Indian women cricket team ના ન્યૂઝીલેન્ડ પ્રવાસનું શેડ્યૂલ જાહેર, ભારતીય ખેલાડીઓ વર્લ્ડ કપ પહેલા તૈયારીઓ કરશે

ICC T20 વર્લ્ડ કપ 2021(ICC T20 World Cup 2021) ના પહેલા રાઉન્ડમાં ભારતીય ક્રિકેટ ટીમ (Indian Cricket Team)ની બહાર થવાને કારણે ટીમ ઈન્ડિયા (Team India)ના ચાહકો ખૂબ જ નિરાશ થયા હતા. સ્વાભાવિક રીતે જ ખિતાબની અપેક્ષા પૂરી ન કરવી એ ટીમ તેમજ ચાહકો માટે હૃદયદ્રાવક હતું.

પરંતુ ભારતીય પ્રશંસકોએ નિરાશ થવાની બહુ જરૂર નથી, કારણ કે માત્ર 3 મહિના પછી જ ભારતીય ટીમ ફરી એકવાર વર્લ્ડ ચેમ્પિયનશિપ માટે દાવો કરશે.આવતા વર્ષે ફેબ્રુઆરીમાં ભારતીય મહિલા ક્રિકેટ ટીમ (Indian Women Cricket Team) ખિતાબ જીતવાના ઈરાદા સાથે ODI વર્લ્ડ કપમાં ઉતરશે. આ વર્લ્ડ કપ પહેલા તૈયારીઓ માટે, ભારતીય ટીમ (Team India) વર્લ્ડ કપના યજમાન ન્યુઝીલેન્ડ સાથે ODI અને T20 શ્રેણી રમશે, જેનું શેડ્યૂલ ન્યુઝીલેન્ડ ક્રિકેટ (NZC) દ્વારા શુક્રવારે, 12 નવેમ્બરના રોજ જાહેર કરવામાં આવ્યું હતું.

થોડા અઠવાડિયા પહેલા જ ઓસ્ટ્રેલિયા પ્રવાસ પર ODI, T20 સિરીઝ અને ટેસ્ટ મેચ રમ્યા બાદ ભારતીય ટીમનો આ પહેલો પ્રવાસ હશે. આ પ્રવાસ પર, મિતાલી રાજની કપ્તાનીમાં, ભારતીય ટીમ હરમનપ્રીત કૌરની કપ્તાનીમાં પાંચ વનડે અને એક ટી-20 આંતરરાષ્ટ્રીય મેચ રમશે. ભારતીય ટીમના 6 મેચના શેડ્યૂલની શરૂઆત 9 ફેબ્રુઆરીએ ટી20 મેચથી થશે. આ પછી, પાંચ વનડે મેચ રમાશે, જે 24 ફેબ્રુઆરીએ સમાપ્ત થશે. આ શ્રેણી પછી તરત જ ન્યુઝીલેન્ડમાં જ માર્ચ-એપ્રિલમાં વર્લ્ડ કપનું આયોજન કરવામાં આવશે. જો કે આ વર્લ્ડ કપ ગયા વર્ષે રમાવાનો હતો, પરંતુ કોવિડ-19 મહામારીને કારણે એક વર્ષ માટે સ્થગિત કરવામાં આવ્યો હતો.

ભારત અને ન્યુઝીલેન્ડ વર્લ્ડ કપની તૈયારી કરશે

ન્યુઝીલેન્ડ ક્રિકેટે શુક્રવારે એક પ્રેસ રિલીઝ દ્વારા ભારતીય ટીમ સાથેની આ શ્રેણીની જાહેરાત કરી હતી. NZC અનુસાર, “ધ વ્હાઇટ ફર્ન્સ (ન્યૂઝીલેન્ડની મહિલા ક્રિકેટ ટીમ) વિશ્વ કપની તૈયારીઓને અંતિમ સ્વરૂપ આપવા માટે ભારત સાથે છ મેચની શ્રેણી રમશે, જેમાં એક T20I અને પાંચ ODI હશે.

આ શ્રેણી અંગે NZCના CEO ડેવિડ વ્હાઇટે કહ્યું, “ભારતીય ટીમ સામેની શ્રેણી વ્હાઇટ ફર્ન્સની વર્લ્ડ કપની તૈયારીઓનો એક મહત્વપૂર્ણ ભાગ છે.”

ભારતના ન્યુઝીલેન્ડ પ્રવાસનો પ્રવાસ કાર્યક્રમ:

• 9 ફેબ્રુઆરી: T20 ઇન્ટરનેશનલ, નેપિયર
• 11 ફેબ્રુઆરી: પ્રથમ ODI, નેપિયર
• 14 ફેબ્રુઆરી: બીજી ODI, નેલ્સન
• 16 ફેબ્રુઆરી: ત્રીજી ODI, નેલ્સન
• 22 ફેબ્રુઆરી: 4થી ODI, ક્વીન્સટાઉન
• 24 ફેબ્રુઆરી: પાંચમી ODI, ક્વીન્સટાઉન

કોરોના વિરામ પછી માત્ર ચોથી શ્રેણી

ગયા વર્ષે કોરોનાના કારણે વિક્ષેપ બાદ ભારતીય ટીમને વધુ ક્રિકેટ રમવાની તક મળી નથી. ટી-20 વર્લ્ડ કપ 2020ની ફાઈનલ બાદ ભારતીય ટીમ એક વર્ષ સુધી કોઈપણ શ્રેણી વગર બેસી રહી. ત્યારબાદ માર્ચમાં દક્ષિણ આફ્રિકા સામે ઘરઆંગણે વનડે અને ટી-20 શ્રેણી રમાઈ હતી. આ પછી જૂન-જુલાઈમાં ઈંગ્લેન્ડના પ્રવાસ પર એક ટેસ્ટ મેચ, 3 વનડે અને 3 ટી20 મેચ રમાઈ હતી, ત્યારબાદ ઓસ્ટ્રેલિયાનો પ્રવાસ કરવામાં આવ્યો હતો. જો કે, આ દરમિયાન કેટલાક ખેલાડીઓને ઈંગ્લેન્ડમાં ધ હન્ડ્રેડમાં રમવાની તક મળી અને હવે તે જ ખેલાડીઓ ઓસ્ટ્રેલિયામાં મહિલા બિગ બેશ લીગમાં રમી રહી છે.

આ પણ વાંચો : T20 World Cup: પાકિસ્તાનની હારથી નારાજ ફેન્સનો ગુસ્સો ફાટી નીકળ્યો, હસન અલીને કહ્યું ફિક્સર, પત્નીને RAW એજન્ટ કહી