્ટ ડિરેક્ટરે રોહિદાસ પર એક મેચનો પ્રતિબંધ લગાવ્યો હતો, જેની સામે હોકી ઈન્ડિયાએ અપીલ કરી હતી. FIH જ્યુરીએ ભારતની અપીલને ફગાવી દીધી છે અને નિર્ણયને યથાવત રાખ્યો છે. એટલે કે અમિત સેમિફાઇનલમાં રમી શકશે નહીં.

Paris Olympics 2024 table tennis : ક્વાર્ટર ફાઈનલમાં પહોંચીને ઈતિહાસ રચ્યો

ભારત પ્રથમ વખત મહિલા ટીમ ઈવેન્ટમાં ભાગ લઈ રહ્યું હતું અને ક્વાર્ટર ફાઈનલમાં પહોંચીને ઈતિહાસ રચ્યો હતો.

Paris Olympics 2024 : ભારત ક્વાર્ટર ફાઇનલમાં

મનિકા બત્રાએ છેલ્લી મેચમાં 3-0થી મજબૂત જીત નોંધાવીને ટીમ ઈન્ડિયાને ક્વાર્ટર ફાઇનલમાં પહોંચાડી છે. મનિકાએ પ્રી-ક્વાર્ટર ફાઈનલની 5મી મેચમાં અન્નિકા ડિયાકોનુને 3-0થી હાર આપી અને આ રીતે ભારતે રોમાનિયાને 3-2થી હરાવી ક્વાર્ટર ફાઇનલમાં પ્રવેશ કર્યો.

Paris Olympics 2024 : ક્વોલિફાય થવાની વધુ એક તક

કિરણ પહલ મહિલાઓની 400 મીટર દોડમાં કંઈ ખાસ કરી શકી નહોતી. કિરણ તેની ગરમીમાં 52.51 સેકન્ડના સમય સાથે 7મા ક્રમે રહી હતી. કિરણ 6 ઓગસ્ટે રિપેચેજ રાઉન્ડમાં ફરીથી એક્શનમાં જોવા મળશે. તેમની પાસે સેમિફાઇનલ માટે ક્વોલિફાય થવાની વધુ એક તક હશે.

Paris Olympic 2024 : કિરણ 7માં ક્રમે રહી

કિરણ પહલ મહિલાઓની 400 મીટર દોડની ક્વોલિફિકેશનમાં કંઈ ખાસ કરી શકી નહોતી. કિરણ તેની ગરમીમાં 52.51 સેકન્ડના સમય સાથે 7મા ક્રમે રહી હતી.

Paris Olympic 2024 : મનિકાએ બીજી ગેમ 11-9થી જીતી

મનિકા બત્રાએ બીજી ગેમ 11-9થી જીતી લીધી છે. ભારત હવે રોમાનિયા સામે જીતથી માત્ર એક મેચ દૂર છે.

Paris Olympic 2024 : મનિકાએ પ્રથમ ગેમ જીતી

ભારત અને રોમાનિયા વચ્ચે નિર્ણાયક મુકાબલો ચાલુ છે. મનિકા બત્રા એડિના ડાયકોનુનો સામનો કરી રહી છે. મનિકાએ પ્રથમ ગેમ જીતી લીધી છે.

Paris Olympic 2024 : ભારત રોમાનિયા સામે 2-0થી આગળ

ભારત રોમાનિયા સામે 2-0થી આગળ છે. મનિકા બત્રાએ વિમેન્સ સિંગલ્સમાં રોમાનિયાની ખેલાડીને 3-0થી હરાવી હતી.

Paris Olympics 2024 : મનિકા બત્રાની રમત શરુ

મનિકા બત્રાની રમત શરુ, આ મહિલા સિંગલ્સ મેચ છે.

Paris Olympics 2024 : ટેબલ ટેનિસમાં ભારત 1-0થી આગળ

મહિલા ટીમ ઈવેન્ટમાં ભારત રોમાનિયા સામે 1-0થી આગળ છે. ડબલ્સ મેચમાં, શ્રીજા અકુલા અને અર્ચના કામતે અદિના/એલિઝાબેટાને 3-0થી હાર આપી છે.

Paris Olympics 2024 : બીજી ગેમ 12-10થી જીતી

શ્રીજા અકુલા અને અર્ચના કામતે રોમાનિયન જોડી સામે બીજી ગેમ પણ જીતી લીધી છે. શ્રીજા-અર્ચનાએ બીજી ગેમ 12-10થી જીતી હતી. આ પહેલા ભારતીય જોડીએ પ્રથમ ગેમ 11-9થી જીતી હતી.

Paris Olympics 2024 : ભારતે પ્રથમ સેટ જીત્યો

ટેબલ ટેનિસમાં મહિલા ટીમ તેની પ્રી-ક્વાર્ટર ફાઈનલ રોમાનિયા સામે રમી રહી છે. આ મેચની શરૂઆત ડબલ્સ મેચથી થઈ હતી, જેમાં ભારત તરફથી અર્ચના કામત અને શ્રીજા અકુલા શાનદાર પ્રદર્શન કરી રહી છે.

Paris Olympics 2024 : મેડલ ટેલી જુઓ

હવે મેડલ ટેલીમાં યુએસએ ટોપ પર આવી ગયું છે. USA એ 19 ગોલ્ડ સહિત 71 મેડલ જીત્યા છે. જ્યારે ચીન 19 ગોલ્ડ સહિત 45 મેડલ સાથે બીજા સ્થાને છે. યજમાન દેશ ફ્રાન્સ 12 ગોલ્ડ સહિત 44 મેડલ સાથે ત્રીજા સ્થાને છે. જ્યારે ભારત 3 બ્રોન્ઝ મેડલ સાથે 57માં સ્થાને છે.

Paris Olympics 2024 : શૂટિંગમાં અપડેટ

શરૂઆતના રાઉન્ડમાં અનંત સિંહ નારુકા અને મહેશ્વરી ચૌહાણે પરફેક્ટ 11/11 સ્કોર કર્યો.

Paris Olympics 2024 : ટેબલ ટેનિસની મેચ શરુ

મહિલા ટીમ (પ્રી-ક્વાર્ટર ફાઈનલ): ભારત વિ રોમાનિયા – બપોરે 1.30 કલાકે

Paris Olympics 2024 :ઈતિહાસ રચવા પર લક્ષ્યની નજર

લક્ષ્ય સેન ઈતિહાસ રચવાને નજીક છે. જો તે મલેશિયાના લી જિયા સામે તેની બ્રોન્ઝ મેડલ મેચ જીતશે તો તે ઓલિમ્પિકની મેન્સ બેડમિન્ટન ઈવેન્ટમાં મેડલ જીતનાર પ્રથમ ભારતીય બની જશે.

Paris Olympics 2024 : મેડલની રેસમાંથી બહાર થયા

પેરિસ ઓલિમ્પિકમાં ગોલ્ફને લઈને ભારત માટે સમાચાર સારા નથી. શુભંકર શર્મા અને ગગનજીત ભુલ્લર બંને ચોથા રાઉન્ડ બાદ મેડલની રેસમાંથી બહાર થઈ ગયા છે. શુભંકર શર્મા 40મા સ્થાને જ્યારે ગગનજીત 45મા સ્થાને છે.

Paris Olympics 2024 :10મા દિવસની ઈવેન્ટ શરુ

પેરિસ ઓલિમ્પિકમાં ઈવેન્ટ્સનો 10મો દિવસ શરૂ થઈ ગયો છે. સાયકલિંગની રમત શરુ. ભારતીય ખેલાડીઓ સૌથી પહેલા શૂટિંગની મિક્સ્ડ સ્કીટ ટીમ ઈવેન્ટમાં જોવા મળશે. આ ઇવેન્ટનો ક્વોલિફિકેશન રાઉન્ડ બપોરે 12:30 વાગ્યે શરૂ થશે

Paris Olympics 2024 :ભારત કુસ્તીમાં મેડલ પાક્કો કરી શકે છે

પેરિસ ઓલિમ્પિકમાં આજે ભારતની નિશા દહિયા મહિલા કુસ્તીમાં એક્શનમાં ઉતરશે. તેણી પાસે મહિલાઓની 68 કિગ્રા ફ્રી સ્ટાઇલ રેસલિંગ કેટેગરીમાં ભારત માટે મેડલ સુનિશ્ચિત કરવાની તક હશે.

Paris Olympics 2024 :ભારતીય ખેલાડીઓ ક્યારે અને કઈ રમતમાં જોવા મળશે?

12:30 PM- શૂટિંગ- મિક્સ્ડ સ્કીટ ટીમ (ક્વોલિફિકેશન)- અનંતજીત સિંહ અને મહેશ્વરી ચૌહાણ.

બપોરે 1:30- ટેબલ ટેનિસ – રાઉન્ડ ઓફ 16- ભારત વિ રોમાનિયા

3:25 PM- એથ્લેટિક્સ- મહિલાઓની 400 મીટર- કિરણ પહલ

6:30 PM- શૂટિંગ- મિક્સ્ડ સ્કીટ ટીમ (બ્રોન્ઝ અને ગોલ્ડ મેચ)- અનંતજીત સિંહ અને મહેશ્વરી ચૌહાણ ક્વોલિફાય થયા તો.

10:34 PM- એથ્લેટિક્સ- પુરુષોની 3000 મીટર સ્ટીપલચેસ- અવિનાશ સાબલે

Paris Olympics 2024 :લક્ષ્ય સેનની બ્રોન્ઝ મેડલ મેચ ક્યારે છે?

સાંજે 6:00- પુરુષોની બેડમિન્ટન- બ્રોન્ઝ મેડલ મેચ- લક્ષ્ય સેન

Paris Olympics, Day 10, Live:10મા દિવસ માટે કુસ્તીનું શેડ્યૂલ

સાંજે 6:30- મહિલા ફ્રી-સ્ટાઈલ કુસ્તી (68 કિગ્રા, રાઉન્ડ ઓફ 16)- નિશા દહિયા

7:50 PM- મહિલા ફ્રી-સ્ટાઈલ રેસલિંગ (68 કિગ્રા, ક્વાર્ટર ફાઈનલ)- નિશા દહિયા રમશે. જો તે રાઉન્ડ ઓફ 16 જીતીને ક્વોલિફાય થશે.

1:10 AM (6 ઓગસ્ટ) – 6:30 PM – મહિલા ફ્રી-સ્ટાઇલ કુસ્તી (68 કિગ્રા, સેમિફાઇનલ) – જો નિશા દહિયા ક્વાર્ટર ફાઇનલમાં જીતે તો તે ક્વોલિફાય થશે.

Paris Olympics, Day 10, Live:આજથી કુસ્તીની મેચો શરૂ

પેરિસ ઓલિમ્પિકમાં આજથી કુસ્તી સ્પર્ધાઓ શરૂ થશે. જેમાં ભારતના પુરૂષ અને મહિલા કુસ્તીબાજો ભાગ લઈ રહ્યા છે. આજે માત્ર ભારતીય મહિલા કુસ્તીબાજો જ ધમાલ મચાવતા જોવા મળશે.

Paris Olympics, Day 10, Live:પેરિસ ઓલિમ્પિકનો આજે 10મો દિવસ

પેરિસ ઓલિમ્પિકનો આજે 10મો દિવસ છે. આજથી રેસલિંગ ઈવેન્ટ શરૂ થવા જઈ રહી છે, જેમાં પુરુષ અને મહિલા બંને કેટેગરીમાં ભારતની તાકાત જોવા મળશે. આ સિવાય લક્ષ્ય સેનની બ્રોન્ઝ મેડલ મેચ પણ થશે.

Paris Olympics, Day 10, Live: ટેબલ ટેનિસની મેચ બપોરે 1.30 વાગ્યે

મહિલા ટેબલ ટેનિસ ડબલ્સની પ્રી-ક્વાર્ટર ફાઇનલમાં મનિકા અને શ્રીજાનો મુકાબલો રોમાનિયાની એલિઝાબેથ સમારા અને બર્નાડેટ ઝોક્સ સામે થશે. આ મેચ બપોરે 1.30 વાગ્યાથી રમાશે.

Paris Olympics, Day 10, Live: 10મા દિવસે બે મેડલ જીતવાની તક

10મા દિવસે બે મેડલ જીતવાની તક હશે. તેમજ ઘણા ભારતીય ખેલાડીઓ આગામી રાઉન્ડમાં જવા માટે મેદાનમાં ઉતરશે.

Paris Olympics Live: જુઓ આજનું શેડ્યુલ

View this post on Instagram

A post shared by Sports Authority of India (@media.iccsai)

Paris Olympics, Day 10, Live: લક્ષ્ય સેનની બ્રોન્ઝ મેડલ મેચ

પેરિસ ઓલિમ્પિકના 10મા દિવસે, ભારતની દૃષ્ટિએ સૌથી મોટી મેચ લક્ષ્ય સેનની થવાની છે. તે મલેશિયાના શટલર લી જી જિયા સામે રમતો જોવા મળશે. આ મેચ 5 ઓગસ્ટે સાંજે 6 વાગ્યાથી યોજાશે, એટલે કે તેની પાસે મેડલ જીતવાની તક છે. તમને જણાવી દઈએ કે, મેન્સ બેડમિન્ટન સિંગલ્સની સેમીફાઈનલ મેચમાં ભારતીય શટલરને ડિફેન્ડિંગ ઓલિમ્પિક ચેમ્પિયન અને ડેનમાર્કના વિક્ટર એક્સેલસન સામેની રોમાંચક મેચમાં 2-0થી હારનો સામનો કરવો પડ્યો હતો.